« | »

Ny angolanao Ratsimamanga (tohiny)

2007-12-31 @ 10:11 in Kolontsaina

Ity mpihira ity dia teo ampihirana ny hiran'i Dama Mahaleo tsy haiko lohateny iny fa misy ilay andalana manao hoe "indro misonenika ratovovavy iny". Hira fanentanana ny lalaon'ny Nosy tamin'ny 1990 izy iny raha tsy diso aho, fa mety ho diso mihitsy.

Ny sary hafa amin'ity andiany ity dia azonao jerena eto

Tsy diso fanoratra akory aho ary tsy diso famaky ihany koa ianao. Tsy ny angolanao ry Analamanga akory io nosoratako io fa ny Angolanao Ratsimamanga. Notontosaina tamin'ny alahady teo (omaly 30 desambra) tao amin'ny lapan'ny kolontsaina sy ny fanatanjahantena tokoa ny fahatsiarovana ny fahazato taona nahaterahan-dRatsimamanga ary dia naverina tao avokoa ny ankamaroan'ny hira nankafiziny na ny avy eto an-toerana na ny avy any ivelany.

 

 

Endrey ny mandre izany hira klasika tendrena amin'ny vahila sy ny gitara, ankoatra izay tsy maintsy hiraina amin'ny lokanga sy ny mozika be. Antokom-pitendry mozika roa samihafa rahateo no tsy miala eny ambony sehatra ka toy ny mizara roa miavaka tsara io sehatra ambony io.

 

Ny sary 15 hafa amin'ity andiany ity moa misy ireo mpihira  dia azonao jerena eto

Eo ambany kosa no diavin'ny mpanolotra sy ny mpiantsa tononkalo sy ny mpanolotra tarihin'ny filohan'ny Fimpima, sy ny Havatsa Upem ary ny mpanentana Atoa Lalao, heveriko ho filohan'ny fimpimi ihany koa nefa aleo angambaina fandrao diso izany (miala tsiny fa tsy tafiditro tanaty clé USB ny sarin'ny mpanolotra fa entiko amin'ny fiandohan'ny taona). Antsam-pitiavan-tanindrazana sy tantaran'i Madagasikara ary ny mombamomba an-dRatsimamanga no mibahan-toerana amin'izany tononkalo izany. Ny hira indray moa ankoatra ireo izay notiaviny dia saiky nalefa avokoa ny hiram-pitiavan-tanindrazana rehetra miandoha amin'ny hiram-pirenena, ny fanevan'ny mdrm ary ny "Madagasikara ho an'ny malagasy, malagasy ho an'i Madagasikara".

 

Ny sarin'ireo mpiantsa samihafa dia azonao jerena eto

Azo lazaina fa tsy manam-paharoa ny fampisehoana na dia tsy tonga avokoa na ny mpijery, ny mpitondra fanjakana ary na dia ny haino aman-jery aza ahiako ho toy izany ihany koa.

Fanamarihana: noho ny fanadinoana ny zava-dehibe amin'ny sary dia amin'ny fiandohan'ny taona ho avy io no entiko eto ny sary hafa manana ny lanjany noho ireto tongako ireto koa.

Nosoratana androany 31 desambra 2007.

Mirary fety sambatra ho antsika rehetra e!

Hevitra

o ry jentilisa a aza kapohina za ra mb anintsy anao fa tsy znay no lohaten iny hira iny fa DIHY
ny hira fa,nevan lalaon nosy kousa dia hoe nosy miara milalao
de atoroy kou z sendra ts maay e
ra tszany ataovy micontacter anĂ  lol

Nampidirin'i sazykely @ 11:01, 2007-12-31 [Valio]

Tsy ilay hira faneva re no tiako lazaina fa ny hira fanentanana tamin'ny lalaon'ny nosy 1990 a! samihafa ireo tahaka ny hoe ny hira faneva teo an'i Njakatiana fa ny hira fanentanana tsy nety nalaza dia"tokotanibe" ny lohateniny. Mety ho marina ihany ny lazainao na dia izany aza satria tena tsy haiko mihitsy ny lohateniny.

Isaorana amin'ny fanitsiana e!

Nampidirin'i jentilisa @ 11:07, 2007-12-31 [Valio]

Ho anareo izay mahalala! tsy i dadarabe ve io mpiantsa mihetsiketsika eo amin'ny sary io?

Izay mahalala ho'aho an!

Nampidirin'i jentilisa @ 11:09, 2007-12-31 [Valio]

hananan'la nga ny palmares-n'i Ratsimamanga lesy? tsara atao lahatsoratra ihany, hoan'ny tanora ambitieux, mety hitsako azy :) mirary fety sambatra kou e
Nampidirin'i simp @ 13:53, 2007-12-31 [Valio]

Notantaraina tao mihitsy fa indrisy... iny sisa no tsy nananana e!

Nampidirin'i jentilisa @ 07:41, 2008-01-02 [Valio]
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Jiona 2018 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox