jioi 2007: Voa vao mihilana!

2007-08-20 @ 09:52 in Spaoro

Lesoka lehibe tamin'ny lanonam-panokafana ny nanaovana ny olona toy ny sesika. hany ka sahirana ny olo-tsotra tonga vao maraina teny. Maro koa moa ny naratra tamin'io fotoana io. Tsy mba toy izany kosa moa ny lanonam-pamaranana: tena nilamina ny olona ary dia nahafahana nivezivezy tsara ny tohatra sy nay lalantsara rehetra. afa-po tamin'iny lafiny iny ny mpijery fa tsy dia nahafa-po kosa ilay lanonana manokana. tena fohy loatra ilay dihy mirindra. Raha tsy nisy ny afomanga kely tao anaty kianja sy ny afomanga naharitra teo Anosy dia tena vasoka mihitsy. Soa ihany fa nasian-dry zalahy alim-pandihizana ho an'ny atleta tao amin'ny lapan'ny kolontsaina sy ny fanatanjahantena.

Nampidirin'i jentilisa | Trackback (0) | Permalink

Hevitra

FANKAHEREZANA

Mahereza daholo ry Gasy kely a, atao ahoana moa fa resy tamin'ny le baolina tena ankafizintsika isika e, toa ny sosoa voatapo-drano daholo ny fandresena hafa vao nidaraboka ny barea, nanampy trotraka koa ny teo amin'ny baskety lehilahy. Ny amin'ity farany aloha dia misy faut-tsika mpijery ihany e, tsika nangina be foana raha vo tsmitarika ny ekipantsika kanefa eo indrindra no tena ilana ny fampaherezana ho an'ny mpilalao, mba nanao izay ho afany mihintsy anie ry Kilobo Naguib sy ry Dagué fa refa tsy hiety tokoa ny hatao dia tonga amin'le oe akory atao: Otran'ny tsy mampino ny mieritreritra fa ry Dagué dia tsy ahafaty lancé-franc tsy in-1 mandé fa maromaro. Amin'ny manaraka indray manao misimisy e! Isaorana daolo ny athlètes gasy rehetra na ny nandresy na ny resy satria hita fa samy nanao ny ainy tsy ho zavatra niaro ny voninahim-pirenena. Ok daholo e

Nampidirin'i TIANAMANAMBINA @ 15:33, 2007-08-20 [Valio]

Momba ahy

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!