« | »

hisondrotra ny sanda fandoa amin'ny kolikoly

2008-05-31 @ 09:29 in Andavanandro

Araka ny efa malaza amin'ny fampahalalam-baovao sy ny fitarainan'ireo izay efa niharany dia nisondrotra avo dia avo ny sazy aloa amin'ny tsy fanarahan-dalàna amin'ny fifamoivoizana. Tafiditra amin'izany tsy fanarahan-dalàna izany ny tsy fahampian'ny antontan-taratasy na ny fanadinoana azy any an-trano raha tratran'ny fisavana tampoka.

Ny hany mampisalasala dia hoe 100 000Ar (vola indroan'ny karama ambany indrindra ara-dalàna) ilay sazy kely indrindra tsy maintsy aloa sa 100 000Iraimbilanja (vola saiky atsasaky ny karama ambany indrindra eken'ny lalàna sosialy)? Nisy manko ny gazety milaza ilay ery ambony nefa ny fitarainana heno dia toa manondro kosa ny faharoa. Ambony ampanga ny vola faritan'ny Kaominina nitrangan'ny sazy izay samy manana ny azy.

Mazava loatra fa ity gasy tsy tia hisahirana ity dia midify araka izay azo atao izany handoa any amin'ny ara-dalàna izany fa aleo "manome kely" ilay tratra nisava raha mbola azo atao ihany koa izany. Eo indrindra ny resaka: raha vitan'ny 1500Ar manko ny raharaha teo aloha teo dia mety hisondrotra na hihoatra ny 5000Ar izany vola fandoa eny anivon'ny fanaovana kolikoly izany raha tratra amin'ny atoandro fa mety hihoatra ny 10 000Ar kosa izany raha tratra amin'ny hariva.

Ny mahagaga rehefa mamaky ny gazety dia misy ny manambara fa misy karazana fisavana ara-teknika ny fiara koa eny an-dalambe eny. Nahahendratra ahy io satria toa mampiharihary ny tsy fetezan'ny fanaovana vizity eny Alarobia (na eny Betongolo raha eto Antananarivo) nefa dia toa iniana odiana fanina. Malaza dia malaza koa manko ny fanaovana kolikoly eny nefa toa tsy mety taitra amin'izany mihitsy ny tompon'andraikitra raha tsy hoe izy mihitsy koa no mbola tompon'andraikitra voalohany amin'ny fanaovana kolikoly eny.

Ny mahatsikaiky indray dia mety ho efa rentsika ny 'operation coup de poing' ataon'ny mpitandro ny filaminana amin'izao fotoana izao amin'ny fanerena ny mpitondra sy ny mpitaingina soavalivy tsy maintsy manao aroloha ary ny mpitondra fiara mametraka indray ny fehikibo aroaina. Ny mahavariana dia ity, ny saofera no terena tsy maintsy mametaka ny fehikibo aroaina fa ilay olona eo anilany kosa toa tsy maninona na tsy mametaka io fehikibo aroaina io. Inona ary ity?

fanamarihana: Mety hivoaka atsy ho atsy ny lahatsoratro mahasosotra dia mahasosotra momba ny baolina fandaka malagasy izay nefa hevitro manokana io. Mampiomana ny rehetra aho amin'io nefa miangavy ny rehetra handinika tokoa izay tokony ho izy. Mety hisy koa lahatsoratra momba ny baolina fandaka ihany izay heveriko fa tokony hahafinaritra kosa saingy boky kosa no holazaiko amin'io.

 

Hevitra

he he betsaka ihany izay lalàna sy didy mivoaka izay nefa ny eo ihany no eo, mainka miharatsy ...

Nampidirin'i Lalasoa @ 11:34, 2008-05-31 [Valio]

Tsy azoko kely : Ilay tena tokony aloha ve no nisondrotra - sa ilay aloha amin'ny olona rehetra te hanao kolikoly :oops:

Ohatra ny tsy azoko an-tsaina mihitsy ilay resaka mahasosotra amin'ny baolina dakana lol.

Nampidirin'i pissoa @ 15:24, 2008-05-31 [Valio]

Lasa any @ le film visa B @ bolina kitra ndray ny lohako fa tsy le resaka tsolitra tsony le :)

tonga d tairo fa ampy taona ny bandy hihi

Nampidirin'i simp @ 18:00, 2008-05-31 [Valio]

news2dago

miandry ny lahatsoratra rajentilisa a! ilay baolina fadaka io!

Nampidirin'i news2dago @ 18:26, 2008-05-31 [Valio]

miandry tahaka ny fiandry ny maraina izany e

Nampidirin'i Rajiosy @ 10:44, 2008-06-01 [Valio]

ny lazaiko eto dia ny tsolotra fandoa no hisondrotra e! mety mbola hoe kely aza io nosoratako io

Nampidirin'i jentilisa @ 12:20, 2008-06-01 [Valio]

Tsotra!

Izao hoa aho ê! N'inona n'inona: tano an-tanana ny taratasy. Misy an'io ary ny tena mbola hilàny vanona. Ety aminay dia misy irony zandary irony izay mangataka hoentina. In-telo izy nangataka, izahay tsy nitondra azy mihitsy. Sao heveriny hanaovana Ra-Matahora aza ny olona. Toa tsy sahy manakana anay mihitsy izy aman-taonanay maro izay. Satria miseho tarehy entitra ny ato, mandà mafy koa hoe tsy hitondra. Fa raha vao manome tsolotra indray mandeha aloha dia ataony fangalàna otra foana.

Izaho koa moa dia gaga amin'ity fisavana ara-teknika any an-dalabe ity. Tsy ampy mihitsy izany ny eny amin'ny ivo-toerana fisavana eny ? Sa mba fisavana ny voka-pisavana fanaon'ny ivo-toerana (Alarobia & Betongolo) izany izy ity ?

Eeeee! ho hita eo!

Nampidirin'i coolienne @ 06:34, 2008-06-06 [Valio]

Nisy diso:
"...aman-taonany..." no tiako nolazaina

Nampidirin'i coolienne @ 06:36, 2008-06-06 [Valio]

ataoko fa tonga dia azon'ny mpamaky ihany ny lazainao e!

Nampidirin'i jentilisa @ 13:10, 2008-06-07 [Valio]

Hampiditra hevitra

Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Janoary 2018 »
Ah At Ta Ar Ak Zo As
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Tahiry
Credits
LifeType IE7 XHTML CSS Firefox