« | »

Nanao ahoana ny fety?

2006-06-27 @ 03:40 in Ankapobeny

Miarahaba antsika rehetra aloha nahatratra sy nahadingana iny fetim-pirenena iny indray. Samy mifaly avokoa na ny olona na ny gisa na ny vorontsiloza. Ny olona satria na dia mafy aza ny fiainana dia atao hatrany ny fety. Ny gisa sy ny vorontsiloza satria be no tsy tratry ny fahafatesana noho ny tsy fisiam-bola handaniana ny amin'izany intsony. Vao haingana rahateo no nankalaza ny pentekosta ny maro (ho an(ny kristiana) ka handany vola sahady indray ve. Dia miverina amin'ny asa aman-draharaha indray aloha na dia mbola variana amin'ny baolina hatrany aza ny loha. Ka nanakory sy nanakory avy moa izany ny fetintsika rehetra ity?

Hevitra

Tonga soa indray i Jentilisa!

Ny fety taty nahafinaritra ka. Fa nisy nahafinaritra kokoa fa tsy lasa tany izaho, hihihi.

Nampidirin'i pissoa @ 04:05, 2006-06-27 [Valio]

Dia ny fahatsiarovana no natao be dia be ra-Jentilisa a!

Nampidirin'i fraz @ 04:10, 2006-06-27 [Valio]

Nahafinaritra ny fety e, na dia ny 25 jona ihany aza no tena afaka nanampatra kely. Sady nahafinaritra ny baolina tamin'io, na dia niafara tamin'ny ankamely aza :)

Nampidirin'i lapino @ 05:04, 2006-06-27 [Valio]

Tongasoa Jentilisa,
Arabaina daholo vitan'ny fety e.

Nampidirin'i soanja @ 07:12, 2006-06-27 [Valio]

Misaotra amin'ny fifampiarahabana. Tena hoe mifaly tokoa ny olona taty na dia tsy nisy loatra aza ny natokona. Ny marina moa dia tahaka ny fanao isan'alahady ihany no natao dia toy ny hoe mifety e! ny olona moa ny nanaovany fety dia ny famonjena ny teny Analakely sy teny Mahamasina.

Nampidirin'i jentilisa @ 22:34, 2006-06-27 [Valio]
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Janoary 2018 »
Ah At Ta Ar Ak Zo As
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Tahiry
Credits
LifeType IE7 XHTML CSS Firefox