« | »

baolina fandaka: Misento indray ny Barea fa nandresy androany

2008-09-07 @ 14:29 in Spaoro

Araka ny fantatry ny mpanaraka baolina fandaka dia androany alahady no nanaovana ny lalao miverina teo amin'ny Barea sy ny Zebra Botsoaney. Efa nanantena handresy mihitsy ny vahiny raha tamin'ny talata teo dia efa tonga haka ny hafanana gasy. Vao tamin'ny alarobia ihany koa no resin'ny Japan Actuel's roa noho ny aotra teo Mahamasina ihany ny Barea raha nanao fitsapana.

Efa nampanatena rahateo sady be fanantenana ireo ekipa ireo satria na dia resy aza amin'ny lalao fitsapana no mandresy izy amin'ny lalao tena izy. Tamin'ny fidirana voalohany no tafiditra ny baolina ka nandresen'ny Malagasy iray noho ny aotra... tsy niova intsony io isa io ka nampientanentana ny fanafihana nataon'ny vahiny sy ny vali-bontan'ny malagasy. Samy tokony ho nahatafiditra baolina rahateo na ny andaniny na ny ankilany.

Voalohany ao amin'ny sokajy misy antsika ka manana isa fito noho izany ny Ivoariana. Faharoa isika manana isa enina. Fahatelo manana isa dimy ny Botsoaney ary fahaefatra farany manana isa efatra kosa ny mozambikana.

 

Hevitra

mafinaritra kosa zany kou :)
dia in no tohiny, mandray anjara @ CAN @ zay ve tsika sa mondial moa izy io?

Nampidirin'i simp @ 15:55, 2008-09-07 [Valio]

Fifaninanana hiditra amin'ny Can sy ny mondial io ka ny tanjona dia ny ho tafiditra ho faharoa manana isa be indrindra fahavalo farafaharatsiny mba ahafahana mifanitsana amin'ny Can aloha, dia ny dimy voalohany avy ao no raisina ho solontenan'i Afrika amin'ny mondial

Nampidirin'i jentilisa @ 17:14, 2008-09-07 [Valio]

Ny hany probabilité hahatafakarana amin'ny dingana manaraka ho an'i Madagasikara dia ny mandresy an'i Côte d'Ivoire any amin'ny taniny. Ankoatr'izay, aza manonofy. Jereo ny fandinihana nataoko ao @ what-if.

http://dotmg.blaogy.org/2008/09/08/et-si-fin-de-parcours-pour-madagascar-et-botswana/

Nampidirin'i what if ... back for good @ 07:34, 2008-09-08 [Valio]

izay indrindra anie no tsy iresahana mihitsy hoe ho tafakatra ny malagasy e! misento fotsiny fa mba nandresy, sambany taorian'ny fifanintsanana indroa miantoana tadidiko. Sambany anie isika tamin'ity tao anaty sokajy ity no mba nandresy e!

Nampidirin'i jentilisa @ 09:48, 2008-09-08 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Jiona 2018 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox