« | »

Ahoana ireto haintrano mampieritreritra ireto?

2008-09-09 @ 19:51 in Andavanandro

Noho ny hamaroan'ny trano hazo eto amin'ny tanàna angaha fa dia misy mandrava trano ampolony na anjatony mihitsy izy izany. Noho izay fanorenana amin'ny hazo mora mirehitra izay ihany ve fa dia misy anaran-toerana vao re fotsiny dia mampiteny hoe "izay indray", resy indray ilay afo fanangana tao Antongona raha vao mananontanona hanafika eto Imerina ny Sakalava nahatonga ilay fitenenana hoe "efa ho lava tahaka ny afon'Antongona".

Anarana malaza loatra izany Antohomadinika III G Hangar izany, impiry isan-taona no re fa trano ampolony indray no may? Tsy haiko aloha na dia tsy manana fo antra loatra aho fa sady kely no hazo ve no andrehetana afo ao anatiny... na dia ny kilalaon'afo mahalasa lavitra ireny ve tsy hanao izay vitany? Fa misy kisendrasendra mampiahiahy mandrakariva ity toe-javatra ao Antohomadinika III G Hangar ity. Nisy ny fotoana hoe tonga ny fitaovana entina hanampiana izay mety ho tra-boina fa vetivety dia maro ny trano may ao. Izao indray vao nahavita ny fivoriany tao amin'ny Auditaurium Ankorondrano Antananarivo tao ny DISTIM Antananarivo renivohitra ary mitetika ny hahazo ny fon'Antananarivo lasan'ny hafa izao dia iny fa nisy trano may indray tao. Azafady indrindra re fa mahalasa saina ilay izy. Efa nahavita nitondra fanampiana sahady aloha ny DISTIM Antananarivo renivohitra fa tsy fantatro raha efa nahavita ny anjara fanampiany ny Kaominina Antananarivo renivohitra e! Sao dia haintrano politika ary ity raharaha ity sanatriavina anie?

Anarana fandre talohaloha ihany koa izany Anosinakoho Mananjary izany. Mbola tsy tany mihitsy aloha ny tenako ary tsy mahalala izay toetoetry ny toerana fa dia matetika may ny toerana tany. Mba tsy re aloha izy tao ho ao fa enga anie tsy ho re intsony satria toa hanala baraka izay olona avy any mipetraka an-tanàna hafa araka ny fiheverako azy izay mety ho diso.

Dia efa rentsika vao tamin'ny faran'ity herinandro ity indray ny tao Ankirihiry Toamasina. Vao amin'ny gazety fotsiny dia tsy fantatra marina ny isan'ny trano may. Loharanombaovao avy aiza angaha ireny isa mifangarika ireny? izao ka raha vao re fa nitondra ny fanampiany ho an'ny traboina ny fitondram-panjakana dia nitombo ho maherin'ny 2 600 tampoka teo ilay tra-boina latsaky ny arivo (800) iny. Tena tsy afaka amin'ny toe-tsaina amin'ny Malagasy maro ve ny manararaotra hanao izay fomba angatahina, hahazo zavatra maimai-poana? Tsy fantatra amin'ny fomba ofisialy moa ny anton'ny afo, fa ny tsilia-tsofina tsy azo amarinina loatra saingy mety hitombina no nandrenesana fa misy olona mitahiry lasantsy betssabetsaka an-trano ihany ao amin'ity faritra ity. Raha miteny azy ny manodidina dia valiany hoe "fialonana ny anareo satria mandeha ny bizinanay". Tsy lasa lavitra mihoatra izay ny eritreritra raha vao re fa poa toy izay (tsy ampy fahefakadiny) no nahamay ny trano rehetra tao Ankirihiry ity. Asa sotasotan'ny manodidina miara-may trano aminy ve no anton'ny afo raha izay toe-javatra izay?

Hevitra

ok

Tena mpanara-baovao, sy mahalala tantara mihitsy nareo 'ty Ra-jentl fa dia tena misaotra e! tadidinareo hatramin'ny tarehimarika rehetra ve rangah :).

Momba ilay anton'ny haintrano aloha dia isan-karazany e! Mety ho fanahy iniana, mety ho tsy nahy ko indraindray. fa dia betsaka tokoa ny haintrano miseho isan-taona a!
Mangony fotsiny ireto tantarain'ny lexpress momba ity resaka haintrano na incendie ity

Nampidirin'i Tokinao @ 21:29, 2008-09-09 [Valio]

ka tsy izao ve le hoe mandrehitra afo sy mamono afo eee :)

Nampidirin'i simp @ 22:44, 2008-09-09 [Valio]

zany hoe aleo tsy alefa lavitra aloha ny saina na dia hoe presumption d'innocence fotsiny aza :)

Nampidirin'i simp @ 22:46, 2008-09-09 [Valio]

Anosinakoho Mananjary...t@ izaho tany dia trano vita @ fafana mifanakaiky be dia be ny trano any, ny elakelantrano @ izany dia zara raha omby olona 2 mifanena...ny antony anaovan'ny olona trano a@ fafana dia voalohany tsy ampy ny volany raha hanao trano vato, faharoa iny mora soloana raha ravan'ny tafio-drivotra...betsaka any ny trano vato ravan'ny tafo-drivotra tsy voaarina intsony...

N.B.: tsy manana lavapringa ny olona any fa eny amorondranomasina no mivaoka

Nampidirin'i finoanaranoray @ 06:52, 2008-09-10 [Valio]

Manaraka izany dia re fa nampindrana tany vonjimaika ho an'ireo Tra-boina ireo Ramanandraibe. Variana aho! raha ny tena marina manko dia toa Ramanandraibe no tompon'ny tany "nobodoin'izy ireo". Ilay mampindrana vonjimaika mety ho lasa maharitra ary avy eo dia angatahin'ny "mpibodo" ho azy amin'izay ny tany.

Nampidirin'i jentilisa @ 07:59, 2008-09-10 [Valio]

jentilisa>
Dia diso foana ianao satria manao tsindry hazo lena ny madinika, mangala-tanin'olona. Indrindra moa fa hoe Senatera hono Ramanandraibe (na ny papoziny) amin'izany fotoana, dia lazaina fa manao fanamparam-pahefana.

Nampidirin'i DotMG @ 09:38, 2008-09-10 [Valio]

raha izaho i jentilisa tsy dia mandefa hevitra mahabe ahiahy lavitra loatra tahaka izao. Tsy ny hoe hokapohin'ny TIM akory fa ny ahiahy hono tsy hihavanana ary rehefa foy ny teny (ratsy) mikopaka elatra.

raha nandalo tany Tana aho dia variana amin'ny maha-ety ny tanàna, ny trano mifanozona aok'izany indrindra mihoatra ny aty Eoropa tsy lazaina intsony ny any Amerika. Ka raha voa sendran'ny vainafo iny dia efa voa daholo ny manodidina. Ara-tantara fony mbola etiety koa ny tanànan'i Londres t@ 1666 dia kila tanteraka. Sanatriavina izany kanefa be ny probabilités hisian'ny toy izany any amintsika.

ny tena mampieritreritra dia ny hoe tsy misy azo atao hisorohana ny loza mihantona. amin'ny lalànan'ny urbanisme @ tany mandroso ohantra dia misy ny atao hoe "coefficient d'occupation des sols". dia tena voahaja io satria sady voasazy ianao no ravan'ny fanjakana teo ny tranonao raha mihoatra ny fenitra. Andramo hampiharina ao Antananarivo anie izany e !

Nampidirin'i Rajiosy @ 11:02, 2008-09-10 [Valio]

Rajiosy, azoko ny tianao ambara. Raha mitopy maso an'i 67ha aho fantatro tsara ilay nanaovana ny trano sy ny fepetra ahatafidiran'ny mpamonjy voina hatrany anatiny raha sanatria misy ny loza. Nisy anefa ny fotoana niroborobo aok'izany ny nivarotan'ny Seimad ny tany malalaka rehetra hany ka nanorenana trano avokoa ireny. Raha avy izay tampoka izany dia ho sarotra ny famonjena. Noho ny fitiava-kely no mampihisatra ny fandrosoana eto amintsika raha ny tahaka izay.

Nampidirin'i jentilisa @ 11:56, 2008-09-10 [Valio]

"extension verticale" no fiantsoko azy...manao trano misy rihana maro...tahaka ny ao amin'ny "cité soavinandriana" akaiky ny hopitaly, "cité" ny "commune"...samy te-hipetraka eto an-tanadehibe daholo mantsy...tokony ho izay ilay "35000 logement" fa tsy trano kely be dia be miparitaka (tahaka ny ao ambatolampy ohatra)...dia atao "vente location"...fa ny fizarana ny olana satria dia mety hisy hanao ampihimamba...

ny madarail izao handrava trano manoloana ny lalamby sasatsasany eto Tana (Oh Soanierana) dia manao trano eny Marohoho - mahazoarivo, dia mbola trano tsy dia misy rihana ihany...

Nampidirin'i finoanaranoray @ 14:52, 2008-09-10 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Aogositra 2019 »
Ah At Ta Ar Ak Zo As
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
Tahiry
Credits
LifeType IE7 XHTML CSS Firefox