« | »

Resaka dihy: Viva VIVA

2008-11-20 @ 07:42 in Kolontsaina

Tena niniana natao ny teny verindroa amin'ny lohateny fa tsy hoe misy fahadisoana tsy akory. Ankehitriny moa malaza ihany ny fangalaran-tahaka eo amin'ny samy haino amanjery. Mampihomehy moa fa dia misy sarimihetsika iray sady mandeha ao amin'ny toby fandefasan-tsary iray no mandeha ao amin'ny iray hafa ihany koa, ny fatratra dia saiky ampitoviana mihitsy ny ora hanombohany. Ny mahasamihafa azy fotsiny avy eo dia ny halavan'ny dokambarotra azon'ny tsirairay. Midika izany fa mifampitsikilo ry zareo ary tsy atao mahagaga raha samy tsy misy mametraka ny lohatenin-tsarimihetsikany ny tsirairay sao manko ny an'ny hafa no lasa mialoha.

Amin'izao fotoana izao indray dia eo amin'ny fandaharana mampanao fifaninanana mandihy indray no ifandroritan'ny toby mpandefa sary roa dia ny VIVA sy ny rta izany. Saiky diso ny fijeriko tamin'ny voalohany satria nihevitra aho fa ny tv record malaza manokana amin'ny hira sy ny dihy trôpikaly no tadiavin'ny rta tsindriana. Rehefa miteny hoe trôpikaly moa dia raiso hoe ny fampandihizana fitombenana (mandratra ny fiteniko azy saingy izay tsinona ilay izy) no tena itsarana ilay dihy. Gaga ihany aho hoe fa inona koa no nahataitra ny rta mikendry karazana dihy tokana hanambazana volabe ny mpandresy ity (hay ve i jentilisa ity mbola mijery rta e? eny, amin'ny kidaona maraina tsindraindray iny fa aza anontaniana pazzapa aho satria noho ilay tele jeren'ny ao ampiasana nefa eo anoloan'ny birao iasako eo no apetraka ilay vatam-pampitantsary no ahitako azy tsy fidiny).

Voalohany, na ahoana na ahoana tsy maintsy ho maro no hijery ilay fandaharana satria manintona ny kely sy ny lehibe hatrany io resaka maoja sy ny mifanakaiky aminy io. Tsy atao mahagaga intsony raha voalohan'ny pejy tamin'ny midi flash ohatra dia efa Union na couples latsaka fahefany ny sary hita eo. Horaka madinika moa ny an'ny mpianatra nahita ilay filahiana sy ny bonga miaraka aminy miharihary amin'ny gazety natokana ho an'ny rehetra ity, sarim-piraisam-batana ahitana ny vatana manontolo sisa andrasana ho hita amin'ny takelaka voalohany dia resintsika daholo ny firenena tandrefana milaza azy ho tena manana ny fahalalahana ireo satria gazety ho an'ny mpianakavy io. Tena miaiky aho tamin'iny taranja iny fa tena manana fisainan'antitra tsy liam-pandrosoana raha izay no atao hoe fandrosoana ampitaina amin'ny tanorantsika.

Io indray i jentilisa fa mivadi-dresaka, avereno amin'ny resaka dihy fa tsy eo no mampihevi-tena ho soara eo. Kanjo hitako ihany fa hay mampanao fifaninanana dihy amin'ny karazan-dihy maro ny ao amin'ny televiziona VIVA. Hita ao avokoa ny dihy malagasy (tafiditra ao ny dihy amin'ny hiragasy) sy vahiny maro, ny endrika dihy taloha sy ny ankehitriny, fanao eny andalambe na eny an-tsehatra na anaty efitrano mihaja ihany koa, samy manana ny tandrifiny avokoa. Vao eo amin'ny fifanintsanana avokoa moa ireo mpifaninana amin'izao fotoana izao na ho an'ny andaniny na ho an'ny ankilany. Ho an'izay tia dihy na tia ny mijery dihy aloha dia hahazo fahafaham-po tokoa amin'ny fandaharan'ny VIVA STAR io. Samy mba manana ny karazan-dihy mahafinaritra azy eo e! Misy ny dihy ho an'olo-tokana na olon-droa na andiany ihany koa ary azo heverina ho mifanahantsahana ratsy eo ihany ny isan'ny lahy sy ny vavy.

Fa ny an'ny rta raha dinihiko resaka famotehana ny hatsaran'ny fandaharan'ny toby miezaka ny hahazo mpijery ity no tanjona tokana ataony satria mandritra ny firy minitra moa izany no hijery fihodikodina tandrimo fotsiny ianao fa ilay izy mety hoe tandrimo mitsangana na mihohoka na mitsilany ary mihinginingina ihany no hitanao. Nahatsipalotra ilay izy aho fa tena ratsy dia ratsy ny saiko (tsapako mihitsy teo fa ratsy saina ihany aho). Toa varotra sipa ankolaka no fijeriko azy, hisy azy ny vazaha lahy mahita ity fandarahana ity afaka mifantina izay mahay mihetsika hita amin'ny tele, hoy ny haratsian-dohako sady iza indray no tsy efa nandre fa amin'ny fomba ofisialy aloha dia vehivavy malagasy 4000 no nahasahy nanambara ampahibemaso ny faniriany halain'ny vazaha ho vady. Mety tsy ho very anjara ihany koa anefa na izany aza ny lehilahy malagasy mijery azy. Saiky vehivavy ihany manko no mandray anjara amin'ny fandihizana, tsy tadidiko na tsy tsipalotro moa hoe natokana ho an'ny vehivavy ve ity dihy trôpikaly ity fa karazan'ny manjaka tokana aloha ry zareo manangy ao amin'ny rta.

Mahita ny fifaninanan'ny roa tonta moa aho eo amin'ity resaka dihy ity dia miharihary ny safidiko fa io lazain'ny lohateny io. Manana fandaharana tokony hahafinaritra ny VIVA raha tahaka itony. Efa nisy koa moa ny fotoana nifanindry teo amin'ny VIVA sy ny TVM tamin'ny fifaninanana kabary volana vitsivitsy lasa izay ka tsy azoko intsony izay naka tahaka tamin'ny roa tonta na ny fikambanan'ny mpikabary mihitsy no nanatona toby maro ka izy roa no samy nanaiky. Ny fehiny dia hoe: Tsara ny dianareo ry VIVA eto ka tohizo.

Hevitra

otran'le dancing with the stars the zany
http://abc.go.com/primetime/dancingwiththestars/index?pn=index
http://en.wikipedia.org/wiki/Dancing_with_the_Stars_(US_TV_series)
http://en.wikipedia.org/wiki/Dancing_with_the_Stars

ny tiako tenenina hoe misy ol malaza mandray anjara sa ahoana? :P

mafinaritra kosa aloha izany ee. Tena hoe entertainement... fa iza re no hahazo mpijery kokoa ee?

ny ankamaroan'ny ol zao mody mijery viva fa enregistrer-na ny an'ny rta... refa any ampiasana na hoe tsisy kil dia mankafy @ zay haha :roll:

Nampidirin'i simp @ 16:24, 2008-11-20 [Valio]

ny hoe oolo-malaza aloha mbola tsy dianahita ahona izahonotsy mahalala izay malaza amin'ity taranja ity

Nampidirin'i jentilisa @ 19:25, 2008-11-20 [Valio]

lay an'ny tropic session an'ny aloha de tsy hitako mihitsy zay maha tropic azy eh, misy manao tektonick, break sns misy mihira mihintsy aza ny sasany lol

Nampidirin'i Tahina @ 13:56, 2008-11-21 [Valio]

starVIVA

Salut daholo! efa miresaka VIVA ihany de ny ahy ty tsy resaka politika fa fomba fiasa, otran'ny tsy nety le fomba fikarakarana an'le STAR danseur(s). Ilay lalao alo tsara e sady mahafinaritra, sady le ankizy hita fa samy manana talenta avokoa. Raha vao nanomboka le izy de nolazaina fa ny ankizy tsy misy voting par SMS sady tonga de 8 no alaina lasa 12 tampoka, avy eo 4 no alaina lasa 6 tampoka de lasa nisy voting tampoka koa de tonga de simba le lalao, lasa resa-bola fa tsy fahaizana. Nisy ihany aloha ny ankizy tsy lany tany @ 1/4 mba nomena T-shirt(lol). Taty @ 1/2 final nefa zero bal ireo akizy kely mampalahelo. De tsy menatra akory niantso azy ireo indray hanao fampisehoana any @ final. Tany ndray de mba nomena T-shirt hono le demi-finaliste olon-dehibe fa ny tena nampalahelo de le ankizy tsy manantsiny tsy noraharahina devant public, devant tous le monde. fa maninona ny ankizy kely no atao ohatran'ireny, tena nalahelo ilay zaza satria hitany nahazo zvt le lehibe fa ry zareo demi finaliste kely mampalahelo. tsy le loka no zavadehibe fa le fon'ny ankizy kely tsy manantsiny simba diso fanantenana eny fa na de symbolika fotsiny aza ve (T-shirt, tady kely telma...) tsy haiko aloha hoe iza no tena nahatonga an'izay na le mpikarakara na mety tsy mahafantatra an'izany le Patron (VIVA) fa tsy fantatro fa de atsipy ihany aloha ny teny "Ambava homana, am-po mieritra". Ataovy anatra @ sisa raha mbola misy é!. Tsy ilay T-shirt tsy mitondra mankaiza iny akory no zavadehibe fa ilay fampanantenana poakaty atao @ ankizy kely tsy manantsiny, sarotra amiko no hilaza hoe adino. zvt otran'izany @ professionalisme tokony tsy hisy fa fanahy iniana tsotra zao. Atra anie momba ireny ankizy ireny é! ary voarainy ny alahelon'ny ankizy na koa hoe simple coincidence. Ataovy tsara mangarahara rehefa manao zvt fa tsy afenim-penina sy tampotampoka sy fetsifetsy @ fampanantenana poakaty idd @ ankizy. Soa lavo é!

Nampidirin'i olotsotra @ 06:42, 2008-12-18 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Jiona 2018 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox