« | »

Tsenan'Asabotsy Antsirabe: Hiodina ho aiza indray io $2 000 000 vao azo io?

2008-10-30 @ 08:19 in Toekarena


Dia variana tokoa aho amin'ny fahaizan'ny olona mitady vola. Misy ny tena henjana araka ny filaza. Efa lany tanteraka ny vola nanamboarana ny tsenan'Asabotsy io araka ny fahalalako azy na tsy nomena intsony noho ny fitantanana tsy mazava loatra. Dia tavela teo ny fanamboarana ny tsena ary efa nieritreritra aho fa tsy ho vita intsony izy io na dia ao anatin'ny 20 taona ho avy aza. Tsy nisy na dia iray aza ny fitaovana hanamboatra ny tsena. Kanjo ankehitriny dia re fa nahazo famatsiambola $2 000 000 indray ny fanamboarana ny tsenan'Asabotsy. Ary heverina fa ho vita amin'ny marsa 2009 amin'izay ny tsena.
Ilay tsena eo andalam-panamboarana nefa toa tsymisy na inona amboriarina nandritra ny fotoana nandalovako teny.

Ny faniriana moa tsy hisy intsony ny simenitra sy vy ary vato may ka tsy nahavitana intsony ny tsena teo aloha. Fa mbola tsy azoko hatramin'izao ny nahatonga ireo zavatra ireo ho may tao amin'ny fitehirizan'entan'ny Kaominina Antsirabe renivohitra nefa moa TIM no mpitantana koa zanak'i dada izany tsy miahiahy loatra ny hahazo olana ry zareo fa raha misy izany metyholasa any andafy tahaka ilay mpitantana tany Mahajanga ihany koa. Fa dia tena rediredy koa anie ny ahy izany fa ny hamisaisana ny ratsy hiavian'ny soa e!
Ny fikasana dia hoe hatao tahaka ireto trano vy ireto avokoa no mameno ny tsena. Toa nofinofy izany aloha raha ny fijeriko azy.

Dia mba hahazo toerana amin'izay ny mpivarotra fa mijaly loatra.
Mody any Ambalakisoa ianareo raha tsy diso aho. izany ô? An ghan! (Eny ô)

Hevitra

Tsy efa 5 taona mahery ve no nandroahana ireo mpivarotra tao an-tsena ? Hay tsy mbola niverina amin'ny laoniny foana ny raharaha ?

Tsara ny sary, misaotra mampita na dia mampalahelo aza ny vaovao

Nampidirin'i tomavana @ 08:35, 2008-10-30 [Valio]

marina tokoa ny voalazan'i jentl io fa efa nahita vola indray hikarakarana an'io tsena io ary nilaza mihitsy aza moa Ramatoa lehiben"ny tetikasa PIC ao Antsirabe fa amin'ny volana mars 2009 any ho any dia ho tokanana ity tsena lehibe ity !
Ho anay avy ao Antsirabe dia hafaliana tsy omby tratra no andraisanay izany fa efa ela tokoa no nivoaka ny toerana tokony hisy azy ny tsena ary miangona izay tsizy ny loto noho izany.

Nampidirin'i ravatorano @ 10:33, 2008-10-30 [Valio]

Dia io ny vaovao izany Ravatorano a! Samy mahita isika rehetra izany. Marihina fa ny sary rehetra dia tamin'ny volana aogositra avokoa.

Nampidirin'i jentilisa @ 12:08, 2008-10-30 [Valio]

Misaotra amin'ireo sary ahatsiarovana ny tanindrazana e !

Nampidirin'i Rasoa @ 14:48, 2008-10-30 [Valio]

Faly ny tena rehefa misy ny mankasitraka e!

Nampidirin'i jentilisa @ 15:51, 2008-10-30 [Valio]

toa tena goavana be ilay tsena vaovao ? ho tody soa hatramin'ny farany e

Nampidirin'i Rajiosy @ 21:28, 2008-10-30 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Novambra 2018 »
Ah At Ta Ar Ak Zo As
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Tahiry
Credits
LifeType IE7 XHTML CSS Firefox