« | »

Andry TGV Andohalo nirava aloha loatra

2007-12-05 @ 16:07 in Politika

 

Fa dia inona loatra re no nanjo ? Natao ho an’ny mpianatra ihany angaha ny famoriambahoaka nataon’ity kandidà iray ity ? Alarobia tolakandro izao ary heverina fa ho be ny mpianatra voavory ! Ny filazana tamin’ny gazety moa no nahitana fa manomboka amin’ny 1 ora tolakandro io fotoana io. Raha nokajikajiana tamin’ny natao tamin’ny Alahady lasa teo dia tokony ho tamin’ny 4 ora tolakandro izany no nanomboka ny kabarin’ity kandidà ity.


Tonga teny aho tamin’ny 4 ora latsaka fahatelony fa efa rava ny lanonana ! Vao nandalo teny anefa aho ny mitataovovonana ( ora iray mialoha ny fotoana nifanomezana)fa teo ampikarakarana indrindra ny sehatra teo afovoany eo alohan’ny tsangambaton’ny fahaleovantena ireo mpanohana mavitrika. Efa nisy vitsivitsy koa ireo mpanohana (mpandeha an-tongotra fa tsy ireo any anaty fiara mivezivezy) no mamonjy ny fipetrahana azo ipetrahana eny amin’ny manodidina. Izany hoe fony nandalo teny aho dia mbola tsy nisy mozika naneno teny. Rehefa niverina indray aho ny tolakandro efa tsy nisy mozika intsony ihany koa.


Be anefa no nihevitra fa amin’ny 5 folakandro any ho any vao tena hafana ny lanonana. Tokony ho 150 metatra tsy ahatongavana ny kianjan’Andohalo aho no nifanena tamin’ireo avy nanatrika ny lanonana voalohany nefa rehefa tonga teny aho dia kianjan’Andohalo (ilay kianja mamovoka be fa tsy mbola vitan’ny Kaominina io) efa babangoana sy ireo mpikarakara ny sehatra mangoron’entana sisa no tazana miaraka amin’ireo mbola tsy tafahetsika teo amin’ny toerana toa kivikivy mety mieritreritra hoe rava sahady ve rangahy nefa izahay mbola tsy afa-po mihitsy. Sa tena izay no mampiavaka ny atao hoe TGV ? vitaina haingana avokoa ny zava-drehetra ?


Ny tsikaritra ihany koa dia tsy mba mihirahira intsony ireo tanora mpandeha anaty fiara voaravaka manao fanentanana ho an’i Andry TGV. Tsy hoe manakivy ireo mpanohana dieny mialoha aho fa ahiako ho laharana fahatelo no misy azy rehefa mivoaka ny fifidianana ! Herinandro androany anie ny fotoana e ! 

Hevitra

Voalohany, tsy nalaiko intsony ny teo an-kianja satria tsy misy na inona na inona sy na iza na iza nalaina intsony teny.

Faharoa, tsy nalaiko sary intsony ny sehatra satria misy mivandravandra be ry zalahy mpitandro ny filaminana manokana!

fahatelo, tsy nampoiziko hoe teo ampihinana mofo anie ry zareo teo amin'ny sary voalohany nalaiko sary io.

fahaefatra, ireo ihany no tena tazako nanao ny tee-shirt ka azon'ny sasany lavina soa aman-tsara ny hoe tsy teny io sary io. Mbola teo ampanaovana sonia ny ankizy manko i Tovo J'hay ary teo aorian'ny fiara voaravaka an'ny mpanentana ireo sarin'ankizy eo alohan'ny trano akaikin'ny katedraly io. Noheveriko ho tafiditra tao ny sarina fiara saingy hay tsy tao... sary nopihana ankiafina manko ny sary telo amin'ireo efatra ireo.

Nampidirin'i jentilisa @ 17:02, 2007-12-05 [Valio]

hihihi
hadinoko tery ny fotokevitra ijoroan'ny lahatsoratr'i jentilisa fa ny embona indray ity no lasa mahita ny tanànanay tamin'izany kle ! Misaotra jentilisa a.

Nampidirin'i ikalamako @ 17:27, 2007-12-05 [Valio]

Fa taoko mpianatry ny lycee sy ceg no eny Andohalo ? Ko tsy mbola vitsy ve no efa afaka mifidy amin'ireny ?

Nampidirin'i lap @ 23:56, 2007-12-05 [Valio]

Tamin'ny fahitalavitra indray no renay dia hoe be olona be hono, ary ny teny Andohalo no nahavoriana olona indrindra aza? Koa gagagaga ihany amin'ny pronostic hoe ho laharana faha-3 ...

Fidio aho izay fidian'ialahy isany fa azoko antoka fa iray @ TIM sy TGV no lany eo, fa tsy ho i Vanf aloha, na dé lery aza no tiako kokoa.

Nampidirin'i DotMG @ 14:08, 2007-12-06 [Valio]

Mety hoe le mpianatra tia manao fety mintsy no ketriketrehan'lery. Hitan'lisany ihany ny fiaingan'le hoe "cool" le hoe malaza e. Na dia tsy mifidy aza ny ankabeazany lasa otran'ny hoe iny ndray no lamody , dia tsy maintsy lasa fan club wazy ireo zokin-jokiny 18-22 ans ;)

Lery kosa alou poinsa faha-2 e :) na mety ho pre mitsy aza

Nampidirin'i simp @ 16:09, 2007-12-06 [Valio]

Fa tsy nasehon'ny tele ny teo afovoan'ny kianja mamovoka tsy misy olona! mialoka no tena ady eo

Nampidirin'i jentilisa @ 16:53, 2007-12-06 [Valio]

Voalohany

Raha TGV aloha dia poinsa ny voalohany e ! Satria ireny olona kamo nifidy rehetra ireny dia hifidy an'lery daholo.Sady ny olona mba te hanao contre pouvoir an'TIM e ! Ilaina ihany ny contre pouvoir sao manjary lasa manaonao foana ny mpitondra.

Nampidirin'i Tanora mandinika @ 16:07, 2007-12-07 [Valio]

Tena ilaina mihitsy ny fifandanjakery ka! tena manaiky izay teny izay mihitsy aho.

Nampidirin'i jentilisa @ 16:26, 2007-12-08 [Valio]
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Oktobra 2019 »
Ah At Ta Ar Ak Zo As
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Tahiry
Credits
LifeType IE7 XHTML CSS Firefox