« | »

jioi 2007: faly ihany na dia...

2007-08-15 @ 08:04 in Spaoro

Hatezerana ny hasosorana ny an'ny mpitia baolina fandaka raha tsy nitoko fa nanao ady sahala ny ekipam-pirenentsika ny alahady teo. Ny tena nahakamo moa dia ilay tsy nahatafiditra baolina mihitsy no sady tsy nisy tifitra afa-tsy ny an'i Eric Faneva indray mandeha ihany. Tsy nahagaga loatra raha nitehaka avy hatrany ny olona rehefa nanao tifitra maromaro ny Mahorey tamin'ny lalao faharoa.

 

Omaly ary dia efa somary nalaindaina ihany ny mpijery ny hamonjy an'i Mahamasina nefa tonga ihany sy feno rehefa tonga ny lalao faharoa nandraisan'i Madagasikara anjara. Nampihomehy ahy ihany fa any amin'ny vavahady atsimo avokoa ny olona no milahatra fa manahy sao tsy misokatra ny vavahady avaratra (anoloan'ny vavahadin'ny ste famille). Noho izanny dia izaho no nilahatra voalohany sy tafiditra voalohany tao amin'ny kianjaben'i Mahamasina tamin'ny mpijery tsotra.

 

Rehefa nanomboka tokoa ary ny baolina ka efa hitan'ny mpilalao fa tifitra no tena andrasan'ny mpijery ary ny baolina miditra no fantany dia nanandrana tamin'ny tifi-davitra ihany na dia mivilambilana matetika eny aza. Tsy nahitam-bokany mihitsy io ny fidirana voalohany fa nivaly kosa tany amin'ny fidirana faharoa.

 

Minitra fahaefatra dia nahazo penalty (2° mi-temps) ny malagasy saingy tsy tafiditry Mamy (21) izany. Nandresy 3 noho ny aotra ihany anefa isika avy eo ka i Voavy paulin ny roa voalohany ary i Claudio kosa ny iray farany. Nody amin-kafaliana ny mpijery satria tafakatra antsasaky ny famaranana ihany ny malagasy.

Hevitra

Nitoko ihany nony niafarany

Arahabaina izany fa nody isa ny baolina natsakaina ;) Enga anie ka mba tsy ho troatra farany fotsiny fa mba hitohy ?

Nampidirin'i tomavana @ 22:16, 2007-08-15 [Valio]

toa ilay Voavy Paulin no hitako (t@ MBS) fa mahay sy mihetsiketsika na dia kelikeliray aza ranamana

Nampidirin'i Rajiosy @ 18:22, 2007-08-19 [Valio]

raha ny momba ny afomanga dia nijery avy taty Isoraka ny tenanay (somary nangatsiatsiaka tamin'iny alina iny !) ka tena valalanina tokoa fa ny aty Frantsa aza vitsy karazana kokoa sy fohy kokoa.

tonga @ ilay fitenenana hoe "ils n'ont pas fait les choses à moitié". Asa izay androany alahady famaranana !

araka ny feo henoko avy tamina mpijery télé dia voalaza fa sinoa hono no nikarakara iny afomangabe iny ary narindra tamin'ny ordinatera mihitsy ilay izy.

Nampidirin'i Rajiosy @ 18:27, 2007-08-19 [Valio]

raha ny momba ny afomanga dia nijery avy taty Isoraka ny tenanay (somary nangatsiatsiaka tamin'iny alina iny !) ka tena valalanina tokoa fa ny aty Frantsa aza vitsy karazana kokoa sy fohy kokoa.

tonga @ ilay fitenenana hoe "ils n'ont pas fait les choses à moitié". Asa izay androany alahady famaranana !

araka ny feo henoko avy tamina mpijery télé dia voalaza fa sinoa hono no nikarakara iny afomangabe iny ary narindra tamin'ny ordinatera mihitsy ilay izy.

Nampidirin'i Rajiosy @ 18:28, 2007-08-19 [Valio]

frantsay

frantsay fa tsy sinoa no nikarakara iny afomanga iny. croix-rouge misy tohiny izay ilay izy fa tsy tadidiko intsony!

Nampidirin'i jentilisa @ 09:18, 2007-08-20 [Valio]

dont acte e !

Nampidirin'i Rajiosy @ 09:57, 2007-08-20 [Valio]
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Novambra 2019 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox