« | »

Nahatratra ny taona 2008: itantarako ianareo dia mba itantarao

2008-01-02 @ 07:50 in Andavanandro

Miarahaba anareo nahatratra ny taona 2008 ihany koa izany, hanome fanambinana anareo amin'ity taona vaovao ity anie Andriamanitra amin'ity taona diavintsika ity indray. Dia hotantaraiko anareo izany izay natao nanditra ny faran'ny taona sy ny andron'ny taombaovao e!

Vao marainan'ny 31 desambra dia efa nirotsaka madinidinika hatrany ny orana, tsy nahasakana ny olona teto Antananarivo tsy hiantsena izany toetr'andro izany noho ny fividianana ny kanokanona madinidinika. Dia tsy niomana ny hivoaka ny trano koa izahay tao an-trano fa heverina ho fandaniam-bola fotsiny izany fivoahana ny trano izany sady ny lalana rahateo petsapetsa mba tsy hilazana ny fotaka mety hitsahana handoto ny trano hidirana rahateo.

Dia tao an-trano izany no niandry ny ora hifampiarabana nahatratra ny taona e! Ny "karaoke" ihany no natao masaka ary tsy maintsy nandalo avokoa ny revin'ny sokajin'olona rehetra, hatramin'ny lehibe ka hatramin'ny zaza madinika... ny an'ny ankizy moa izany dia ny hira amin'ny teny frantsay no natao fa ireny no mba hain'ny ankizy. Eo no tena ahatsapana ny fahabangan'ny fanolokoloana amin'ny alalan'ny hira malagasy ny ankizy. Na dia mpandala faratampony ny teny malagasy aza dia noleferina ny hambompo sady mety hisy fiovana filamatra rahateo amin'ity resaka fitenenana ity afaka kelikely any. Ny nahafinaritra dia tsy nisy nijery fahitalavitra (nihoatra ny ora iray) izany mihitsy tamin'io fotoana io, no sady tsy misy hojerena loatra koa ny ao. Ny sarin'ny filoha mikabary ihany no miverimberina nefa ny mpanomana ny kabariny koa angamba tsy dia mahay loatra fa nahamonaina be izany ny nanaraka ny teniny. Tsy naheno izany fisondrotana  nolazainy izany no tsy ao anatin'ny vondron'asa iharan'ny fisondrotana ny tena. Impiry moa no nisy filazana izany fisondrotana izany fa ny anay tsy misy an'izany e! tsy miankina tsinona.

Rehefa nojeren'ny namana ihany koa ny fitsidihana ireny mpikarakara fety ireny dia nolazainy tamiko fa tsy dia betsaka ny olona tany. Heverina noho izany fa mety itovitovizana hataka ny anataonay avokoa ny nataon'ny ankamaroan'ny mponina teto Antananarivo. Mivory isam-pianakaviana dia manao izay hahametimety ny fetiny.

Dia mba tantarao hoe izay nataonareo?

Hevitra

ikalamako

tratry ny taona ry jentilisa a !

Nampidirin'i ikalamako @ 09:18, 2008-01-02 [Valio]

Ny ahy efa ao :-)

Nampidirin'i Hery @ 10:21, 2008-01-02 [Valio]

Misaotra indrindra fa adinoko tokoa ny nanoratra io. Dia aza tara lava intsony e!

Dia izao koa, tsy mpanao gazety moa ny tena ka tsy voatery nandeha tany Analakely e! na toeran-kafa ihany koa.

Nampidirin'i jentilisa @ 10:50, 2008-01-02 [Valio]

Ny anay aloha dia nahafinaritra tokoa ny fety.
Nanomboka tamin'ny 8 ora alina izany ka hatr@ 3 ora maraina teo ho eo.
Ho anay aty ivelan'ny tanindrazana moa dia miaraka amin'ny namana no atao fa tsy misy havana akaiky ho afaka hiara-hilanonana. Fa dia ny fandraisana sy fandefasana SMS any Dago no tena mafotaka vao nanomboka t@ 10 ora alina taty, izany hoe efa 12 ora alina any izany! Mahafinaritra izany satria toy ny mba miara-mifety @ fianakaviana ihany koa!
Natao daholo ny karazana lalao sy fihetsiketsehana rehetra, ny fandihizana sy ny hirahira, ary ny sakafo dia tsy lany mandra-maraina. Afa-po daholo ny namana rehetra ary samy nanana souvenirs mahafinaritra t@ iny réveillon iny!
Dia hitondra fiadanana ho antsika rehetra anie ny taona vaovao 2008 !!

Nampidirin'i Pat. @ 10:53, 2008-01-02 [Valio]

za kou nieritreritra be hoe tena misy revy manja be zao eny Analakely an!
kay rehefa niantso ah d hoe avy be ny orana no sady mba ambiance ihany kou le miaraka @ fianakams :P

Tratry ny taona lesy e

Nampidirin'i simp @ 11:37, 2008-01-02 [Valio]

Tratry ny taona Jentilisa. Hitondra soa ho antsika rehetra anie izy ity.
Ny taty aminay dia toa anareo koa saingy tsy nisy nihira na nandihy ny tato an-trano fa samy nanao izay mahafalifaly azy manokana ihany. Fa-150 taonan'ny nifidiananan'i Mpanjaka Victoria ho renivohitry Canada an'i Ottawa mantsy nonankalazaina tamin'io andro io ka dia fanapoahana afomanga sy fety isan-karazany no tany an-tampon-tanana tany fa izahay tsy nandeha ka tsy afaka mitantara na nanao ahoana na nanao ahoana. Ho an'izay liana te-hahalala, ito misy lahatsoratra momba an'io nifidianana an'i Ottawa ho renivohitra io.

(Fanahiniako io hoe tratry ny taona io ry Jentilisa an. Ny fiteny mantsy dia toa hoe, tonga ity ny taombaovao, ny asaramanitra fa tsy hoe tratra ity ny taombaovao na ny asaramanitra. Sady moa ve dia lasa nandositra tokoa ilay izy??? Toa izy no manatona fa tsy isika no manenjika azy sa ahoana?)

Nampidirin'i Su @ 13:41, 2008-01-02 [Valio]

Adinoko ny nanome ilay rohy any amin'ilay lahatsoratra fa azafady. Inty ary e: http://cnews.canoe.ca/CNEWS/Canada/2007/12/27/4741559-cp.html

Nampidirin'i Su @ 13:42, 2008-01-02 [Valio]

Tsy misy tsiny io ry Su fa na izaho sy ny zandriko aza tsy mitovy hevitra amin'io koa!

Nampidirin'i jentilisa @ 15:46, 2008-01-02 [Valio]

tsisy tantaraina e !

niarahaba ny rehetra fotsiny, efa ao koa io :-P

Nampidirin'i pissoa @ 16:26, 2008-01-02 [Valio]

31 desambra: Tonga t@ 2 ora antoandro, avy niasa, dia nisakafo antoandro. Efa nitondra izay mba hanaovana sakafo maivana hohanina ny alina. Dia nitaiza. Dia natory t@ 10ora alina, dia tsy tena nahita tory raha tsy dila ny misasak'alina.

vita tompoko

Nampidirin'i DotMG @ 11:30, 2008-01-04 [Valio]
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Jolay 2020 »
Ah At Ta Ar Ak Zo As
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Tahiry
Credits
LifeType IE7 XHTML CSS Firefox