« | »

Fetin'ny reny malaza noho ny pentekositra

2008-05-25 @ 22:54 in Finoana

Tsy misy izay tsy niaiky fa nitohana tokoa ny fifamoivoizana nandritra iny herinandro nivalona iny teto Antananarivo. Feno olona nifamoivoy ihany koa ny tsena sy ny sisindalana indrindra fa ny tany afovoan-tanàna. Manamarika izany amin'ny ankapobeny fa manomana zavatra any an-tokatranony tsirairay any ny olona na dia mikaikaika noho ny fahasahiranana aza. Raha atao aza ny fampitahana dia io araka ny lohateny nolazaiko io fa nalaza noho ny pentekositra ny fetin'ny reny tamin'ity indray mitoraka ity, marihina anefa fa fetim-pivavahana ny iray amin'izany fety izany ary fety nateraky ny fiaraha-monina ara-barotra kosa ny iray.

 


Be dia be ary ny marika ahatsinjovana fa resin'ny fetin'ny reny ny pentekositra. Voalohany amin'izany raha jerena ao am-piangonana mihitsy. Vitsy kokoa noho ny tamin'ny pentekositra aloha ny olona tonga tamin'ny fetin'ny reny ka ny tena antony nahatonga izany dia noho ny fahavitsian'ny reny nankany araka ny fijeriko azy. Maromaro tamin'izy ireo ihany manko no nikarakara ny tao an-trano toy izay nandeha nankany am-piangonana. Izany hoe zavadehibe kokoa ilay nijanonana an-trano noho ny nandehanana am-piangonana. Marihiko etoana aloha fa ny tany amin'ny fiangonana protestanta no tena hitako fa tsy fantatro kosa ny tany amin'ny fiangonana katolika.

 


Faharoa manarakaraka izany, mbola ao am-piangonana ihany, efa zary fanao ny miarahaba ny reny ka ny lohalaharana amin'izany dia "ramatoa" (fiantso ny vadin'ny pastora ho an'izay mbola tsy mahalala). Omena fotoana ao anaty fandaharam-piangonana mihitsy izany fotoana natokana ho an'ny reny izany sy ny fanolorana fanomezana ho azy. Anjaranao indray ny maminavina hoe manana anjara fotoana any an-tokatrano ve ny fitarihan'ny Fanahy Masina tsarovana manokana ny fidinany tamin'ny Apostoly sy ny mpanaraka azy nandritra izany pentekositra izany?

 


Fahatelo, ny fikarakarana azy, maro kokoa ny karazan'olona mikarakara ny fetin'ny reny noho ny pentekositra indrindra fa ny fametrahana azy ho laharam-pahamehana na ny lanjany no tombanana. "Hafa ihany i Mama" hoy ny hira malagasy malaza, misiki-ponitra avokoa ny rehetra, eny fa na dia i Neny aza amin'ny fanomanana atao. Na hendry manko na maditra ny zanany, miahy ny naloaky ny kibony hatrany ilay nifonosany amin'ny ankapobeny.

 


Mbola azo atao ny manohy ny resaka, ankoatra ny fahitana fa ny alatsinain'ny fety Paska na Pentekositra aza no malaza kokoa noho ilay fetim-pivavahana, saingy sao dia mivoaka amin'ny lohahevitra banjiniko aho. Na izany aza mampanontany tena ihany hoe efa mihamitotongana ve ny fivavahana kristiana eto madagasikara raha jerena amin'izao lafy izao?

Hevitra

FETIN'NY RENY

MARINA NY VOALAZANAO FA MAVESA-DANJA NY FETIN'NY RENY, NA HO AN'NY RENY IZANY NA HOA AN'NY ANKOHONANY. RENY AHO, SAINGY SARAKY NY ANKOHONAKO. ATY AMPITA LAVITRA ATY. EFA ZATRA NY MIFAMPIARAHABA VAO MARAINA. NY 11 MAI NO FETIN'NY RENY TATY AMIN'NY TANY NIVAHINIANANA. EFA ELAELA IHANY NO NANDAO AN'I DAGO. NIANDRY ARAHABA AVY ANY AN-TANANA , TSY NISY, DIA NITOMANY LEHIBE, NIOVA TOY NY ZAZA KELY. NIANTSO NITATRAINA TANY AMIN'NY ANKOHONANA,NIHOMEHY IREO FA 25 MAI HO VAO FETINAO RY NENY. DIA NIONONA SADY VELOM-PANANTENANA INDRAY FA HAHAZO ARAHABA IZANY. LAFOLAFO IHANY NY ANTSO AVY ANY DAGO MANKATY. TAMIN'NY 7.15 MN MARAINA ANEFA DIA NAHAZO ANTSO AHO. TAMIN'NY 2.15MN ALINA ANY DAGO IZANY. TSY VOARAY ILAY ANTSO FA AZOKO ANTOKA KOSA FA NY ANKOHONAKO IZAY. NAMERINA NIANTSO RY ZAREO NY ATOANDRO. IN-2 MIHITSY. HAFALIANA MOA IZANY. ARAHABA, TENY TSOTRA MAHALAZA ZAVATRA MARO, MAMELONA FANANTENANA, MANOME HERY VAOVAO HIATREHANA NY HO AVY MANONTOLO. MIHOATRA LAVITRA NOHO NY FANOMEZANA REHETRA INDRINDRA RAHA TSY AFA-MIHAONA NOHO NY ELANELANA. TSY MITONONA ANARANA
Nampidirin'i @ 13:41, 2008-05-26 [Valio]

sao d tokony hisy hamorona hira hoe hafa ihany ny fanahy masina ra izany :)

Nampidirin'i simp @ 15:43, 2008-05-26 [Valio]

"efa mihamitotongana ve ny fivavahana kristiana eto madagasikara" ? hafahafa ihany ilay fanontaniana : mety ho marina hoe ny fetin'ny reny no mandingana ny pentekositra fa raha ny ankoatr'izay dia hitako maka toerana be loatra ny vavaka (prôpestanta) any an-tanàna. raha ampitahaina ny t@ 25 taona lasa aloha e. asa mila fifandanjana (équilibre) ihany angamba fiaianana sa ahoana ?

Nampidirin'i Rajiosy @ 15:19, 2008-05-28 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Jiona 2018 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox