Mila fitandremana ny mamoaka vaovao
Nahavariana tato ho ato fa be dia be ny famoaham-baovao tsy marim-pototra nefa niely haingana dia haingana tokoa. Nahavariana fa na dia ny fampahalalam-baovao efa ela nihetezana aza dia tratra soa aman-tsara tamin'ny valin'ny baolina diso sy andro diso. Ny fatratra dia maro ihany koa ny haino aman-jery nanambara izay vaovao diso izay.
Ny faharoa indray dia ny momba ny loza voajanahary mandalo eto Madagasikara amin'izao fotoana izao. Nahoraka dia nahoraka fa nisy olona 9 nianjeran'ny trano tany amin'ny fandraisam-bahiny iray any amin'ny nosy Sainte-Marie. Nisaritaka tanteraka ny filazam-baovao omaly. Nisy nilaza fa maty ireo olona voalaza ireo. Nisy kosa ny nametraka fisalasalana fa tsy mahalala ny tohin'ny raharaha. Ny marina dia tapaka avokoa ny tambajotram-pifandraisana rehetra tany amin'io Nosy io. Dia nanitsy ny tany an-toerana androany atoandro fa tsy nisy namoy ny ainy velively tany amin'iny toerana iny.
Izay ry zareo ny filazana tsotra: mila fitandremana tokoa ny mamoaka vaovao fa manjary manimba ny hasin'ny famoaham-baovao sy ny fitokisan'ny namana rehetra. Tsara ny miala tsiny mazava rehetra tratran'ny tahaka io tranga io fa tsy manafina mangina azy any.
dia firy sy firy no tena marina @ le ajesaia e?
Nampidirin'i news2dago — 19 Feb 2008, 14:45
Misaotra jentilisa a!
Nampidirin'i Tokinao — 19 Feb 2008, 15:27
ny alahady no natao ny baolina ary 2 noho ny 0 no niafarany. Nomarihin'ny mpitatitra fa tany amin'ny arret de jeu hatrany no nahatafiditra ireo baolina ireo nefa aleo miandry izay avy any amin'ny nandeha tany mihitsy. NIsy ny nanamarika fa tsy nitondra mpanao gazety ny ekipan'i Ajesaia no nahatonga io olana iray io.
Manaraka izany ny tompon'andraikitra ao amin'ny APIPA no nanaika ny rehetra fa tokony hamonjy ny faritra avo daholo ny any amin'ny faritra iva rehetra satria raha nojerena ny any Antelomita ka 3 metatra ny haavo faratampony tokony holeferina amin'ny fitobahan'ny rano dia efa mihoatra atsasa-metatra io fetra io amin'izao fotoana izao.
Nampidirin'i jentilisa — 19 Feb 2008, 16:04
Neveriko fa resaka censure sy fahafahan'ny fampitana vaovao indray ka d efa hoe fa nisy in ndray eee hihihi
Tokony tsy avoaka mintsy nge ny vaovao na hoe asiana "reserve" refa tsy tena fantatra ny marina eee
Nampidirin'i simp — 19 Feb 2008, 16:23
Ianao no nitondra ny vaovao tsara voalohany hatramin'ny niantombohan’izao raharaha izao !
Misaotra :)
Nampidirin'i tomavana — 19 Feb 2008, 18:12
Misaotra r'ise Jentilisa a! Na izaho aza dia tratran'io. Ary dia naneho fialantsiny ho an'ny daholobe ao amin'ny gazety_adaladala. Tsy hita moa ity isika Malagasy olon'ny fo ity e!
Nampidirin'i Avylavitra — 21 Feb 2008, 06:37
Andalovana daholo izany e! na izaho aza anie torak'izany fa manitsy ny tenako mihitsy aho rehefa tratrany ihany koa.
Nampidirin'i jentilisa — 21 Feb 2008, 07:49