« | »

Paika diso

2010-05-20 @ 23:13 in Politika

Tontolo andro nisiana fifampitifirana teo amin'ny samy mpitam-basy tokoa ny andron'ny 20 mey 2010 teto Antananarivo. Nanapa-kevitra avy hatrany ny handrava ilay fidinana an-dalambe voatery nampidirina tanaty toby ny avy amin'ny mpitana ny fahefana. Andro atoandro ihany ny fanafihana. Satria tsy nahazo ny toerana notadiavina ny HMF dia anilan'ny toby no nanatanterahana izany. Raha ny fijeriko azy dia tokony ho nangina fotsiny ny tao amin'ny HMF rehefa nahatsapa avy hatrany ny olona fa any Andrainarivo ilay toerana hihaonana. Nefa efa izay angamba no nifanarahana. Heveriko fa tsara ampanombohana ihany ilay tetika fa nisy zavatra banga tao aoriandriana tao.

Hitako fa tsy nivonona ho amina tolona fifampiarovana mahery vaika ny mpandala ny ara-dalàna nanaraka ny HMF. Tsy tokony ho navela hiasa irery ireo mpitandro ny filaminana niaro ny mpitolona fa nampiana tosika avy taty ivelany. Mitoetra hatrany ilay tsy fananana rindran-damina tokony ho nanaovana izany. Raha izay manko no nitranga dia tsy maintsy nijery ny taoriany ny Emmoreg sy ny fis. Saingy efa efa fotoana lasa avokoa izany rehetra izany ankehitriny. Angamba ny tiana haseho tao anatin'iny hetsika andro iray iny dia ny hampisehoana eo imason'izao tontolo izao fa tena misy tokoa ny olona vonona ny hiaro ny tigetrany sy ny safidy politikany. Rehefa vita ny fotoam-pivavahana tao an-toby dia tokony ho nisintaka amin'izay ny olo-tsotra mba hahafahan'ny zandary niatrika izay mety hanafika azy. Soa ihany fa nahay namoaka ny sivily aloha ry zareo 

Fa niasa mafy dia mafy ihany koa ny fanelezana tsaho sy lainga entina hanakiviana ny mpifanandrina amin'ny tena. Ady fiady avokoa ireny rehetra ireny hahazoana ny fandresena. Amin'izao fotoana izao manko tsy fantatra izany tena marina fa samy tsy misy manaiky ho resy. Tsy maintsy miandry ny andro mazava indray vao mety hahita sy hahare ny tohiny ny rehetra. Ahoana marina ny zavamisy? Fa dia nahavariana ahy tokoa ny mandre fa dia tapitra fiandohan'ny takariva ny fifampitifirana. samy tsy manana infra-rouge ve dia nitsahatra sa natsahatra ny fifampitifirana dia niala ny ankolafin-kery (ity vao tena ankolafin-kery mitam-piadiana) sa dia nitohy ny alina tokoa ny fifampitifirana? Sa efa vita tokoa ny ady tamin'iny indray mitoraka iny? Iray tamin'ny tsy sasatra ny nandainga ny mpitondra teny sady toa nitarika ireo te-handrava ny hetsika teny Andrainarivo. Nodradradradraina hatrany fa hitolo-batana ny mpitarika ireo hiaro ny mpanao fihetsiketsehana saingy tsy nisy hatramin'ny farany izany sady niteny tao amin'ny onjam-peo mihitsy izy, dia mody nolazaina hoe matahotra ny ainy. Izay no antony nahatonga ny mpanara-baovao tsy nino loatra hoe resy ny FIGN.

Dia hanakory indray ny andron'ny zoma? tsy hisy na inona na inona intsony sa toeran-kafa indray no ipoiran'ny fikomiana miaramila? Valin'ny alakamisy ny zoma. Raha tsy misy na inona na inona mitranga intsony dia izay no izy araka ny fiteny fa raha misy tohiny ny raharaha dia baraingo tanteraka amin'izay ny raharaham-pirenena.


Jentilisa, 21 mey 2010, Antananarivo 01:26
 
 
Fanamarihana: mety hamoahako vaovao farany eto mandritra ny andro tontolo raha misy izany ankoatra ny ao amin'ny twitter.
 


Hevitra

Mampieritreritra ireny zavatra ireny...

Aiza ny fahaizana amin'ireny? mahagaga ihany hoe tahaka ireny no fandehany satria efa ela ihany ny olona no nilaza fa niandry an'ireny. Tonga iny ilay nandrasana kanefa toa hafahafa ihany ny mijery azy ary tsy hita loatra izay azo ilazana azy. Fa na inona na inona lazaina, na inona na inona tenenina dia tsy tokony ho tonga teo an-tenantenam-piakarana akory ny mpananika raha ny tetika maty paika tao. Tetika maty paika izay nampiseho fa olona tena vonona tokoa ny malagasy. Tsy te hiteny zavatra hafa aho fa aleo aloha handeha ny tohiny ho hita. Manahy ihany aho mantsy ny amin'ny mety ho tohin'izao raharaha izao satria ny dikan'iny zavatra iny dia tapaka ny fifanarahana rehetra ary hiova ny fomba fijerin'ny fianakaviam-be iraisam-pirenena.
Nampidirin'i Alidera A.R. @ 07:28, 2010-05-21 [Valio]

Zanak'i dada

Ne désespère pas aussi vite les amies, ce que nous avons fait hier c'était vraiement bien, et cela peut changer beaucoup de chose, croie-moi, des choses vont changer, Mais où est Ondon Razanakolona? pourquoi ce silence?
Nampidirin'i Zanak'i dada @ 08:20, 2010-05-21 [Valio]

Izao le izy Jentilisa a, i Davida fony niady tamin'i Goliata dia nampanaovina ankanjo fiarovana mavesatra sy fitaovam-piadian'ny Isiraelita tamin'izany aloha, fa hozy nedala hoe TSIA, vatokilonjy sy pilotra ihany no fiadiako dia ny akanjo na kilaoty fohy aza dia ça va. Raha misy ny finoana sy fahadiovana ary fahamarinana, tsy sarotra ny mahita fandresena, saingy mamita-tena loatra ireo mpitarika ny Hetsiky ny Mpitondra Fivavahana ireo.

Dia tsy mbola sasatra aho mamerina ny antso hoe any amin'ny mpivavaka no fanalahidin'ny krizy eto, ary fepetra vitsy monja no takiana hampahomby ny ady amin'ny fahoriana : 1) fiaiken-keloka tena izy. 2) fibebahana tena izy. 3) fangatahana famelana arahina finoana tena izy.

Rehefa entina amin'ny fivavahana ilay izy dia ento amin'ny fivavahana marina, rehefa entina amin'ny vola sy basy dia aza afangaro amin'ny fivavahana.

Fa raha tsy izany dia resy lava eo isika.

Nampidirin'i dôty @ 18:42, 2010-05-21 [Valio]

jentilisa

Fivavahana no notontosaina ka hambenan'ny FIGN mba tsy horavan'ny Emmoreg. Noho izany na dia teo aza iny toe-javatra mampahonena iny. Tsarovy fa sivily no voatifitra voalohany ary olona nikiry handrava ny maty voalohany izay avy amin'ny FIS.

Lasa ny eritreritro hoe tena adim-panahy no misy eto Madagasikara ka tsy tokony hitsahatra ny tolona amam-bavaka eto amin'ny firenena.

Nampidirin'i jentilisa @ 20:00, 2010-05-21 [Valio]

jeyo

Tena mila vavaka ny firenentsika, aza manaiky hakivian'ny sasany fa ataovy ampy antsika ny fananana an'Andriamanitra "TSY MANDAO". Mila finoana matanjaka ary arahina asa. MAHEREZA!
Nampidirin'i jeyo @ 17:37, 2010-05-25 [Valio]

jeyo

Tena mila vavaka ny firenentsika, aza manaiky hakivian'ny sasany fa ataovy ampy antsika ny fananana an'Andriamanitra "TSY MANDAO". Mila finoana matanjaka ary arahina asa. MAHEREZA!
Nampidirin'i jeyo @ 18:13, 2010-05-25 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Novambra 2019 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox