« | »

Ny antso avon-d Raveloson Constant taorian'ny fisamborana an'i Manandafy Rakotonirina

2009-04-29 @ 22:36 in Politika

Ataoko fa efa novakian'ny mpiserasera Malagasy manara-baovao politika rehetra fa nisy mpitari-tolona maromaro no nosamborina tao amin'ny Carlton Madagascar ny andron'ny Alarobia 29 avrily 2009 fiandohan'ny alina maizim-pito teto Antananarivo. Anisan'ny voasambotra tamin'izany ihany koa Rtoa Ihanta Andriamandranto mpitarika ao amin'ny vehivavy mpandala ny ara-dalàna eto Madagasikara. Efa nendahan-dry zalahy hatramin'ny nisamborana azy avokoa ny akanjon'ireo nosamborina ankoatra ny an'i Manandafy ny Ihanta. Efa tsy zoviana intsony fa ny Komandà Charles Randrianasoavina no nitarika ny miaramila hisambotra ireto mpitari-tolona ireto.  Io Komand io no nitazona tamin'ny vozon'akanjony ny praiminisitra Manandafy sady niedinedina hatrany niteny hoe : "Ahy ialahy manomboka androany! Ahy ialahy manomboka androany!". Teo anatrehan'izany dia nanao antso avo ho an'ny mpitolona Raveloson Constant mpitondra tenin'i Manandafy sady mpitari-tolona efa fantatry ny mpanaraka ny ara-dalàna rahateo. Indro omena antsika eto ny voalaza nandritra ny antso avo naverimberina tao amin'ny radio fahazavana ity ny alin'ny alarobia 29 avrily taorian'ny fisamborana :

...tamin'ny nanaovan'ny miaramila (ny fisamborana) ny praiminisitra Manandafy sy ireo mpiaraka aminy, miara-miasa sy miaro azy tamin'ny nanaovana habibiana, naboridana, novelesina teo imason'ny filazam-baovao sy ny sary aman-jery ary efa hitan'izao tontolo izao sahady amin'izao isika miteny izao. Ary tany amin'ny toerana nitondrana azy moa dia noterena hitelefonina hanotany amiko ny toerana misy ahy sady arahina ompa sy teny ratsy. Izay rehetra izay no lazaina amintsika dia hanehoana amintsika fa efa tena tonga amin'ny tsotsori-mamaba hisarahana tanteraka amin'ity fitondrana nanongam-panjakana ity isika izay misora-tena ho "Haute Autorité" na HAT. Ny zavatra tiana apetraka sy iantsoana antsika vahoaka rehetra rehetra: Raha izahay no voasambotra, dia tokony hisy folo, zato, arivo ohatra anay indray hitsangana.

Koa manomboka izao ny fiadiana amin'ny fanjakana sy ireto toa miaramila kanefa mianao habibiana amin'ny mpitady ny ara-dalana ireto. Antso avo tsy misy hatak'andro ho antsika, tsy hijanona intsony ny fihetsiketsehana raha tsy miala izao fitondrana manao habibiana tsy roa aman-tany izao. Antso avo hanara-maso akaiky ny nanjò ireo namanareo satria izao sahady dia efa misy feo (teny) milaza fa nisy nitifitra namono ny praiminisitra Manandafy. Asa ny fahamarinan'izany, anjaran-dry zareo nisambotra sy nangalatra azy no mampiseho fa tsy nisy tohina na kely aza ny PM sy ireo olona miaraka aminy.

Mieritrereta ianao ry ingahy Rajoelina satria avy aminao no nahatongavan'izao rehetra izao. Ny hambom-po diso toerana, ary ny fiheverana fa afaka manao ho mpanjaka eto Madagasikara ianao. Tonga ny fotoana hiheveranao amin'ny vokatry ny fanapahan-kevitrao, mbola ianao ve no  nampanao an'izao zavatra izao? Anjaranao ny miteny,mitsara anao ny vahoaka. Ny anay kosa efa fantatra ny zavatra miandry anay, efa nambaran'ny miaramila anay izany ka tsy maintsy mitohy ny hetsika ary tsy hahatapitra ny vahoaka Malagasy akory ianareo. Tsy maintsy mitohy ny hetsika ary ny ... amin'ny fitakiana raha tsy miverina ny ara-dalàna eto amin'ny tany sy ny firenena iarahamanana. Ny Fahendrena dia ny amin'ny manao ny fifandaminana mba hisian'ny firenena afaka mandroso. Tsy maintsy avoaka eto ihany ny vaovao araka ny fitohizany, manaramaso izao ny namana erantany, ny depiote. Efa niantso ny tany amin'ny International Liberal izao ary dia ho hitantsika eo ny fivoaran-draharaha. Samia manomana ny toromarika sy ny baiko fa tsy maintsy hitantsika ny fomba hanohizana ny tolona. Misaotra tompoko.

Vita izay antso izay dia nitsahatra ihany koa ny radio fahazavana nanomboka tamin'ny 11 sy sasany mahery teo tamin'ity alina ity. Hitantsika fa tsy voafaritra mazava ny tokony hataon'ny tsirairay. Ny hevitro manokana moa dia hoe tsy mety loatra intsony ny fidinana an-dalambe raha mbola matahotra ny maro hanohitra ireto herim-pamoretana ireto. Tsy maintsy miainga any amin'ny isam-batan'olona hatrany anefa ny fanapahan-kevitra manoloana izao fisamborana ny mpitarika izao. Efa niainana ny fahanginan'ny lehibe raha olon-tsotra no nanainga ity tolona nitsipahana ny fanjakana nalaina tamin-kery ity... miverina hatrany indray isika amin'izao fotoana izao, dia ny fijoroan'ny olon-tsotra mahasahy mijoro. Hampitombo ny lonilony efa voatahiry any amin'ny maro any izao fihetsika ataon'ny miaramila mitam-basy mampihorohoro olon-tsotra izao. Aleo samy hieritreritra ny tsirairay manolonaa izao zava-misy izao.



jentilisa, 30 avrily 2009 amin'ny 00:37

Hevitra

-

mankatelina amin'ny fitateram-baovao Mr jentilisa!

Mahereza amin'ny tolona iaraha-manana e! Ary aza avela ho faty ny afom-pitiava-Tanindrazana!

Masina ny tanindrazana!!!

Nampidirin'i Korio @ 23:50, 2009-04-29 [Valio]

misaotra anao @ tatitra

Nampidirin'i sipagasy @ 00:19, 2009-04-30 [Valio]

Marina izany ry Korio.

Mankahery

Nampidirin'i sitlo @ 03:19, 2009-04-30 [Valio]

hafatra

ny tmfm dia manameloka izao habibiana atao @ PM izay anyaradala sy eken'ny firenena rehetra koa i komandant charle dia atao hazalambo manomboka izao mandrapahafatiny izy sy ny tarananay ary ny fianakaiany manontolo tsy hianatra eny @ oniversite eto ngah izy ireo fa manavy

Nampidirin'i tiana @ 03:35, 2009-04-30 [Valio]

Fa nahoana e?

Mo ve isika lasa iraq na sanatria afghanistan.Voatery ve ho tsy maintsy ho ireny no zavatra hisy eto amin-tsika, mifona eh!nohirairaintsika ny oe demokrasia.Tsy matotra ny fitondrana ny HAT, izao angamba izy ireo vao mahatsapa fa sarotra ny mitondra firenena na marina aza ny fitakiana natao teny amin'ny 13 mey ka nahazoanareo ny fitondrana, dia indrisy fa lasa very maina ireny, maty2foana ireo olona maty teny ambohitsirohitra satria sary ratsy(image) no itan'izao tontolo izao aminareo na inona na inona ho ataonareo dia tadidio fa ho zava-poana izany manomboka omaly.
Nampidirin'i lucarnirov @ 07:06, 2009-04-30 [Valio]

hoy i Tiana:"ny tmfm dia manameloka izao habibiana atao @ PM izay anyaradala sy eken'ny firenena rehetra koa i komandant charle dia atao hazalambo manomboka izao mandrapahafatiny izy sy ny tarananay ary ny fianakaiany manontolo tsy hianatra eny @ oniversite eto ngah izy ireo fa manavy"

I tiana ve no miteny toy izany dia hieritreritra aho hoe BIBY daholo ny tmfm...

izany daholo izao no toe-tsaina na nadaniny na ankilany...

Nampidirin'i ndrema @ 07:57, 2009-04-30 [Valio]

mitohy ny tolona

Mahereza hatrany !

Mitohy ny tolona ary manamafy azy ary izany !

Maro ny manohana fa aza manahy e !

R.R.

Nampidirin'i Tolona @ 09:33, 2009-04-30 [Valio]

Mahereza Jentl an

Mahereza hatrany
Nampidirin'i niry @ 09:53, 2009-04-30 [Valio]

Mankahery

Asa na marina na tsia fa renay fa hoe Maty i Manandafy .Marina ve izany ? ilazao vaovao!

Nampidirin'i Mitoky @ 10:34, 2009-04-30 [Valio]

ok

Na i Razily aza ange ry zareo hatramin'izao mbola tsy hita hoe aiza e!

1 volana omaly izay ny nisamborana azy.

Nampidirin'i Tokinao @ 11:13, 2009-04-30 [Valio]

Tsy manaiky

Tena efa tafahoatra ny loha mihintsy ny habibiana asehon'ireto olona ao am HAT ireto. Mila mihetsika daole ny gasy rehetra fa tsy rariny intsony izao!!!!
Nampidirin'i Gasikely @ 11:44, 2009-04-30 [Valio]

Misy olona tena mila atao mahita ny atifasan-drazany avy hatrany mihitsy fa tsy haiko ny mbola tsy nanaovana izany hatramin'izao : Charles sy Alain Ramaroson ! Dia tazonina ilay Andry tsy havela handositra fa avelao hanaovan'ny capsat azy any fa efa cible iny izao fa efa tonga i PIerrot. Io farany io koa no tena poizina sur la ligne de mir koa aloha e !
Nampidirin'i Kdaombaramita @ 14:29, 2009-04-30 [Valio]

Miseho mlay mintsy reo maramila sy polisy reo rehefa mitambasy fa asa nga rehef sam tanam polo raha masaky
Nampidirin'i Nadyva @ 15:05, 2009-04-30 [Valio]

aza de miakatr'afo nareo ry zalah sô lahy,tapaka lalan-drà eo.
maninona moa raha avela hanao zay tiany ao iz ireo!!
ny marina anie tsy mba maty e.

Nampidirin'i lalao @ 14:10, 2009-05-19 [Valio]

ny fahazoako ny zv misy: hat avy any Tripolie.tsy hoe nanaiky an'i Mada/kr izao tontolo izao akory izy ireo @ fitondrana teteza mita.
sady ny tsy azoko dia ny hoe misy taratasin-r8 any ivelany any milaza ny demission nataony.raha ny havizanana ao magro ve, maninona izy no tsy miaraka amintsika?fa @ finday foana no miresaka. lasa kivy aho.
ary mandiso fanantenana ahy ra hilaza isankerinandro izao fa hoe ho avy kanefa.... iomehezan'ny sasany fotsiny.

Nampidirin'i mpanankato @ 14:19, 2009-05-19 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Jiona 2018 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox