« | »

Fanafody angaha ny fimailo?

2007-12-01 @ 09:06 in Ankapobeny

Vao migadona ny voalohan'ny volana desambra dia ny andro iraisam-pirenena iadiana amin'ny sida avy hatrany no ao an-tsaina. Midika izany fa efa tafiditra tsara ao an-tsain'ny olona ny fanentanana fanao isa-taona sy mandavantaona amin'ity raharaha ity. Nanadino ny lahatsoratro any an-trano aho fa novaiko ny anaran'ilay dosie dia zara aza ianareo mamaky fohifohy kokoa.

Trangan-javatra tany Boriziny (Port Bergé) , nisy nitatitra no mba tateriko eto ihany koa. Nosakanan'ny polisy tao an-toerana ny fiara iray. Nojereny avokoa ny mombamomba azy rehetra, ara-dalàna iny aloha. Dia nosavainy ihany koa ny taratasy rehetra, ara-dalàna ihany koa. Avy eo dia nosavainy ihany koa ny fitoeram-pitsaboana haingana raha misy vonjy taitra. noheverin'ny mpamily fa ara-dalàna ihany koa ilay izy, saingy nanotany ilay polisy: "Aiza ny fimailo? tokony hisy fimailo koa ato? tsy ampy ireo!". Tapitra ny fitantarako fa hoy aho hoe: Pasitera ô! raha mamily fiara ianao ampividiano olona mety tsy ho fantatry ny mpivarotra ny fimailo, mompera sy masera ô! aleo angaha aloha ianareo tsy mamily fa sarotra be ilay hiresaka fimailo tsy maintsy ilainareo ary hoy ilay hiran'i Henri Ratsimbazafy izay hamaranako azy manao hoe: Vola ô, hatraiza moa ny fetran'ny herinao? Fa izao rehetra izao manaiky anao!

Fa na izany na tsy izany efa tsy nahita dokambarotra momba ny sida eny amin'ny afisy lehibe eny an-dalana intsony ho'aho izaho e! ny tele sy ny radio sisa izany?

Hevitra

Tena mahaliana ity vaovao entinao ity. Ka raha tena marina io tsy hisy koa ve izany ny fisavana ny paosin'ny mpandeha an-tongotra rehefa kelikely?

Nampidirin'i Su @ 13:07, 2007-12-01 [Valio]

Mahatsikaiky !

Angamba kosa ampiasaina tahaka ilay amin'ny "Zaza Mainty", hi hi.

Nampidirin'i pissoa @ 14:52, 2007-12-01 [Valio]

hihihi, maty aho basin-janako !

Nampidirin'i ikalamako @ 15:26, 2007-12-01 [Valio]

Mpanaraka ny andaharana karajia aho, ka resaky ny saofera noraisin'ny panao gazety mangina no nahazoana io vaovao io (micro caché). Efa elaela no namoahana io fa izao no fotoana fanararaotra amoahana azy e!

Nampidirin'i jentilisa @ 15:56, 2007-12-01 [Valio]

Loza koa izany soratra tsy ampy izany. Mpanaraka ny fandaharana karajia aho, resaky ny saofera no noraisin'ny mpanao gazety feo no tiako lazaina

Nampidirin'i jentilisa @ 15:59, 2007-12-01 [Valio]

Jentilisa,
misaotra anao nanome sary,

fa inona kosa moa no fahadisoan'ingahy polisy manontany fimailo @ olona rehetra, na dia mompera sy masera aza?
Tsy voatery ho hampiasan'ireo farany anie e, fa kosa afaka omeny ireo zatovo na olona sendra mila tampoka eny ananonanona eny...fa 'zany hoe tena zarainy fa tsy ho anazy an ;)

Nampidirin'i ikalakely @ 20:09, 2007-12-02 [Valio]

Jentilisa > misaotra amin'ny vaovao e ! Ikalakely > marina tokoa izany ! (...) Fa ity resaka fanentanana tokony hatao. Ho avy ny SADC dia hirohotra eto avokoa ny karazan'olona. Ny tsy ampy fivelomana sy sahirana ary ny lava rambo dia ho difotry ny filàna ka tsy hahatandrin-tena sady mandingana ny resaka fimailo dia hitombo indray io tahan'ny mpitondra otrik'aretina io eto an-tanindrazana. Nahoana ary moa raha toa ka izay mivezivezy rehetra na teratany na vahiny dia asaina manao fitiliana avokoa ? apetraka eny amin'ny seranam-piaramanidina sy seranan-tsambo ny toeram-pitiliana maimaimpoana dia TSY MAINTSY mankeo daholo. Sady mivaly vetivety izy io ! DIA izay MITONDRA avy dia ATOKANA mba tsy hiaro amin'olona FA TSABOINA. Sa ahoana ?
Nampidirin'i Tsikisariaka @ 15:26, 2007-12-03 [Valio]

Raha toa moa ka efa tafiditra anaty lalàna fa tsy maintsy anisan'ny fitaovana ao anaty 'boite à pharamacie' ny fimailo inona no lazaiko fa dia izay izany fa raha tsia kosa efa fanararaotam-pahefana no tiako lazaina e

Nampidirin'i jentilisa @ 16:57, 2007-12-03 [Valio]

jentilisa>

Ay, fa angaha tsy misy lalàna moa izany izy io fa "miseho milay" fotsiny izy?! odryyyy...

Tsikisariaka> Hevitra tsy ratsy fa manjary manao "discrimination" indray @ ireo marary? sa ahoana? raha toa izy ka atokàna ho hitam-bahoaka eny!!

Nampidirin'i ikalakely @ 10:02, 2007-12-04 [Valio]
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Novambra 2019 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox