« | »

Euro 2008: Maty piraoga ny mpitia baolina gasy

2008-06-07 @ 20:50 in Spaoro

Mionòna mionòna ialahy ry mpitia baolina Malagasy fa izay kely azon’ny Afnex omena an’ialahy ihany no sisa arahin’ialahy mivantana. Zara aza ialahy nomeny baolina valo hojerena amin’ity euro 2008 ity ka ampahaefatry ny famaranana ny roa, atsasaky ny famaranana ny iray ( fa maninona no tsy izy roa e?) ary ny famaranana ny iray. Zara aza ialahy nahita ny lalao fanokafana androany alina iny dia amin’ny alakamisy 12 marsa 2008 hihaonan’ny Alemana sy ny Kroaty indray ny baolina manaraka.

Fa iza anefa no nilaza tamin’ialahy hoe aty amin’ny faritra mahantra Afrika Atsimon’i Sahara ialahy no mipetraka? Ahoana tsara hoe? Maninona raha mividy ny fitondrana Malagasy hanome fahafaham-po ny vahoaka tsy mandady harona? Oadray! Izy anie afaka mijery amin’ny TPS sy ny Canalsat e! Maninona raha mampiditra ny iray amin’ireo ialahy? Soa ihany aho fa tsy naka “congé” fa izany no fanaoko rehefa avy ny Euro na ny mondial. Sa ve hoe rehefa tsy hijery baolina aho rahampitso dia heverin’ialahy fa tsy tia baolina mihitsy aho? Ka raha tia hanaraka baolina mivantana anie ialahy mitantara ny Radio Nasionaly Malagasy e! Ahoana tsara hoe? Izay aloha e! Ny mijery no tena izy fa tsy itantarana.

Dia inona anefa no hataon’ialahy? Himenomenona fotsiny any ambadika any? Ka sahin’ialahy ve ny hitaky Euro eny Mahamasina rahampitso? Izaho anie ho’aho tsy ho eny e! Io tsy fahaizana mivondrona io ihany no mahavoa an’ialahy? Fa raha misy fihetsiketsehana (izay ho nofinofy tanteraka aloha eto Madagasikara) rahampitso mety ho heno ihany ny hetahetan’ialahy ka! Saingy ny vahaolana tsotra indrindra dia ny mitady akama manana TPS na Canalsat e! Izaho aloha tsy manana fa efa mahay mionona e! Zara aza nomeny baolina valo na dia tsy mahaliana loatra aza ny lalao omeny e! Foha! Foha! Ndeha matory fa tsiiiy iiiiiy! Ary tsy ramatoa no imenomenonana eo! 

Hevitra

akory atao re rajentl. Mahaiza mionona tokoa.
Eee, "misy farany e raha jiaby" hozy ny hira (minoa fotsiny ! :-P - aiza elah ry news2dago hihihi)

Nampidirin'i ikalamako @ 22:30, 2008-06-07 [Valio]

Ikalamako =>Za mahita euro fa manana tvf ato an-trano e!

jentlisa => Soa fa ny anao no tg aloa fa ra za no nitatatata teo omaly angamba asa fotsiny! koa nareo anie tsy mifidy TIM koa inona no omeko anareo eo e!

Ra fetsy zao ny commune dia manangana ecran lehibe iray haingana dia haingana eo @ 13mai de asina kabary politika kely tg de miongana ra8! pi maso fotsiny ity rajentlisa fa top sisa andrasana dia rava io a!
t@ ilay iraika lahy taloha izay tsy nisy euro voadingana mihitsy! lol

Nampidirin'i news2dago @ 08:40, 2008-06-08 [Valio]

Ilay izy aloha hita tsara amin'izay hoe iza no tena tia ity baolina fandaka ity e! indrisy manko ry sarambambe

Nampidirin'i jentilisa @ 12:05, 2008-06-08 [Valio]

Tena mitovy hevitra @ news2dago ny manampahefana taty Genève ka nametraka écran géant tamin'ny kianja malalaka izay anasana maimaim-poana ny vahoaka ... satria zary tsy ho tafiditra eny amin'ny kianaja daholo ireo mpijery.

Tsy mitovy anefa ny hoenti-manana ... Mamangy @ fahoriana e !

Nampidirin'i tomavana @ 15:17, 2008-06-08 [Valio]

Vokatry ny halafosan'ny vidim-piainana daholo izao r'ise a.

Nampidirin'i lehilahytsyresy @ 20:24, 2008-06-08 [Valio]

Ary i DotMG indray tamin'ilay hoe nividy ny alàlana handefa ny CAN 2008 ny fitondrana malagasy dia saika hitabataba hoe maninona ny vola raha atobaka ho fampandrosoana ny baolina kitra eto an-toerana (ohatra, mba atao 1 miliara ny loka @ THB Champions League ireny), fa ny mpanao azy tsy omena azy fa ny mpankafy izay manao fitia valalan'amboa indray no omena fahafaham-po?

Ndao hihazakazaka 2 : Ndao hanao kitra. Rehefa tsy afaka hahita fafiny mijery ny Euro ialahy isany, ndao hanao an-kisisika! 200Ar ny fandraisana anjara.

Nampidirin'i DotMG @ 05:58, 2008-06-09 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Mey 2019 »
Ah At Ta Ar Ak Zo As
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Tahiry
Credits
LifeType IE7 XHTML CSS Firefox