« | »

Tim sa Distim? anao ny safidy!

2008-09-10 @ 11:59 in Politika

Alohan'ny zava-drehetra aloha dia lazaiko vetivety ny fiovana madinika amin'ny anaran'ny bolongana. Natao hoe Maharesaka VETO indray ny anarany satria mihamafana ny toe-draharaha eto Antananarivo raha ny avoakan'ny gazety no tsinjovina. Teraka indray izany fikambanan'ny vahoaka madinika izany. Miala tsiny aloha fa tena mankaloiloy ahy ny mandre izany fitenenana hoe "vahoaka madinika" izany fa ny parasy sy ny kongona no vahoaka madinika fantatro... koa raha te-hitovy torosy amin'izy ireny moa ry zareo atao akory.

Dia tahaka izay indrindra, Maharesaka satria izay rehetra tsy mifanaraka amin'ny eritreritro dia voapala avokoa na iza izy na iza. Tsy tongo-bolo ka tapenam-bava. Eto aloha dia ny Tim no mahazo ny anjarany. Tim sa Distim?

Raha mba manana fahalalana kely tahaka ahy ihany dia toa zavatra mifanohitra tanteraka ireo amin'ny fiteny tandrefana. Ohatra: Ny mifanohitra amin'ny qualifié dia ny disqualifié eo amin'ny teny Firantsay. Raha jerena indray ny teny angilisy ny mifanohitra amin'ny appear dia ny disappear! koa ahoana indray ity distim fototry ny tim ity? angamba manko raha natao hoe timdis dia milaza fa diso ny tim amin'iny. Raha izao manko mba hoe fivondronana ihany no nilazana azy fa tsy izany disitirika mba olana iray voavaha amin'ity anarana hafahafa ao amin'ny tim ity.

 

Hevitra

Efa ela no saika hanontany hoe Raha toa moa ka Vaovao ETo Am-pita izany dia VETA ve no anaran'ny bolongana? Fa raha manao blaogy mitondra an'izay anarana izay angamba, ho be mpitsidika toy ny GTV.

Ankamantatra, inona no contraire-n'ny dispute?

Ny atao hoe vahoaka madinika izany tsy ny parasy sy kongona kosa e, fa ny olona sahala aminay raha ampitahaina amin-dry saveoursmile.

Nampidirin'i DotMG @ 13:25, 2008-09-10 [Valio]

Ny "vahoaka madinika" ry ilay Koto dia expression malagasy efa h@ ela. Tsy azo raisina amin'ny tena heviny fa manjary mankarary fo, fa efa fantatra ny tiana ho lazaina. Raha raisina ami'ny tena heviny daholo ny teny rehetra dia efa be ny nifamono mahafaty eto antany :): ohatra : tsy maty voalavo an-kibo(mihinana voalavo ve ilay olona izany ? tsia !). Tsy haiko izay anaran'izany fikambanana vaovao izany fa tsy nolazainao na izaho no tsy mahazo resaka tsara, fa izao : tsy azo ampiharina be fahatany amin'ny fitsipi-pitenenana malagasy ny fitsipi-pitenenan'ny teny vahiny ! Samy manana ny azy ny tany tsirairay avy. Tsy dia milay ilay DisTIM amiko :)

Nampidirin'i Rasoa @ 14:17, 2008-09-10 [Valio]

hafa indray iny dispute iiny ka! iny indray no tsy hitako!

Ilay tsy itiavako vahoaka madinika dia ara-tantara. ilay voalaza amin'ny gazety hoe hijoro ny fikambanan'ny ahoaka madinika avy amin'ny toerana iva manainga ny manao politika (mpanohitra) hijoro hiaro an'Antananarivo. Efa tena politika be ilay zavatra e

Nampidirin'i jentilisa @ 17:57, 2008-09-10 [Valio]

hafahafa faneno tokoa aloha izany hoe DisTIM e; Misy fanalavàna azy ve izy io? sa dia teny noforonina fotsiny ?
Dotmg> hahahahaha.

Nampidirin'i Tkinao @ 20:12, 2008-09-10 [Valio]

Disitrika TIM ny fanalavana azy e

Nampidirin'i jentilisa @ 09:51, 2008-09-11 [Valio]

Mbola hisy koa ny RegTim (Tégion Tim) sy ny FokoTim (fokontany Tim) sy ny hafa koa.

Nampidirin'i Su @ 11:18, 2008-09-11 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Aogositra 2019 »
Ah At Ta Ar Ak Zo As
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
Tahiry
Credits
LifeType IE7 XHTML CSS Firefox