« | »

Fa ho entina mankaiza ity tolona ity e?

2009-04-20 @ 21:40 in Politika

Mety ho gaga ny maro amin'ny filazako saingy tsy te-hivaona amin'ny foto-kevitro mihitsy aho. Efa fantatra ihany fa tsy mahazaka ny hetsika isan'andro  eo Ambohijatovo ny sasany dia izay ihany no notohizana fa tsy niditra zavatra hafa efa niomanan'ny mpifanandrina amin'ny tena. Efa porofo mitohoka amin'ny tendany anie ny fitadiavana hanakorontana ny hetsika amin'ny alarobia ho avy izao amin'ny filazana ho fanoherana ny jadona nefa izy mpitatatata izany indrindra no manao ny jadona amin'izao fotoana izao. Efa fantatra ihany fa tsy mahasahy manao na inona na inona ny miaramila raha vao ny vehivavy ihany no mandeha fa manao ny ataony izy raha vao maro ny lehilahy milahatra an-dalambe izany na dia tsy hanao herisetra aza ireo lehilahy ireo dia nidirana ihany izany. Izao lasa miova ny toe-draharaha.

Tonga teny Ambohijatovo aho tamin'ny atoandro, mialoha ny handehanako miasa miditra amin'ny roa ora ary tsy afaka mivoaka ao intsony avy eo nohony tsy fahampian'ny mpiasa. Teo amin'ny fanaovana ny hiram-pirenena ny mpitolona no teny Ambavahady ambany aho. Nandeha ny andininy fahatelo tamin'ny "Madagasikara Tanindrazanay" no tonga teo amin'ny toerana mahazatra ahy aho. Hanomboka ny fotoam-pivavahana dia nahatsikaritra andiana tanora tokony ho 30 teo ho eo aho (50 hoy ny hafa) hita miharihary fa tsy zatra an'Ambohijatovo no eo afovoamboany somary avaratra amin'ny kianja tsy tena maheno akory izay lazaina ery ambony sehatra fa mikonokonona mbola mitsangana miavaka amin'ny besinimaro. Ireo no be tabataba avyhatrany hoe "tonga dia action" fa tsy mahalala velively hoe fotoam-pivavahana no atao rehefa vita ny hira anankiroa an'i Madagasikara. Nolazaiko avokoa ny manodidina ahy hoe jereo ireo fa ireo no hanakorontana antsika. Tsy nisy niteny ny manodidina ahy izay nilazako... raha mba nanana camera manko aho. Hitako indray ny anankiray fa nisy niantso tamin'ny finday ary dia nihaino avokoa ny manodidina ireo tary tsy mazava ireo. Dia nandeha soa aman-tsara ny resaky ry zalahy. Izaho aneefa miantso olona amin'ny findaiko tsy mety mahazo mihitsy. Nanafatra ny manodidina ahy aho hoe araho maso ireo fa hanao zavatra, di alasa namonjy ny asa fa mitady ho tratra aoriana.

Inona tokoa, reko amin'izay fa nisy nanakorontana teny amin'ny sehatra rehefa hirava iny ry zareo tao. Betsabetsaka ihany koa ny olona hitako niala teo Ambohijatovo tamin'izaho niala teny. Mieritreritra aho fa mety ho olona tsy tia gidragidra tahaka ahy ireo olona ireo. Ny mahavariana ahy dia ny mbola nandehanana nilahatra ihany nefa efa fantatra fa efa niomana tamin'izao indrindra ireo mpitabataba ny "tonga dia action" ireo. Androany alatsinainy 20 avrily anefa no mba nahitana olona nandohalika maro nivavaka izany. Tsy gaga intsony aho avy teo raha nahita fa nisy nandoro ny fiara vitsivitsy tao amin'ny minisiteran'ny planina, any amin'ny tsy nandehanan'ny mpitolona, ary tsy ankasitrahako mihitsy ny fandoroana fananana mety ho an'ny tsy manantsiny tahaka itony.

Na izany na tsy izany dia tena nahatsiravina ny nahita ireto miaramila nitoraka baomba mpandatsa-dranomaso tao anatin'ny faritry ny hopitaly HJRA. Sy toy ny manafika inona manenjika olona amin'ny basy ao anatin'ny faritry ny hopitaly io. Tsipalotro tamin'ny sary tvplus ireo olona nandohalika niaraka nanandra-tsaina malagasy saingy atsasaka segondra ihany moa no nanehoan'io tele io azy. Hita fa biby aie ireto miaramila mpanao famoretana ireto e! Ninia aho nanao fohifohy ny zavatra ambarako androany satria mba efa nisinisy ihany ireo namoaka vaovao aty amin'ny siniben-tserasera. Mihevitra ny tsy hampisy ny hetsika eo Ambohijatovo intsony ny PM HAT Roindefo ka asa horavan'ny miaramila ve izany ny hetsika eny Ambohijatovo io talata io?




jentilisa, alatsinainy 20 avrily 2009 tamin'ny 23:42
 
Efa saiky hatory aho no nahita ny lahatsoratry ny namana avylavitra ka somary hanitsy kely. Tsy teny an-toerana aho fa izay araka ny nasehon'ny televiziona kosa no ambara. Ilay polisy voatifitra aloha dia polisy mpanangom-baovao manaraka ny tolona eny Ambohijatovo mandrakariva. Tsy voatery ho mpitolona izy fa maharaka tsara kosa ny zavamisy eny ary manao tatitra amin'ny lehibeny izay hitany. Niaraka tamin'ny mpitolona izy raha nankeny Anosy, ary toy ny mpitolona rehetra ihany. Ny miaramila nandrava ny tolona no nitifitra io polisy ao amin'ny renseignement generaux io. Tonga teny Anosy ny mpitolona dia nipetraka soa aman-tsara tsy nanao na inona na inona (raha ny hita tamin'ny vaovaon'ny tvplus sy ny matv no ilazako azy). Raha iny nipetraka iny ny olona dia avy tampoka ny miaramila sy ny zandary tanaty kamiao 4 raha vitsy indrindra nandrava tamin'ny tifitra variraraka sy ny toraka baomba mpandatsa-dranomaso. Teo ny olona vao nisahotaka. Tsy mbola nisy fandoroana na fanimbana zavatra mihitsy nialoha io tifitifitra nataon'ny miaramila sy ny zandary io. Fa tsy azo fehezina intsony kosa ny olona rehefa notifirinao sy nanaovanao herisetra izy. Ataoko fa nialaina ihany ny nanao izay fanampim-baovao ampitaina aminareo izay.



 

Hevitra

karakory

msotra anao jentilisa amin'ny filazana vaovao!

Vao nikabary ny FILOHA RAVALOMANANA : http://www.topmada.com/2009/04/20/discours-officiel-de-marc-ravalomanana-a-johannesburg-ce-20-avril/

reto kosa ny photos ny zava-mitranga anio ariva (izay tsy mahatanty sary mahery aza mijery) :

http://www.topmada.com/wp-content/gallery/repression-militaire-20-avril/madagascar-200409-00025.jpg

http://www.topmada.com/wp-content/gallery/repression-militaire-20-avril/madagascar-200409-00014.jpg

http://www.topmada.com/wp-content/gallery/repression-militaire-20-avril/madagascar-200409-00028.jpg

http://www.topmada.com/wp-content/gallery/repression-militaire-20-avril/madagascar-200409-00031.jpg

http://www.topmada.com/wp-content/gallery/repression-militaire-20-avril/madagascar-200409-00007.jpg

http://www.topmada.com/wp-content/gallery/repression-militaire-20-avril/madagascar-200409-00030.jpg

http://www.topmada.com/wp-content/gallery/repression-militaire-20-avril/madagascar-200409-00005.jpg

bomba sy afo pneu :

http://www.topmada.com/wp-content/gallery/repression-militaire-20-avril/madagascar-200409-00018.jpg

http://www.topmada.com/wp-content/gallery/repression-militaire-20-avril/madagascar-200409-00015.jpg

http://www.topmada.com/wp-content/gallery/repression-militaire-20-avril/madagascar-200409-00017.jpg

!!!!!!!!ati-doa mipotsaka :

http://www.topmada.com/wp-content/gallery/repression-militaire-20-avril/madagascar-200409-00003.jpg

http://www.topmada.com/wp-content/gallery/repression-militaire-20-avril/madagascar-200409-00004.jpg

la marche :
http://www.topmada.com/wp-content/gallery/repression-militaire-20-avril/madagascar-200409-00024.jpg

ireo soldats de repression :
http://www.topmada.com/wp-content/gallery/repression-militaire-20-avril/madagascar-200409-00001.jpg

http://www.topmada.com/wp-content/gallery/repression-militaire-20-avril/madagascar-200409-00009.jpg

http://www.topmada.com/wp-content/gallery/repression-militaire-20-avril/madagascar-200409-00032.jpg

ra mitobaka :

http://www.topmada.com/wp-content/gallery/repression-militaire-20-avril/madagascar-200409-00008.jpg

tsy haiko na blessé foana na ... mitsy :

http://www.topmada.com/wp-content/gallery/repression-militaire-20-avril/madagascar-200409-00026.jpg

sary maeriery koa :
http://www.topmada.com/wp-content/gallery/repression-militaire-20-avril/madagascar-200409-00006.jpg

ny mpitolona :

http://www.topmada.com/wp-content/gallery/repression-militaire-20-avril/madagascar-200409-00013.jpg

blessé :
http://www.topmada.com/wp-content/gallery/repression-militaire-20-avril/madagascar-200409-00027.jpg

http://www.topmada.com/wp-content/gallery/repression-militaire-20-avril/madagascar-200409-00000.jpg

Nampidirin'i felana @ 22:37, 2009-04-20 [Valio]

izay tsy mahataty miala

Izaho aloha Jentilisa dia taitra aninkeheo namaky ny fitantaràna ny fandehan'ny teny Ambohijatovo ary tonga dia tonga tato an-tsaiko ny hoe "i Roindefo talohan'ny ho eny Ambohitsorohitra no nanao toy izany!" na dia hafa tanteraka aza moa anefa ny tohin'ny kabary avy eo. Indro ilay fitantarana : "vaovao Ambohijatovo
...
Date: lun 20 avril 2009 13:55:06

nanomboka tamin'ny 1 ora ny fotoana izay nialoavan'ny Fotoam-pivavahana ka ny mpitarika ny fotoana dia efa nanome aina sahady tamin'ny fanotaniana manao hoe vonona ny hanao action ve isika? Eny hoy ny valin-teniny vahoaka ka izay no nanompanany ny teny notoriany dia ilay tenin'Andriamanitra hoe " Fa raha ny olona izay antsoina amin'ny anarako no ho avy hanetry tena sy hivavaka..........."

Action N° 1 : Miantso antsika rehetra Andriamanitra mba hahay hanetry tena sy hifona amin'Andriamanitra

Action N°2 : Mbola miantso antsika rehetra Andriamanitra mba hivavaka hoa'ity Nosy mamalantsika ity indrindra indrindra mba hametraka eo am-pelatanany izao toona ataontsika izao. "

Fa rahoviana ihany marina vao hahay haka lesona @ lasa efa hita fa tsy nety e? ary rahoviana vao mba hisy hijoro hanana ny mahaizy azy misaina sy mamorona zava-baovao hahomby fa tsy handika sy hanara-kefa foana ihany ny efa nataon'ny sasany? Miombon-kevitra aminao aho fa tsy gaga akory ary faly aza mahita fa misy mahasahy milaza ny tena toe-javatra. Na marary aza ny vay raha tsy potsehina hamoaka ny lotony rehetra tsy ho sitrana! Misaotra dia mahereza hatrany!

Nampidirin'i gasi @ 23:25, 2009-04-20 [Valio]

p.s

izay tsy mahataty fanakianana sy filazana ny toe-javatra marina io fa sao misy mamilana eo indray ny resako

Nampidirin'i gasi @ 23:27, 2009-04-20 [Valio]

jereo ko ty :

famenom-baovao : http://mydago.com/

Nampidirin'i tsiky @ 00:02, 2009-04-21 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Novambra 2018 »
Ah At Ta Ar Ak Zo As
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Tahiry
Credits
LifeType IE7 XHTML CSS Firefox