« | »

Sary famoahana ny razana teny Andohalo

2010-05-24 @ 22:31 in Ankapobeny

Tsy dia hanao be resaka loatra fa mba mamoaka izay sary teny amin'ny famoaham-paty teny Andohalo tamin'ny alatsinan'ny pentekosta 24 mey 2010 fotsiny. Mirary fiononana ho an'ny fianakaviana. Ilazana fotsiny izay tsy mbola nahare fa misy fotoam-pivavahana ho an'ny tanindrazana eny amin'ny FJKM Amparibe Famonjena ny talata 25 mey 2010 ho avy izao manomboka ami'ny roa folakandro.
 
Nahavoriana olona ihany teny
efa eny amin'ny arabe moa izao fotoana izao
samy nifanety na ny olona na ny fiara
voaisanareo ve ny vona fito?
Maro tamin'ireo mpitandrina ireo no nibata azy
Itarafanao ny hamaroan'ny olona fotsiny
 
na eto
na eto
Ny trano biriky no niandrasana azy
Mba misy tia miakanjo miaramila koa izy izany
Tao anatin'ny vavaka 
Tahaka ny fantatro ilay zalahy ity!
Fa naninona ny olona no ningonongonona rehefa ny mpitandrina Ramino Paul Abraham no nasaina nanao teny fampaherezana?
Mpanao politika maka sisiny ve?
 
Fa tsy misy sary miverina ve izy izany ry Jentilisa a?
Efa hoe i Fetison Rakoto Andrianirina io
 
Ny Pr Zafy Albert indray raha izao
 
Hanainga ireo fiara maromaro hamonjy fandevenana
Misy anaran-tshinoa izay ilay ao anaty fiara io sady mpanao politika koa izy
 
Misy ireo tsy afaka mandevina
Dia manotrona manaraka ny lalana
 
Nomena laharana ireo fiara hizotra any Ambohitrombihavana Handevina ny Pst Rivo. Noho ny asa aman-draharaha moa na dia andro tsy fiasana aza dia tsy afaka namonjy fandevenana ny tena.
 
Jentilisa, 25 mey 2010 amin'ny 01:00 

Hevitra

Misaotra betsaka amin'ny sary. Fa angaha tsy ianao no naka ary fa nalaina ?

Nampidirin'i Kdaombaramita @ 05:45, 2010-05-25 [Valio]

mankatelina

Misaotra sy mankatelina @ fampitana vaovao.
Andriamanitra tsy mandao izay mahatsiaro azy !

Nampidirin'i Ralandy @ 06:51, 2010-05-25 [Valio]

misaotra e

misaotra an'Andriamanitra isika fa nomeny hery ity mpanompony ity ho sahy hijoro amin'ny fahamarinana.

Nampidirin'i dah @ 09:08, 2010-05-25 [Valio]

Mpihatsara ivelan-tsihy no betsaka...

Tsara angamba raha toa ka nahay nanaja tena tahaka an'i Ndrema ny pasitera Ramino. Mazava mantsy fa Ramino dia anisan'ny nametraka izao fitondràna mamoa fady izao. Sao sanatria re ka fandatsana ry Sefo Ramino Paul izao zavatra ataonao izao. Ianao no nanangana ny basy nitifirana io Pasitera io, dia anefa sahinao ny mijoro eo anoloany izao... Misy ny famelan-keloka fa tsy mora ny manadino.
Nampidirin'i Alidera A.R. @ 09:10, 2010-05-25 [Valio]

Am-po mieritreritra

"EFA HALANY TALOHANAREO AHO". Tiré de dos, mitifitra ivoho, izay ihany no talentan-drizalahy FAT ireo. An'iza no manaraka. Mazava fa "Symbole" no voatifitra. Hisaorana ilay nahavanon-doza, saingy misaotra anareo FAT mampahatsiahy anay liana ny fahamarinana fa ny Tomponay tsy nijanona ao am-pasana fa "VELONA" "FAHAMARINANA-VELONA" mandrakizay. io no tsy tantinareo FAT dia mihezaka mitifitra rivotra lava izao. Hitanareo FAT teny Ambohitrombihavana ny santionan'ny vahoakan'Andriamanitra, démultiplicateurs-n'ny fahamarinana, na ny nandevina ny Cardinal aza tsy toa izany.
Nampidirin'i Ambohitrombihavana @ 11:05, 2010-05-25 [Valio]

sary Pasteur

Mahereza daholo isika ary aoka tsy hiisy hihemotra fa tsy maintsy avotana ny Tanindrazana . Mahaleova ary mahalasàna daholo fa masina ny Tanindrazana

Nampidirin'i fandresena tena izy @ 11:38, 2010-05-25 [Valio]

misaotra Jentilisa,

manana maso lavitra tokoa manana anao! Enga anie mba tsy aim-beri-maina ny an'i Pastera ary Andriamanitra mamaly ny zavatra rehetra hanonitra ny vidin'ny ràny latsaka!

Nampidirin'i gasi @ 12:30, 2010-05-25 [Valio]

jentilisa

Alidera> Ankoatra ny maha-samy mpitandrina FJKM azy ireo dia manana rohim-pihavanana ihany koa ny Mpitandrina Ramino Paul sy ny mpitandrina nodimandry.

"cousin"-dramatoa vadiny manko ny mpitandrina Rivo. Nezahina ihany koa ny tsy idiran'ny politika ilay fotoana araka izay azo nataa.

Nampidirin'i jentilisa @ 18:21, 2010-05-25 [Valio]

Misaotra

Misaotra an Anadriamanitra fa nahavita ny asany ny mpanompony ary t@ fahavonana no nanaovany izany, mampahery ny vady amanjanaky Pasteur. Tsy very maina akory ny tolona zay efa natombony. Maritioran ny fiangonana sy ny firenena izao mpanompon'Andriamanitra izao. HANANATRA izay nahavanon-doza sy korontana izzao anie ny Tompo.
Nampidirin'i NIAINA R @ 22:44, 2010-05-25 [Valio]

fisaorana

manatitra ny fisaorana ho antsika izay tonga nifankahery tamin'ny nahalasana ny mpitandrina RIVO ARISON, tena hita amin'ireny, ary tena voaporofo fa "solidaire" daholo,no tena miavaka ny zanak'i dada.

Nampidirin'i fankasitrahana @ 09:53, 2010-06-01 [Valio]

da da dada

fa ilay dada-nareo ve no Andriamanitra é !

Nampidirin'i zanaka adala @ 21:20, 2010-07-18 [Valio]

Tsy misy mivavaka amin-dRavalomanana eo ry zanaka adala a!

Nampidirin'i jentilisa @ 07:58, 2010-07-19 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Aogositra 2019 »
Ah At Ta Ar Ak Zo As
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
Tahiry
Credits
LifeType IE7 XHTML CSS Firefox