« | »

Isaorana ny Katolika

2008-11-02 @ 16:12 in Finoana

Alahady indray ny andro. Raha aty amin'ny tany mahantra andalam-pandrosoana mbola mahery ny fivavahana. Alahady voalohany amin'ny volana aogositra, fandraisana ho an'ny protestanta amin'ny ankapobeny. Ny an'ny Katolika eto amin'ny arsheveshe Antananarivo indray dia famaranana ny sinaody lehibe.

Vory maro dia maro tokoa ny mpivavaka avy amin'ny EKAR maneho ny firaisan-kinany sy ny fahazotoany. Tsy mba mifidy toerana tokoa ry zareo na dia mingaingaina tokoa aza ny hainandro.Ataoko fa tsy latsa-danja amin'izany ny fanentanana isam-piangonana tany. Ny protestanta manko amin'ny ankapobeny na entanina aza dia manao hoe iza koa no hitanin'andro any?

Fa ny tena mahavariana ary tsy mitsahatra aho ny mamerimberina dia hoe fa inona foana ity fanapahana ny lalan'Anosy andro alahady maraina ity ka manakorontana ny fiainana andavanandron'ny olona hatrany. Tsy misy afa-tsy eo ve ny toerana ahafahana manao izany. Nisy hazakazaka bisikileta maraina indray manko nanodidina an'Anosy. Tena voahelingenina ny rehetra satria tapahina ny lalana ami'nny fotoana tahaka ireny. Izany no isaorako ary ankasitrahako ny katolika fa tsy mihemotra amin'ireny izy ireo. Vao maika aza manaika ny hambom-pony raha izany ihany koa no azo ilazana azy.

Tsy nandeha mivantana tamin'ny haino aman-jerim-panjakana moa ity fotoan-dehiben'ny katolika ity... ary manahy mafy aho fa tsy nanatrika io ny filoham-pirenena. Saika tsy nolazaina tamin'ny rnm ny fisiany fa tamin'ny vaovao teny frantsay ihany no nilazana azy. Eo no manahirana satria hevitro manokana tahaka ny tsy miraharaha ny katolika mihitsy ny filoham-pirenena.

Fa ny iverenako hatrany ihany koa dia ny faneken'izay tompon'andraikitra ny hisian'ny fanelingelenana mandrakariva isaky ny alahady voalohan'ny volana. Tena omeko tsiny mihitsy izay tompon'andraikitra manaiky ilay izy satria toa fanivaivana ny zavatra fikirin'ny maro no ataony manapaka io lalana maro mifamezivezy rehefa alahady io (na ny ankehitriny na ny taloha). Raha vitsy an'isa ny kristiana dia tsy olana mihitsy fa raha betsaka kosa hananany olana ihany io ny farany. Izaho moa dia manameloka mandrakariva io fanelingelenana io hatramin'ny ela ary fantatrareo izay nanaraka ny bolongako hatry ny ela izany.

 

Hevitra

miala tsiny fa tsy arako kely ry jentilisa ilay hoe tapahana ny lalana satria ny protestanta no antony va sa ahoana ? avy eo aho vao maneho ny hevitro..misaotra mamaly e rahatoa kah!

Nampidirin'i fahamarinana @ 19:17, 2008-11-02 [Valio]

ary i jentl zany tsy mba maika hanao krisimasy kle... tara 2 volana ny alimanakan'ela :)

le resaka biskleta aloha, na aiza na aiza io no atao dia tsy maintsy manapaka lalana foana ee.
Tokony tsy atao miara-mitontona fotsiny ny evenement anaki-2...

Mikasika ny hoe tsy ahoan-dra8 mintsy ny katolika, raha ny tokony ho izy aloha dia tokony samy tsy hisy horarainy doly ny finoana rehetra e. Tsy misy tokony hidiran'ny rafanja any @ resaka fivavahana mintsy... mais bon, ra resaka fin politika indray moa, tsy izy ary ve no mila ny katolika? franchement, tsy hifanambatambazana io fa foton-kazo sy vorona, hitantsika eo iza no hanantona pre eo ;-)

Nampidirin'i simp @ 19:54, 2008-11-02 [Valio]

Ny bisikileta no antony e! ny tena mahakamoaminy dia tsy nisy na tsynahare ny filazana nyhisiany mihitsy ny olona fa toa tratran'ny tampoka foana.

Amin'izao fotoana izao anie ra-simplex mifandrohy ihany ny fanjkakana sy ny fiangonana ary fantatrao fa katolika hatrany no nitondra teo aloha. Manana ny heriny ihany ryzareo na dia izany aza an!

Nampidirin'i jentilisa @ 20:54, 2008-11-02 [Valio]

Fanitsiana: Arshidiosezy no nanao ny sinaody fa tsy ny arsheveshe

Nampidirin'i jentilisa @ 13:28, 2008-11-03 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Novambra 2019 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox