« | »

Hidinika mankaiza?

2010-02-25 @ 22:53 in Politika

Eto ampanombohana aho dia mankasitraka indrindra ireo Malagasy any ampitan-dranomasina tsy sasatra mihitsy ny manadihady sy miady hevitra amin'ny zavamisy eto Madagasikara. Ianareo amin'ny ankapobeny no toy ny mpanetsika anay mpikatroka aty an-tanindrazana mety ho valaka indraindray mahita ny heverina ho tsy firaharahiana ataon'ny sarambamben'ny olona. Raha in-telo andro misesy izay Atoa Ravalomanana no niantso tamin'ny finday ho ren'ny mpandala ny ara-dalàna (ny satan'ny maputo sy ny tovana tany Addis Abeba) dia torohevitra ankolaka izany ilazana fa aty an-tanindrazana indray izao no tokony ho kianja ifaninanana sy ezahina fehezina ao anatin'ny herinandro vitsivitsy. Raha tarafina manko dia tahaka ireny hoe matoky tena ireny ny mpifehy ny fahefana amin'izao fotoana izao ary tahaka ireny hoe efa roso ity tsa mimpody intsony, dia resaka saikolojia no tena ambadika ary tsy tokony ho lavon'izany ny aty amin'ny mpandala ny ara-dalàna eto an-tanindrazana.

Tsikaritra

Eny amin'iny faritra Andavamamba iny manoloana indrindra ny fiangonana ara-pilazantsara dia misy irony takelaby be velarana fametrahana dokambarotra irony. Ny tonga dia misongadina amin'ity takelaby ity moa dia ny famantarana ny repoblika malagasy mivolombolamena ahitana ny sarina ravinala, sy lohan'omby. Dia voasoratra tsara fa hoe averina amin'ny vahoaka masi-mandidy ny fahefana... tsy tena tadidiko intsony ny tohiny fa mifanahatahaka amin'ny hoe amin'ny fanaovana fifidianana solombavambahoaka. Dia lasa ny saiko...Eken'ny mpitana ny fahefana ankehitriny ve raha misy olona na vondron'olona mametaka ny heviny amin'ireny takelaby fandoavam-bola ireny koa manao hoe Arosoy ary ny fifidianana filoham-pirenena hitsapana ny fitiavan'ny olona anao? Raha tena sahy izy dia izay idirana fa be no ho faly amin'ny ankolafy rehetra sy ny ivelan'ny ankolafy.


Hiantso hiresaka hoe?

Tena zavatra mahafinaritra indray izany hoe mandre teny avy amin'ny lohan'ny mpitana ny fahefana miantso indray hifampidinika indray, eny fa na dia tsy noraharahiana aza izay efa nifampidinihana sy nanaovana sonia mihitsy tamin'ny herintaona. Saingy aoka tsy hofitapitahana ka hoe ny hanatontosana ny fifidianana no hanaovana izany fifampidinihana izany, tena andrasana mihitsy anie ilay fifidianana fa mba iarahana manatontosa ny fanantanterahana azy e! Ny dikan'ny fiaraha-mitantana efa nifampizarana, ary tsy mbola nandramana akory dia lazaina sahady fa tsy nahomby, dia ny hahamarin-toerana izany fifidianana izany. Noho izany, efa vita avokoa ny dinika mankamin'izany fifidianana izany ka tsy ilàna fifampidinihana indray... ny fandrafetana ilay rafitra iraisana efa nifanarahana tany Maputo sy Addis Abeba izay hofaranana amin'ny karazam-pifidianana no efa vokatry ny dinika... fa ny fanatanterahana azy sisa... dia io mbola mampikatso ny zava-drehetra io izao.    


Resaka radio eto amin'ny tanàna

Rehefa misy ny resaky ny radio anankiray milaza fa niteny izao hoe na niteny izaroa ny radio iray hafa izay mifanohitra firehana aminy indrindra indrindra dia vaovao diso tanteraka izay no lazainy fa nambaran'io radio mifanohitra firehana aminy io ary ao anatin'ny famafazan-dainga sy ny fiampangana lainga izy izay. Hahatsotra ny resaka, tsy ilaina manonona ny anaran'ny radio fahazavana ny radio antsiva sy ny radio viva, dia tahaka izany ihany koa tsy ilaina manonona ny anaran'ny radio viva na/sy ny radio antsiva ny radio fahazavana. Miala tsiny fa misy radiom-piangonana moa voatonona... ary fantatro tsara fa tsy milaza izay lazain'ny radio hafa mihitsy ny iray amin'ireo radio ireo nefa misy kosa ny tsy mitsahatra ny mamelively ny radio hafa. Fehiny: raha misy izany radio na televiziona iray miteny hoe izao no lazain'ny radio na tele izao na hoe izao no re tamin'ny resaka nifanaovan'ny mpanao gazetin'i ... tamin'ny mpanao politika ranona... nefa ireo teneniny ireo dia mifanohitra firehana aminy dia mahimahiana fa mety hisy lainga ao anatin'izay. Ny tena mampanahy aza, araka ny notakariko tao amin'ny paikady miaramila maoderina nadikako vao tsy ela tao amin'ny Global Voices Online teny malagasy, dia paika entina handrisihana ny olona hanao "valifaty" mialoha ka manosika azy hanao ny tsy mety toy ny fandrobana fananan'olona, famonoana na fandratrana olona ahafahana mangeja tanteraka ny olon-drehetra no ao ambadik'ireny famafazana lainga fampiadiana olona ireny.

Farany,

Asa raha tsikaritrareo fa toa kamokamo izay ihany ny tena manoratra etoana fa satria moa aty an-tanindrazana indray izao no sehatra dia aleo tairina ny rehetra, saingy tsy ho amina fanaovana herisetra eo amin'ny samy olona na oviana na oviana.


Jentilisa 26 febroary 2010 amin'ny 01:01 eto Antananarivo




 

Hevitra

Mahereza ary fampaherzezana anareo ity

« auto-[b]puchiste[/b] »??? est-ce que vous pouvez nous expliquer en français ce que c’est un auto-putsch? C’est un néologisme hyppolitique.

On va au-dela de l’imbécilité. Mais au final c’est heureux pour ce qui cherche le retour de Ravalomanana.
Je m’explique. Un putsch est une action armée visant à destituer un Président pour lui prendre sa place. Autrement dit, selon l’intelligence « exorbitante » d’Hyppolite, Ravalomanana se serait donc destitué pour se succéder immédiatement à lui même. Hyppolite vient de reconnaître publiquement que Ravalomanana reste donc légalement (élu) ou illégalement (issu du fameux auto-putsch) le Président de Madagascar.

Si le ridicule ne tue, à un moment donné il va vous suivre toute votre vie et finira par vous avoir. Hyppolite Ramaroson vient-il de connaître ce qu’est la convention de Vienne pour en faire usage à tout va comme un arriviste? La convention de Vienne, qui régit surtout le monde diplomatique inter-étatique, peut effectivement intervenir dans les traités internationaux, autrement dits pour des intérêts internationaux. La Charte de la transition est nationale et ne touche que Madagascar. La médiation internationale oeuvre pour l’intérêt malagasy. Donc, il n’y a aucune place pour la convention de Vienne.

Si ce que je dis ici est juste et vraie, il faudra dégrader cet Amiral qui montre la limite de sa compétence et ne peut plus être le porte drapeau de la marine et de la République.

Nampidirin'i Alidera A.R. @ 09:06, 2010-02-26 [Valio]

Depuis 1971 ,on assiste a des zaikabe ,des journnées ,des ateliers ,des journnées de ceci de cela ,en ce moment le peuple meure de faim ,pendant que des gens s'engraissent pendant ces ateliers etc . Un theme à faire pendant un atelier :famine et nombre d'ateliers de 1971 à ce jour !
Nampidirin'i Saryteny @ 10:14, 2010-02-26 [Valio]

VALINY

miarahaba ny mpamaky Fa izao e ny communication sy ny resaka diplomasia any ivelany isika dia tena ok fa ny eto no manana olana isika @ resaka communication (tele radio)ka tokony mba asiana fijerena kely io fa anazy ny tanana eto sokafy ny MBS Radio Mada
Nampidirin'i RAMANAMAHALEO @ 12:25, 2010-02-26 [Valio]

Misaotra anao tokoa nampahatsiahy an'ilay hoe: "paika entina handrisihana ny olona hanao ny tsy mety toy ny fandrobana sy famonoana olona ahafahana mangeja tanteraka ny olon-drehetra".
Ny mpanara-baovao ara-pôlitika dia nahita fa fomba nampiasain'ny 2ème république matetika io tamin' ny androny. Ary hita fa nandaitra tokoa ka nanafahany nanao famoretana namaivay nandritra ny taona maro.

Nampidirin'i Rija @ 10:20, 2010-02-28 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Aprily 2019 »
Ah At Ta Ar Ak Zo As
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        
Tahiry
Credits
LifeType IE7 XHTML CSS Firefox