« | »

tantara mahatsikaiky: manenjika sarety

2008-04-30 @ 12:18 in Andavanandro

Noho ny tsy fahafahana firy dia izay sisa voangona aloha no omena ary heverina ho ao anaty fahafinaterana no andafasana ny vaovao. Tsy ilay tantara akory no mahafinaritra fa ny fomba intatarana azy no mba ezahina ho tsy hahasosotra loatra.

Tany amin'ny faritry Betioky any ity tantara mba lazaina ity. Tena nisy ity fa tsy noforonina tsy akory. Nahatsikaritra sarety dimy feno sokatra tsy azo aondrana (radiata) ny zandary sy ny fokonolona ka nanenjika azy ireo. Fa dia tena mandeha haingana mihitsy ireto sarety ireto rehefa natao ny fifanenjehana satria ny iray ihany sisa no tratra, fa ny hafa tsy hita nanjavonana. Tsy fantatro hoe tarihina soavaly ve sa misy maotera ireo sareto ireo... na ny mpanenjika koa no mandeha an-tongotra maka aina isaky ny telo kilaometatra. Fa dia nahatsikaiky ahy ihany aloha ny nandre ilay izy e! izaho izay vao haingana no nanoratra hoe "hakalin-tsarety" ity.

 

Hevitra

Sao dia mba misy resaka ody na koa fifohana zava-mahadomelina ary ity tantaran'i Ra-Jentl ity ... Sao dia heverinao ho 1 Aprily rahampitso fa 1 May ;)

Nampidirin'i tomavana @ 13:17, 2008-04-30 [Valio]

o rangahy ity a! manahy mafy aho fa hivoaka rahampitso amin'ny gazety rehetra io zavatra io fa ny fomba nitantaran'ny rnm azy no tena nampihomehy. Fa izy kosa aloha tsy niteny hoe tsy hita nanjavonana ny sarety efatra e! ny iray tratra ihany no nolazainy... ny tany amin'ny rdb kosa indray moa io nalaiko soa aman-tsara io satria ny solontenany avy any mihitsy no nilaza azy ...afa-tsy raha hoe ilay mpitantara no nifoka. Fady ahy ireny Tomavana a! tsy mandray an'ireny mihitsy ny aty.

Nampidirin'i jentilisa @ 16:18, 2008-04-30 [Valio]

sao d mba maso be tsy mahita zany rakoto a :)

Nampidirin'i simp @ 16:50, 2008-04-30 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Mey 2019 »
Ah At Ta Ar Ak Zo As
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Tahiry
Credits
LifeType IE7 XHTML CSS Firefox