« | »

Ny Mbola tsy vita

2011-04-20 @ 10:41 in Andavanandro

Miarahaba ny rehetra indray, momba ny tanànan'Antananarivo indray no resahina etoana. Efa nahare ny tetikasa fitaterana filamatra avokoa amngamba ny mpanara-baovao rehetra. Ny fanatsarana ny fiantsonana miainga avy eny amin'ny 67ha mizotra mankeny Ankatso sy ny fiverenana no tsiahivina etoana. Efa nisy ny fitokanana ireo zavabita, izay tsy lavina fa mahafinaritra ny mijery azy ary efa volabe tokoa no lany. 


Saingy na eo aza izany ny fiantsonana etsy 67ha (efa tsy any intsony moa ny tena no mipetraka hany ka tsikaritra ilay izy rehefa nandalo teny ny tena) kosa na dia efa natomboka aza ny asa dia mbola maro loatra ny zavatra mbola tsy vita, ny arabe dia mbola tsy nokitihina ny antsasany. Tsy mbola tafaverina miasa eny ny fitaterana rehetra hany ka mbola any amin'ny mosquée hatrany ny lalan'ireo fiara maro ary lasa lavitra ny 67ha avaratra andrefana sy atsinanana ny misy azy rehetra.

alt

Sady matiantoka ny fitaterana no mandeha an-tongotra lavitra ny mpndeha ka manontany hoe rahoviana no hiverina amin'ny toerany ny rehetra, sa hitsahatra tanteraka ny asa satria efa lany ny vola? Toa ny mpivarotra amoron-dalana indray manko no mahazo vahana, nefa ireny no mahasimba voalohany ny toerana. Dia miandry fanazavana sy ny fahavitan'ny lalana ny ny fiantsonana ary isika rehetra!

jentilisa 20 avrily 2011 amin'ny 12:28

Hevitra

Hay ve efa tsy namanay eny amin'ny 67ha intsony e.

Mahita ilay sary aho dia mba manontany hoe manahoana tokoa io trano ciment eo aoriana io toa hoe ravaina ?

Nampidirin'i pkm @ 13:47, 2011-04-20 [Valio]

o ry jentl a
mba asivo caption kely ilay sary fa dia tsy fantatra loatra ny tian'ny mpanoratra aseho? le arabe misy lavaka ve? :-)

Nampidirin'i simp @ 19:49, 2011-04-20 [Valio]

Miarahaba an'i pkm sy simp. Izay mijery ny sary dia mieritreritra avokoa fa ilay mpandeha am-bisikilety no alaina sary. maika ny tena naka io sary io ka lasa tafiditra tao anaty sary ranamana. io afovoan'arabe io anefa misy tsy vita tara; io no lazaiko hoe tsy vita tsara ka mampalahelo raha io no tsy vitaina sa tena tsy misy vola tokoa?

Efa tsy eny 67ha intsony aho pkm no mipetraka a! efa ela ka mety ho izay koa no tsy nahitanao ahy elaela tao am-piangonana. Tsy maintsy handalo ao ihany anefa indray andro any! tsy fantatra hoe rahoviana.

Nampidirin'i jentilisa @ 19:55, 2011-04-20 [Valio]

tsy tokony hoe nisy budget mazava vao hoe afaka no-adjugE-na sy hoe natomboka ny fanamboaran-dalana ve?

donc, soit amateur ny tompony/nanao analyse an' le projet, soit niodona ny vola natokana hoan'ny fanamboarana...
en tt cas, tsy atao mahagaga satria... efa fanjakan'ny baroa rahateo no iainana hihi
mbola ampahafirin'ny efa natao sy mbola ho hatao moa izao? mahaiza mionona :-)

Nampidirin'i simp @ 20:41, 2011-04-20 [Valio]

Hampiditra hevitra

Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Janoary 2018 »
Ah At Ta Ar Ak Zo As
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Tahiry
Credits
LifeType IE7 XHTML CSS Firefox