« | »

Nofiko halina tena ratsy dia ratsy

2009-04-17 @ 03:36 in Ankapobeny

Tsy afaka ny hanoratra lava tamin'izay zava-nitranga aho aloha androany noho ny tsy fahampian'ny fotoana hanoratana fa dia hitantara vetivety ny nofiko halina izany nanaitra ahy tamin'ny 4:34 minitra teo ary tsy nety nahitako tory intsony na dia tamin'ny sasakalina aza aho no namonjy fandriana. Noho izaho tsy mety nahita tory intsony no nahatery ahy hanoratra fandrao mba mety hisy fiovany tsy araka ny hitako ny ho fandehan'ny tantara.

Tao amin'ny nofiko ary dia nanana voay somary kelikely nefa masiaka izay, hono, aho; na manaraka io voay kely io hatrany, hono, aho. Tsy haiko nofehezina io voay io fa ny hany azoko nataoko dia ny nampitandrina ny manodidina hatrany io voay io any amin'izay alehany. Ny tena nanarihana ahy dia izay reniakoho niaraka tamina zanak'akoho mbola kely vitsivitsy nefa tsy nisaiko izay. Roahiko hatrany ireo akoho ireo tsy hanatona akaiky ity voay ity fa tsy mety mihitsy; mananontanona eo akaiky eo foana. Tampoka teo amin'izay, azon'ilay voay kely hita fa mitovy halavana amin'ilay reniakoho saiky hitsaingoka teo amin'ny vavany ity voatonona farany saingy afaka ihany ka ihataka kely. Taorian'izay, tsy hitako tampoka izay nanjavonan'ilay voay kely fa ny hitako teny rehetra teny dia nifantsitsitra avokoa ny ran'ireo akohokely tazako ary ny fijery azy dia tsy ho ela intsony ny fotoana hiainan'ireo akohokely ireo. Teo aho no taitra ary tsara indray ny manamarika fa tena nofiko izao halina izao io.




jentilisa, zoma 17 avrily 2009 tamin'ny 05:34

Hevitra

Tena vao nifoha tokoa ise izany fa be diso ilay teny malagasy, miala tsiny fa nanaitra ahy : alina, sasak'alina, azoko natao, nampitandrina hatrany ny manodidina any @ izay alehan'io voay io, reny akoho niaraka tamin'ny zanany kely, noroahiko, afaka ihany raha nihataka kely, tsy ho ela intsony ny fotoana hiainan'izy ireo. Ireo no fanitsiana ny itako misy diso na niverimberina. Aza tezitra an ;)
Fa misy foana ny nofy ratsy rehefa vizana na nahita zavatra tsy fahita ny andro mialoha, na ... mandalo ihany ireny.

Nampidirin'i Kdaombaramita @ 06:10, 2009-04-17 [Valio]

Tena inona indray izany ry jentlisa a?

Nampidirin'i news2dago @ 08:50, 2009-04-17 [Valio]

Efa manomboka mangatsiaka tokoa ny andro eto Tana.
Izaho koa manomboka manonofy ratsy tsindraindray.

Nampidirin'i LeRastah @ 09:50, 2009-04-17 [Valio]

resa-boay

fa izao, voaivavy sa lahy no narahanao io?

Nampidirin'i Akama @ 10:10, 2009-04-17 [Valio]

Nofy tokoa izany ry Jentilisa. Tsy voatery ho hitranga daholo ny zavatra hita amin'ny nofy. Ny ahy matetika dia ny mifanohitra amin'ny ao amin'ny nofy no mitranga amin'ny fiainana andavanandro.

Rolls

Nampidirin'i Rolls @ 13:19, 2009-04-17 [Valio]

Nofy tokoa izany ry Jentilisa. Tsy voatery ho hitranga daholo ny zavatra hita amin'ny nofy. Ny ahy matetika dia ny mifanohitra amin'ny ao amin'ny nofy no mitranga amin'ny fiainana andavanandro.

Rolls

Nampidirin'i Rolls @ 13:20, 2009-04-17 [Valio]

ny mampanahy ahy, ny nofiko matetika tsy mandehandeha fotsiny amin'izao.

Nampidirin'i jentilisa @ 16:40, 2009-04-17 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Oktobra 2019 »
Ah At Ta Ar Ak Zo As
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Tahiry
Credits
LifeType IE7 XHTML CSS Firefox