Momba ahy
jentilisa

Faly miarahaba anareo sy mandray anareo eto amin'ity bolongana ity. Mirary anareo hazoto hamaky sy hizara ihany koa ny tsapanareo sy ny hevitrareo, tsy voatery ho eto fa any amin'izay sehatra tianareo hamoahana ny hevitrareo. Firariantsoa mba hifampitaiza amin'ny fijoroana hiteny sy tsy hitsanga-menatra amin'ny fanehoan-kevitra. Hiezaka isika ho amin'ny fampandrosoana sy ny fahalalahana satria ny tanjon'ny fahalalahana dia ny fivelarana fa tsy hifanapempo sanatria. Ny fivelarana katsahina dia ny fivelaran'ny mahaolona, hahay handray andraikitra amin'ny fotoana mahamety izany. Ny sariko eto moa dia nopihan'ilay Ejipsiana antsoina hoe Tarek Amr izay namana ao amin'ny vondrom-piarahamonina an-tserasera sy tia mamoaka vaovao manerantany Global Voices Online izay efa adika amin'ny teny malagasy ihany koa ary anasana anao hamaky azy sy hanitsy ihany koa indrindra raha mba manana fahaizana ny teny anglisy sy ny teny malagasy ianao.

search
calendar
« Oktobra 2014 »
Ah At Ta Ar Ak Zo As
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Nampidirina farany
Sokajy
Rohy
Tahiry
Syndicate
Credits
LifeType IE7 XHTML CSS Firefox

« | »

Nadine Ramaroson : Fahafatesana tsy mazava?

2011-08-29 @ 00:29 in Ankapobeny

Ankona ihany ny tena raha nahare taorian'ny fahafatesan'ny mpanao gazetin'i Midi Madagasikara iray, Stephane Jacob, fa nodimandry ihany koa ny minisitry ny mponina avy ao amin'ny Fitondrana Avon'ny Tetezamita Rtoa Nadine Ramaroson ny andron'ny alahady 28 Aogositra 2011. Voalaza fa lozam-pifamoivoizana an-dranomasina no nahazo azy ka izao nindaosan'ny fahafatezana azy sy mpiara-miasa aminy akaiky izao rehefa avy nanatrika fety tao amin'ny Nosy Ibrahim na Ste-Marie. 


Agrandir le plan


Ilay nahafatesany amin'izay no mahavaka ny saina: Tsy fitandremana ve? Voalaza fa anisan'ny mampidi-doza indrindra io vinany nahafatesany io (Soanierana Ivongo) satria fihaonan-dranomasina sy ranomamy. Mety hamitaka ny fitonian'ny ranomasina tazamaso amoron-drano fa mety hisy onja hisamonta tampoka rehefa eny afovoan-drano ianao. Efa nisy ny olona matin'ny loza mitovitovy amin'izao eo amin'io faritra io ihany. Ny tampoka tsy maha-lehilahy hoy ny fitenenana. Marihina fa mahay milomano Rtoa minisitra avy ao amin'ny FAT saingy izay angaha ny androny.


Fipoahana nahafatesana mpamonjy voina ihany koa: Gazety iraisam-pirenena no nahitana fa nisy olona fito maty raha saiky hamonjy ny lakana izay nandehanany noho ny fipoahana nitranga. Eo no nisy tsy mazava tsara, inona ilay fipoahana na fipoahan'inona ilay izy? Noho izy olona politika mihitsy no niteraka ilay fanontaniana. Ao an-tsaina avy hatrany manko ny hoe sao dia nisy namono kosa?


Tamin'ity volana aogositra ity indrindra dia nisy fanazavana nosoratany tao amin'ny kaontiny Facebook fa nisy fifanolanana teo aminy sy ny Lehiben'ny zandary faritra Analamanga tarihin'ny Jeneraly Ravalomanana. Resaka fisamborana ny mpiara-miasa aminy noho ny resaka tany any Faharetana no nahatonga azy nanoratra somary lavalava ihany. Ny fokonolona ao an-toerana sy ny orinasa Bionexx moa no nifanolana amin'izy io. 


NIlaza ny namana Alain Rajaonarivony fa an'ilay Karana malaza antsoina hoe Akbaraly io orinasa Bionexx io. Tsy fantatro moa na marina izany na tsia fa ny anarana Charles Giblain no hitako ho Tale Jeneraliny ary manana tetikasa iarahana amin'ny AFD (Agence Francaise de developpement) ilay orinasa. Hitako tamina fitadiavana mpiasa moa fa ao amin'ny Immeuble Injet Ambodivona no karazana foibeny eto Madagasikara. Tsy dia midika inona moa izay nambarako izay fa mba antsipirian-javatra tsikaritra fotsiny. 


Ny mahalasa ny fanontaniana kosa dia ny nanaovan'ny Lehiben'ny Zandary faritra Analamanga ity tranga izay tsy tao anatin'ny fari-piadidiany ity. Hatraiza tokoa moa izany ny fahefany? sa mailo noho ilay fifanolanana madinika vao nitranga tamin'ity volana aogositra ity?


Inona kosa ny mampalaza ity Rtoa nodimandry ity? Miseho ho akaikin'ny vahoaka madinika izy ary manampy azy ireny tokoa amin'ny fanaovana tolotolotra. Na manao izany aza ity dia tsy mba hita miaraka amin'ny Association Fitia izay tantanin'ny vadin'ny filohan'ny FAT (fa toa mifaninana aza ve?). Nisy aza fotoana mitsidika tampoka any amin'ireny tsy manankialofana ireny izy, amin'ny andro alina, mamoha azy ireny ary mizara mivantana ny sakafo entiny. 


Etsy ankilany kosa dia maro no manana ahiahy noho izy maika tamin'ny fanalalahana kokoa indray ny fananganan'ny vahiny zaza rehefa naato izany nandritra ny fitondrana teo aloha noho ny ahiahy fangalaran-jaza. Ampangain'ny mpanenjika azy ho miara-miasa amin'ny mpangala-jaza moa izy noho izay fihetsika nataony izay. Raha 3 monja manko, ohatra, ny zaza malagasy natsangana fianakaviana frantsay tamin'ny 2008 dia niakatra ho 26 izany tamin'ny 2009 ary 37 tamin'ny 2010.


Na izany na tsy izany dia mirary fiononana feno ho an'ny fianakaviany sy ny olona akaiky azy ny mpanoratra.


Jentilisa, 29 aogositra 2011 02:30 maraina, Antananarivo

Hevitra

[Valio]

Miteraka ahiahy daholo fa efa vonton'ny politika ny malagasy na dia maty tsotra ary.

Maniry fiononana ho an'ny vady aman-janany sy ireo olona notaizany tamin'ny fanamppiana.

Nampidirin'i Kdaombaramita @ 08:08, 2011-08-29

[Valio]

tsy manambady no tsy mananjanaka izy ry kidaobaramita a!

Mbola tantara mitohy io loza io fa eto isika hitazana ny fat.

Nampidirin'i bozyboleta @ 21:12, 2011-08-29

jangaleouah [Valio]

Maro ny resaka mandeha ary possible ho marina daholo:
1-Novonoin'ireo FAT namany ireo izy fa mis Blem ts takantsika eritreretina ao,...met @zay mety azo ahilika fa Ra8 ndray no ao ambadikany e...satria diniho fa ny harivan'iny ihany dia lazaina fa,niniana natao mantsy e!...nis grenady nipoaka tao am Toby Ratsimandrava,...forcé-na fotsiny ny malagasy hampifandray ireo zvt ireo,korontanina ny sainy mba hankahala an-dRa8,...

Nampidirin'i rakotondrasoa @ 10:15, 2011-08-31

[Valio]

nahita teo efa ela fa inaghy Michel Domenichini Ramiaramanana toa tontakely fantatr'olona.
ka lalina fa tao hoe hatrany fangalaran fasan hono

Nampidirin'i FIZAHREHONO @ 10:22, 2011-08-31

ZANAK'DADA [Valio]

zaho manokan angamb tonga d ijery zavatra positif b, marna f anisan'ireo olona nahatonga izao krizy izao ramatoa ministre Nadine,saing saing ndeha kous ts ho di tsy hita ireo asa ara_tsosialy vitany e

Nampidirin'i rivo @ 19:28, 2011-09-01

bouba [Valio]

Aza manompa ny maty r'se fa raha tsy teo izy de iza no teo Ny fitia ve?Tara loatra .Efa ra mikoriana an-dry Ramaroson ny fanaovana Asa soa.Fotsiny tsy natao anana fahaizana Politika Rtoa ka matimaty foana.Ankazomiriotra 2 ioe!Dia maniry fihononana ho an'ny fianakaviana.Ary Aleo tsy misahirana Hitory akory fa lany andro sy fananana eo fa ho antsika ragasy dia fisaka foana ny marina ??????

Nampidirin'i bouba @ 15:08, 2011-09-04

[Valio]

Za mieritreritra oe le resaka bois de rose ko, nahita tamin'ny telé ah oe nahazo menace izy momban'io resaka io!

Nampidirin'i Momban'i Tpkv Nadine Ramaroson @ 21:32, 2011-09-12

[Valio]

Cialis pilules sont largement etes aussi lun parmi fonction de leur etat probleme de. cialis Cialis pilules sont largement disponibles sur un certain nombre de sites en de sante.

Nampidirin'i honeFoeptbqjmg @ 06:31, 2013-04-28
Hampiditra hevitra

E-mail me when comments occur on this article

 This is the ReCaptcha Plugin for Lifetype