« | »

Fa maninona no matahotra fitsapa-kevi-bahoaka fadiranovana? sy zavatra hafa!

2009-03-16 @ 22:28 in Politika

Eo ampanafihana ny filoham-pirenena moa amin'izao fotoana izao ny antsoina hoe tafika malagasy, nefa tsy manakana ahy hilaza ny biby mampatahotra ny mpanohitra sy ny tafika aloha izany izao, ka mahatonga azy ireo maika amin'izao zavatra kasainy izao. Ninia naka ny fihevitr'ireo mpomba ny fanonganam-panjakana amin'izao fotoana izao aho io takariva io ka ny tao amin'ny mpiara-miasa ihany no nitsapako izany. Ninia aho nody nanomboka ny teny hoe: "tsy hitako izay ilana ny referendum".

Nivoaka ho azy ny hevitra rehetra, na ny an'ny mpanohana na ny an'ny mpanohitra ny referendum. Tsy misy ilàna izany intsony fa efa niteny ny vahoaka, hoy ny nambara, dia tena ny tenin'ny filohany navela teo. Efa vita, hoy izy izany referendum izany, hala-bato no ho ao anatin'izany. Fandrika izany, ary ny tena mahavariana dia ny teny hoe "raha tiana hivaha ny olana dia miala Ravalo ihany no izy." Ninia amin'izay aho nanolo-kevitra hoe : Omena anareo manontolo ny minisiteran'ny atitany sy ny fikarakarana ny referendum, ka ahoana? sahy ianareo sa tsy sahy? fa tsy nisy nety namaly io tolo-kevitra io. Inona no dikan'izany? Mahatsapa ihany ry zareo fa tsy haharesy na oviana na oviana rehefa tena anontaniana ny amin'ny heviny mihitsy ny mpankasitraka izao fanonganam-panjakana mivantana ataon'ny tafika amin'izao fotoana izao. HIta tsara fa na ilay lehiben'ny tafika "vaovao" aza dia nitsipaka marindrano io fitsapa-kevi-bahoaka io. Manontany anareo rehetra manantsaina eto amin'ny aterineto manohana izao fanonagnam-panjakana izao indray aho. Ahoana? sahy ve ianareo amin'ny fitsapa-kevi-bahoaka fa omena anareo ny minisiteran'ny atitany? saino ary ny antony isalasalanareo...

Nahoana ary Ravalomanana no nanaiky, na nanao io tolo-kevitra io e? Amiko, izany no tena fomba demaokratika arahin'ny firenena rehetra fa tsy izao mifampizara seza lava izay handaniam-bola amin'ny tsy misy dikany izany. Io no lalana tsotra indrindra amin'ny marimaritra iraisana nefa hifamely ambadika hatrany tsinona. Nefa tsy io ve ny fomba tsara indrindra? raha heverina ho 30% ankehitriny ny salam-pitokisana ny filoha frantsay Sarkozy no manao ny tahaka izao ataon-dRavalomanana izao dia miala ho azy izany i Sarkozy! Anontaniana fotsinyhoe ekena mbola hitondra sa tsia, dia atahorana mafy! Mbola samy hotsarain'ny tantara ary isika rehetra!

Fanontaniana manaraka? Nahoana ny mpanohana an-dRavalomanana no vonona hiaro azy ankehitriny, miaritra ny hatsiaka sy ny orana mety ho avy, miari-tory, vonona ny hisedra fahafatesana sy ny basy aman-tafondron'ny miaramila? Tsotra! mahatsapa izy ireo fa voahosihosy ny safidiny ary indrindra indrindra ny fiandrianam-pireneny. Resy lahatra izy ireo fa misy firenena vahiny te-hamotika an'i Madagasikara amin'ny fomba rehetra rehefa tsy ho "voazanaka" amin'ny fomba ankolaka nahazatra azy hatramin'izay. Lasa mariky ny fitiavan-tanindrazana, nolovaina tamin'ny Menalamba rehefa resy teo anoloan'ny tafiky ny mpanjana-tany ny tafika malagasy talohan'ny fanjanahantany. Tsaroanareo ve? Ny hasin'ny mpanjaka Ranavalona III ihany sisa no fantatry ny Menalamba tiany arovana fa ny hafa rehetra tsy nisy noraharahiany intsony. Dia tahaka izany koa ny ankehitriny. Lasa ny sata sy ny ain'ny filoham-pirenena sisa no mariky ny fiandrianam-pirenena Malagasy amin'izao fotoana izao. Toy ny adidy ny miaro izay sisan'ny fiandrianam-pirenena Malagasy izay. Mahazo maneso ny taranak'i Rasanjy rehetra, raha tojo fahafatesana ireo olona ireo, saingy tsy ho adinoin'ny tantara na oviana na oviana izao hetsika fiarovana ny filoha sy ny ainy izao.

Manaraka izany, misetra ny tafika eo aminy ihany ireo mpanohana an-dRavalomanana ireo. Mampahatsiahy tantarana firenena iray izany dia i Chili nialoha ny fitondrana miaramila sy jadona nataon'ny mpanongana azy: Fantatrao ve na tadidinao ve fa nisy izany Salvador Allende Gossens izany? Olo-tsotra no niaro ny lapany tompoko ary ny tafika tao aminy ihany no nanafika ireo olo-tsotra ireo. Tany amin'ny taom-polo 70 izany ry zareo. Ankehitriny, eto Madagasikara indray no misy izany toe-javatra izany. Tsarovy fa na ho inona vokatr'izao fanonganam-panjakana izao na ho inona, hipetraka eo anivon'izao tontolo izao ny tantara fa nisy izany Madagasikara izany, olo-tsotra no niaro ny filohany ary ny tafika tao amin'ny kosa no mitetika ny hisambotra, na hamono ny filoha... tantara hampisaina ny taranaka aoriana hieritreretany fa nisy izany Malagasy maro niaro ny safidiny izany, na dia teo aza ny fahalemen'ny filohany. Ho henatra ho an'ireo nanafika kosa ka ho afeniny tsy hampahafantariny ny taranany fa izy ilay nitam-piadiana hanafika filoham-pirenena manana olo-tsotra maro vonona ny hiaro azy na dia eo aza ny hery tsy mitovy!

Koa na iza ianao mpamaky na iza! na inona safidinao na inona! efa manana tantaram-pitiavan-tanindrazana ho reharehan'i Madagasikara sahady ny mpanohana ny filoham-pirenena Ravalomanana amin'izao fotoana izao. Soa ihany aho fa tsy ao anatin'ny tafika amin'izao fotoana izao na dia nofinofy fahakely aza izany ho zandary izany! Mahazo mihomehy na mitsiky ianao izay tsy mankasitraka ny fanolora-tenan'ny mpanohana ny filoha saingy tsarovy fa ho tonga eo amin'ny feon'ny fieritreretanao ihany, ary ahiako hisandohanao aza izany hoe... "izahay niaro an-dRavalomanana fony nanongana azy ny miaramila" tahaka ireo be dia be milaza ny tenany ho mpitolona menavazana tamin'ny 1947. Farany, ianareo mpamaky ny bolongako... tadidinareo ve ny ankamantatro hoe inona no hitranga amin'ny 18 marsa 2009 izay andro faha-77 amin'ity taona 2009 ity? Milalao ny isa ahafantarana an-dRavalomanana ihany koa ny mpanongana azy amin'izao fotoana izao ka ny hany ambarako anao etoana: izao alatsainainy alina, ny talata ary ny alarobia izao no ho mafy indrindra ny fiarovana ny filoham-pirenena (ny talata alina indrindra indrindra)... Izay ihany no hambarako  fa tsy hilaza ny tohiny aho na dia efa fantapantatro aza izany! (mbola tony aloha ny eny Iavoloha amin'izao ora anoratako izao)

Ity misy zavatra noadinoiko!

Mahalasa     saina ahy lalina ity: Nahoana no amin'izao fotoana izao fa hanendry ny masoivohony ny Frantsay? Mahavariana io toe-javatra io, ary manahy aza aho fa mety io mihitsy no mitondra mpikarama an'ady hafa any na mpiara-miasa ho amin'ny fanakorontanana an'i Madagasikara. Tena tsy mino kisendrasendra amin'ity raharaha ity aho tsinona.
 
 
 
 
jentilisa 17 marsa 2009  amin'ny 00:28

Hevitra

-

Misaotra anao ry Jentilisa amin'ny fitantarana.

Ra mba mety moa dia ataovy matetika ny fitantarànao azafady!

Dia ankoatran'ny analyse dia resaho koa ny vaovao. satria very be izahay amin'ny analysa raha tsy milaza vaovao ianao alohan'ny anaovana analyse.

Ny saika anontaniako ohatra dia ny hoe :
- ireo miaramila miandany à ara-dalàna ve mba mihetsika.
- marina ve fa nijoro teny @ 13mai ny piraiminisitra? dia iza koa no teny?

toa izay no fandraisako an'le sarisary iray atsy @ blaogy hafa atsy :
http://finoanaranoray.blaogy.com/post/915/6180#comments

Nampidirin'i Korio @ 23:38, 2009-03-16 [Valio]

dinidinika

Mankasitraka mandrakariva! ary mahafaly ny mahita olona manan-tsaina toa ny anao satria mahita ny blaogy hafa aho dia variana mafy ary tiako hojerena miaraka aminao hoe fa ahoana marina no mahatonga azy ireo manana fijery hafa dia hafa. Resaka génération samihafa angamba? Ny voalohany dia i AvyLavitra ohatra,mino aho fa mifankahalala ianareo na ara-bilaogy fotsiny aza, fa dia mifanohitra tanteraka ny fijerinareo, izy tena itako jamban'i tgv: hoy izy ao amin'ny http://gazetyavylavitra.wordpress.com/2009/03/15/barazy-antelomita-misy-mikasa-hanapoaka/ " Manontany ianao hoe “inona no tena efa vitan’ity zandry lahy kelintsika ity?” Dia valiako tsotra ianao hoe “Ianao irery, angaha, no vahiny eto Jerosalema no tsy mahalala” ny nanaovan-dRavalomanana an’io lazainao fa “zandry kely” io raha iny vao lany Maire n’Antananarivo iny izy? Dia ampatsiahivina anao ary, satria tsy mahalala (angamba) ianao, fa nofoanan-dRavaloamanana tanteraka ny “caisse” an’ny Commune…Lasa nanana trosa miavosa aza izany Commune izany ka iny hoa ilay “zandry kely” nitotototo nankatsy nankeroa, nananao antso avo eran’ny tampon-tanety hoe “Ampionareo izay malala-tànana fa loza ity, tsy afa-miasa aho…” Ohatra iray fotsiny iny; fa fantatrao tsara ny “blockages” rehetra nataon-dRavalomanana… Eny, hoy aho Ravorona, misiditsidina eny ambony eny, angamba, ianao ka minia mikimpy tsy hahita ny tena zava-misy marina… “To fo” tokoa ilay “zandrikelintsika” @ izao fotoana izao ka zary “mpamosavy” an?! Mitatatata Ingahy Ravalomanana hoe “lanim-bahoaka aho e, sns” i Andry, angaha, tsy lanim-bahoaka? Izaho izay mamaly anao izao dia nahavita be raha ny t@ nametrahana an-dRavalomanana teo @ fitondrana no resahina! Tsy mpanao politika aho, nefa nanao izay faraheriko mba ho feno sy ara-dalàna ny voka-pifidianana ho an’ny TIM t@izany andro izany…Fa ankehitriny, kaikerin’ny nenina aho fa “tsy aloha hananatra” tokoa lahy izany! Ka hoy ianao hoe “Inona no mba efa vitan’i Andry? Omeo sehatra aloha izy vao afaka mamaly anao aho… Sady izy io koa ange tsy ny zavatra mivaingana toa ny làlana na trano fotsiny no atao hoe “zava-bita” e! Fa iza teto an-tany ankoatran’i TGV no sahy nanambara ho ren-tany ren-danitra ny ratsy nokobonin’io Ravalomanana io? Vitsy ny olona amin’io taonany io no “sahy maty” sahala @izany ? Tsy “zava-bita” ve izany, ho anao? Izaho aloha, foko tsotra no hamaliako anao, miteny aminao hoe hahavita be io “zandry” io! Ary sarotra dia sarotra ny hanajanona an’io tovolahy io… Izany tokoa no atao hoe “décidé” @ hiran-dry zalahy mpihira! (Fa ny angatahiko @ i TGV fotsiny dia “aza mipetraka ao Iavoloha”!)" Ary ny iray sendra indray koa nanakiana lahatsoratra iray tamina gazety (http://www.continentalnews.fr/actualite/editorial,145/madagascar-ravalomanana-reste-au-pouvoir,6029.html ) dia toy izao : " Bonjour, Je suis malgache et j'habite à Madagascar. Je ne sais pas de quelle tendance vous êtes ou d'où vous tenez vos informations mais l'article que je viens de lire est totalement à coté de la plaque et plein de parti pris. On est loin de pouvoir affirmer que le Président Ravalomanana est le meilleur président que le pays ait jamais connu. Vous vantez ce que vous qualifiez de réalisations mais par exemple, la réforme de l'éducation nationale que vous qualifiez de "plus grande réforme" n'est même pas au stade de discussion de la loi, et cette réforme pose beaucoup de problèmes et de débats, la plupart des institutions d'enseignements refusent cette réforme. A aucun moment, vous ne parlez pas de tous les points négatifs qui ont amené l'opposition, de la société civile, de l'armée à s'unir. Je n'aurai pas à vous le citer mais n'importe quel article du monde entier vous le citera. Je ne suis pas pour son départ immédiat du fait qu'il n'ait pas encore fini son mandat mais je suis pour son départ le plus tôt possible dans la légalité. Cet homme est, à mon avis et selon l'avis d'une partie non négligeable de la population de Madagascar, le Président le plus dangereux que le pays ait pu connaitre. Alors renseignez-vous avant d'écrire des sottises pareilles. Parce que cela ternit énormément l'image de votre site. Merci. Rivo Randrianjaka (rivogasy) (16/03/2009 09:53)" Koa afaka manazava ve ianao hoe ahoana no mahatonga ny fijery ho samihafa tanteraka toy izao ary inona no azonao havaly azy ireo hanohanana ny hevitrao? Dia misaotra indrindra ary mankahery mandrakariva! Ah, misy "menalamba" iray koa hafa tanteraka, avy ao amin'ny France24 : "16/03/2009 19:13:51 Tanora MalaGasy Vonona Par Menalamba - Europe ELEGBEDE Ignace - Bénin/cotonou ne sait pas ce qu'il/elle dit. Tout d'abord Madagascar a sa spécifité par rapport à l'Afrique, dans le mot TGV il y a les mots Tanora Malagasy Vonona des noms biens Malagasy et non camerounais cela veut dire que c'est un ensemble de mouvement des jeunes et non l'action d'un seul homme, le mot TGV n'est pas attribué à Rajoelina uniquement, c'est un tout un ensemble de personnes. Ce mouvement de jeunes qui représente 60 % de la population Malagasy (jeunesse Malagasy) veulent être l'acteur de leur avenir dans la légalité bien sûre, depuis 2002 la constitution a été violée à maintes reprises, maintenant la coupe est pleine, les TGV. Ces jeunes là n'ont pas besoin de la France comme vous ELEGBEDE Ignace pour mettre la démokrasia dans son pays" Raha tsy hilaza an-dry J.R. sy ny namany aho. Samia tsara ary Masina ny Tanindrazana e! Enga anie tsy ho nandoto ny blaoginao aho. Misaotra.
Nampidirin'i gasy @ 01:40, 2009-03-17 [Valio]

dinidinika

Mankasitraka mandrakariva! ary mahafaly ny mahita olona manan-tsaina toa ny anao satria mahita ny blaogy hafa aho dia variana mafy ary tiako hojerena miaraka aminao hoe fa ahoana marina no mahatonga azy ireo manana fijery hafa dia hafa. Resaka génération samihafa angamba? Ny voalohany dia i AvyLavitra ohatra,mino aho fa mifankahalala ianareo na ara-bilaogy fotsiny aza, fa dia mifanohitra tanteraka ny fijerinareo, izy tena itako jamban'i tgv: hoy izy ao amin'ny http://gazetyavylavitra.wordpress.com/2009/03/15/barazy-antelomita-misy-mikasa-hanapoaka/ " Manontany ianao hoe “inona no tena efa vitan’ity zandry lahy kelintsika ity?” Dia valiako tsotra ianao hoe “Ianao irery, angaha, no vahiny eto Jerosalema no tsy mahalala” ny nanaovan-dRavalomanana an’io lazainao fa “zandry kely” io raha iny vao lany Maire n’Antananarivo iny izy? Dia ampatsiahivina anao ary, satria tsy mahalala (angamba) ianao, fa nofoanan-dRavaloamanana tanteraka ny “caisse” an’ny Commune…Lasa nanana trosa miavosa aza izany Commune izany ka iny hoa ilay “zandry kely” nitotototo nankatsy nankeroa, nananao antso avo eran’ny tampon-tanety hoe “Ampionareo izay malala-tànana fa loza ity, tsy afa-miasa aho…” Ohatra iray fotsiny iny; fa fantatrao tsara ny “blockages” rehetra nataon-dRavalomanana… Eny, hoy aho Ravorona, misiditsidina eny ambony eny, angamba, ianao ka minia mikimpy tsy hahita ny tena zava-misy marina… “To fo” tokoa ilay “zandrikelintsika” @ izao fotoana izao ka zary “mpamosavy” an?! Mitatatata Ingahy Ravalomanana hoe “lanim-bahoaka aho e, sns” i Andry, angaha, tsy lanim-bahoaka? Izaho izay mamaly anao izao dia nahavita be raha ny t@ nametrahana an-dRavalomanana teo @ fitondrana no resahina! Tsy mpanao politika aho, nefa nanao izay faraheriko mba ho feno sy ara-dalàna ny voka-pifidianana ho an’ny TIM t@izany andro izany…Fa ankehitriny, kaikerin’ny nenina aho fa “tsy aloha hananatra” tokoa lahy izany! Ka hoy ianao hoe “Inona no mba efa vitan’i Andry? Omeo sehatra aloha izy vao afaka mamaly anao aho… Sady izy io koa ange tsy ny zavatra mivaingana toa ny làlana na trano fotsiny no atao hoe “zava-bita” e! Fa iza teto an-tany ankoatran’i TGV no sahy nanambara ho ren-tany ren-danitra ny ratsy nokobonin’io Ravalomanana io? Vitsy ny olona amin’io taonany io no “sahy maty” sahala @izany ? Tsy “zava-bita” ve izany, ho anao? Izaho aloha, foko tsotra no hamaliako anao, miteny aminao hoe hahavita be io “zandry” io! Ary sarotra dia sarotra ny hanajanona an’io tovolahy io… Izany tokoa no atao hoe “décidé” @ hiran-dry zalahy mpihira! (Fa ny angatahiko @ i TGV fotsiny dia “aza mipetraka ao Iavoloha”!)" Ary ny iray sendra indray koa nanakiana lahatsoratra iray tamina gazety (http://www.continentalnews.fr/actualite/editorial,145/madagascar-ravalomanana-reste-au-pouvoir,6029.html ) dia toy izao : " Bonjour, Je suis malgache et j'habite à Madagascar. Je ne sais pas de quelle tendance vous êtes ou d'où vous tenez vos informations mais l'article que je viens de lire est totalement à coté de la plaque et plein de parti pris. On est loin de pouvoir affirmer que le Président Ravalomanana est le meilleur président que le pays ait jamais connu. Vous vantez ce que vous qualifiez de réalisations mais par exemple, la réforme de l'éducation nationale que vous qualifiez de "plus grande réforme" n'est même pas au stade de discussion de la loi, et cette réforme pose beaucoup de problèmes et de débats, la plupart des institutions d'enseignements refusent cette réforme. A aucun moment, vous ne parlez pas de tous les points négatifs qui ont amené l'opposition, de la société civile, de l'armée à s'unir. Je n'aurai pas à vous le citer mais n'importe quel article du monde entier vous le citera. Je ne suis pas pour son départ immédiat du fait qu'il n'ait pas encore fini son mandat mais je suis pour son départ le plus tôt possible dans la légalité. Cet homme est, à mon avis et selon l'avis d'une partie non négligeable de la population de Madagascar, le Président le plus dangereux que le pays ait pu connaitre. Alors renseignez-vous avant d'écrire des sottises pareilles. Parce que cela ternit énormément l'image de votre site. Merci. Rivo Randrianjaka (rivogasy) (16/03/2009 09:53)" Koa afaka manazava ve ianao hoe ahoana no mahatonga ny fijery ho samihafa tanteraka toy izao ary inona no azonao havaly azy ireo hanohanana ny hevitrao? Dia misaotra indrindra ary mankahery mandrakariva! Ah, misy "menalamba" iray koa hafa tanteraka, avy ao amin'ny France24 : "16/03/2009 19:13:51 Tanora MalaGasy Vonona Par Menalamba - Europe ELEGBEDE Ignace - Bénin/cotonou ne sait pas ce qu'il/elle dit. Tout d'abord Madagascar a sa spécifité par rapport à l'Afrique, dans le mot TGV il y a les mots Tanora Malagasy Vonona des noms biens Malagasy et non camerounais cela veut dire que c'est un ensemble de mouvement des jeunes et non l'action d'un seul homme, le mot TGV n'est pas attribué à Rajoelina uniquement, c'est un tout un ensemble de personnes. Ce mouvement de jeunes qui représente 60 % de la population Malagasy (jeunesse Malagasy) veulent être l'acteur de leur avenir dans la légalité bien sûre, depuis 2002 la constitution a été violée à maintes reprises, maintenant la coupe est pleine, les TGV. Ces jeunes là n'ont pas besoin de la France comme vous ELEGBEDE Ignace pour mettre la démokrasia dans son pays" Raha tsy hilaza an-dry J.R. sy ny namany aho. Samia tsara ary Masina ny Tanindrazana e! Enga anie tsy ho nandoto ny blaoginao aho. Misaotra.
Nampidirin'i gasy @ 01:40, 2009-03-17 [Valio]

hevitry Abdou DIOUF

http://www.tv5.org/TV5Site/internationales/emission-13-Internationales.htm?epi_id=0&video=http%3A%2F%2F213.41.65.178%2Fakamareal%2Ftv5%2Finternationales%2Finternationales_150309_2.asx

Nampidirin'i van @ 03:03, 2009-03-17 [Valio]

Mahereza

Mankahery zay sahy manolo-tena ho an'ny tanindrazana.
Efa fantatra fa ry zareo vazaha no ao ambadika, efa hay koa fa nivarotra tanindrazana i tgv. Voafitaka iarivo.
Mbola misy anefa Mpandresy ambonin'ny mpandresy, Izy no haneho ny Heriny sy ny Voninahiny @ fotoana mety. Matokia Azy.

Nampidirin'i Mandefitra @ 07:33, 2009-03-17 [Valio]

vos guelle, ravalo out

Nampidirin'i ravalomanody @ 08:17, 2009-03-17 [Valio]

tsapa

Misaotra anoa b d b ry jentilisa! Taminy voalohany aho nitovy hevitra t@nao ry gasy kanefa tsapako aty aoriana fa fanjanahatany @ fomba vaovao izao no tsapako ao aorian'izao hetsika nareo zao! Na ny mahita ireo dinozore ireo eny @ 13 Mai fotsiny ary de efa naha kivy ahy. Milaza ianareo fa tsy coup d'Etat io ataonareo io fa mba hay nareo v aloa ny atao oe coup d'Etat:Fanonganan-panjakana zay misy sy ara-dalana no atao hoe coup d'Etat. Mba itako hoe olona nianatra iany ianao ry ilay farany ity(ravalomanody io) nefa de manana fisainana miraraka @ tany. Koa samia miheritreritra e!fa ny Filoha Marc Ravalomanana iany ny anay e!
Nampidirin'i Papango @ 09:16, 2009-03-17 [Valio]

Hevitra

manao ahaona i Jentilisa ! Azafady mialoha raha fohy ny hevitro araka efa fantatrao, tsy dia mahay manoratra aminy teny gasy ny tenako. Tena atokisanao ve ny fifidiana aty Madagasikara ? Inona no manaporofo fa tena hifidy arampo ny malagasy, fa tsy vaovidy arakan'i mahazatra ? T@ voalohany dia nomeko any Ravalomanana ny fahatokisako, amin'izao fotoana izao dia malahelo aho fa vaohitsaka ny zo antsika. Be kabary be izy io, nefa tsy harahina akory zay voalaza (Dakar I, Dakar II) T@ 2006, efa natomboka i Ravalomana efa ela ny propaganda nefa ny kandida hafa dia tsy naintsy niandry vao nampita programa t@ vahoaka ! Maro ny biraom-pifidiana tsy nahazo bulletin avy @ party hafa ... etc. Inona ny lanjany ny fifidiana aty amin'isika ? Ny torohevitro dia toho izao. Miala Ravalomanana, avaoka @ fiainana politika i Andry Rajoelina dia manangana Gouvernement de Transition, ny ministra avy @ camp 2. Anjara ny ministera ny fitsarana vaovao no midefinir ny zo sy ny adidy ity HAT vaovao ity ! Misaotra namaky
Nampidirin'i Mia @ 09:17, 2009-03-17 [Valio]

mahereza

Tompoko,
misaotra amin'ny vaovao sy ny lahatsoratrao.
Mampahery anareo hatrany any an-tanindrazana.

Nampidirin'i vonto @ 09:44, 2009-03-17 [Valio]

Izaho anisany e!

Rehefa ny Filoham-pirenena am-perin'asa no mangataka ny Référendum,izay fitsapàna ny hevi-bahoaka,dia izahay anisany manaiky e!saingy ny indro,dia tsy afaka mifidy izahay satria aty ivelany,ka dia ny ENY ihany e!tsy mila fandrobàna sy ny fanendahan'ny CAPSAT,ary ny Coup d'état ny TGV izahay e!

Nampidirin'i king58 @ 11:52, 2009-03-17 [Valio]

Mahazo manoratra avokoa ny rehetra na dia mifandaka tanteraka amin'ny hevitro aza ny hevitrareo.

Milaza moa ianao hoe tsy nisy vola intsony tao amin'ny caisse raha vao niditra tao amin'ny Kaominina izy! aza matahotra ianao fa fomba fanao mahazatra izany na dia tsy araka ny tokony ho izy aza!

Ankoatra izay dia hilaza aho hoe tsy anjely akory io filoha io, fa na izany na tsy izany, manana ny antony hanohanany azy avy ny olona dia izay ny safidiny!

Nampidirin'i jentilisa @ 13:21, 2009-03-17 [Valio]

Deba zany ?

aty ivelany aty misy feo hoe miomana ny hitsena ny deba-ny eny Ivato hono ry TGV ny alakamisy 19 izao.
Marine ve izany Ra-Jentilisa ?

Nampidirin'i vonto @ 16:53, 2009-03-17 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Novambra 2019 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox