« | »

Sobika, La Verité, Inona ny Vaovao...

2011-07-25 @ 22:31 in Ankapobeny

Efa tsy manaraka vaovao firy loatra ny tena satria ny eo ihany no mihodikodina eo sady sarotra ihany koa ny miova hevitra. Na izany aza hilaza tsikaritra kely aho. Sendra nanana fotoana fohy aho (minitra fa tsy ora) dia mba nitsidika ilay vohikala malaza efa niova tompo. Am-bolana no tsy nitsidihako azy maharitra intsony indrindra moa rehefa fantatra indray ny tompony vaovao. Ny lohateny fotsiny matetika dia efa ahitana izay ho fizotry ny lahatsoratra rehetra. Akory ny hagagana fa tahaka ny nivily lalana ny fironan-dahatsoratra ao amin'ity vohikala ity sa izaho mihitsy no tsy maharaka ny votoatin'ny Matoandahatsoratra hatramin'izay? Andeha ve atao hoe tsy nirona na nitongilana izany mihitsy izy? Ny mpamaky tsirairay dia efa afaka mamaly sy mahafantatra kokoa noho ny mpanoratra.

 


Nojereko ary ny lahatsoratra farany fa tena karazany mamely an-kitsirano ny fitondrana misy ankehitriny. Ilay lohateny fotsiny dia nahagaga ahy sy saiky nampihomehy irery ahy. "Karatra farany, Fifidianana, antsom-pitaka hitsefotra". Novakiana dia zendana. Nisy ny nanoratra teny antenantenany teny hoe "efa mitsinjo sahady ny fiodin'ny rivotra ve no mitady hivadi-dela indray?" na teny mitovitovy tahaka izany saingy efa voaaisotra ilay teny rehefa niverina namaky aho io alina io; izany hoe mbola mahery ny sivana ao raha ny fijeriko azy na dia miova fiteny aza izy... Io angamba no tena manamarika ny havitsian'ny mpamoaka hevitra avy eo. Lasa ny saiko hoe mitsapa ny halalin'ny rano ve sa ahoana?

 


Raha ny tsikaritro tamin'ny fanaovana sivana aloha dia mety mbola tsy hiova ny fanao na dia hiova aza ny fironana politika, izany hoe tsy antenaina loatra ny fisian'ny fivoarana eo amin'ny toe-tsaina mahazaka ny hevitra sy ny tenin'ny hafa, indrindra izay tsy mitovy hevitra. Manaraka izany, manana tompo ireny vohikala ireny ary azo lazaina hoe matanjaka ny sampana fampitam-baovao ananany. Malaza ihany koa ny gazety roa, ny iray amin'ny teny Malagasy ary ny iray amin'ny teny frantsay, izay samy manana voambolana manomboka amin'ny litera "V" avokoa. Raha metimety sy malaza ve ny "fiovan-kevitra" ao amin'ity vohikala nanana ny lazany ity dia hiova fironana ihany koa ireo gazety roa nolazaiko ireo? Izay no tena nahatonga ahy hanoratra aloha! 

 


Ny zavatra nalaza dia mpandraharaha akaiky dia akaiky ny PHAT ny tompon'ireto sampana famoaham-baovao telo voalaza ireto. Rehefa nipoaka ny raharaha andramena tratra tany amin'ny nosy Maorisy dia nandeha ny resaka, tsy voatery ho marina, fa anisan'ny voarohirohy ilay mpandraharaha. Voatery nitsoaka ranamana, hoy hatrany ny resaka an-jorony, na navela hitsoaka mandra-pilamin'ny raharaha angaha... saingy tolagaga ihany ny tena raha nahita ilay lahatsoratra ka miandry ny fivadihan-delan'ny gazety. Koa raha sanatria mivadi-dela ihany koa ny gazety roa tonta, noho izay mety ho baikon'ny tompony, dia manontany tena aho hoe iza izany sisa ny gazety mpiaro mavitrika ny PHAT?

 


Jentilisa 26 jolay 00:30

Hevitra

Jereo kely ity ô, hi hi hi !!!

Nampidirin'i Kdaombaramita @ 12:39, 2011-08-06 [Valio]

Fiarahamonina

Fa inona marina moa ny MPIRAY DINA?Hatraiza ny fetran'ny andraikitra sahaniny? Misy sata mifehy azireo ve, ary manaraka izany ve izy ireo? Satria tatoato dia niparitaka ity anarana ity. Ary ny loza dia mitsabaka amin'ny andraikitra ny fanjakana izy ireo. Miditra amin'ny affaire tonkatranon'olona ohatra(adina mpivady) ary dia manelingelina ny fiaraha monina mihitsy aza. Tenenina manokana eto ny aty amin'ny faritra Mitsinjo Région Boeny. Koa mba tsara raha arahina maso akaiky izy ireo ary mba ilavana mpanao gazety mba hanontany ny fiaraha-monina misy azy ireo, tena ilain'ny vahoaka tokoa ve izy ireo sa tsia. Satria dia maka volan'olona (mitango volan'olona) fotsiny asan'izy ireo.

Nampidirin'i Samira @ 08:53, 2012-02-23 [Valio]

Fampianarana

Aty amin'ny faritra Mitsinjo Region Boeny dia tokony asiana fanaraha maso akaiky ny fampianarana indrindra ny valim-panadinana ara-mpanjakana(CEPE,BEPC, BACC),tsindrina manokana ny Bacc satria dia mahagaga mihitsy raha ny valim-panadinana no jerena, satria dia hita izao fa olona tsy mandeha ampianarana dia afa-panadinana Bacc, araka ny feo mandeha dia manome vola dia mahafaka, ary tena mitombona io feo satria dia nitombo amin'izay tsy izy ny mpanala bacc aty amin'izao fotoana izao, satria dia efa manako hatr'aiza hatr'aiza ny feo. Koa iza moa no tsy te-ho afaka? Tongava ary aty Mitsinjo e e!

Nampidirin'i Samira @ 09:11, 2012-02-23 [Valio]

Tsy mahagaga aloha raha ireo gazety ireo eh. Isan'ny nanampy ny phat ireo. Ny zavatra tsy mba eritreretinareo mpomba ny fat dia izao: heverinareo moa fa dia hanjaka eo mandrakizay eto ny fat? heverinareo fa tsy misy farany daholo moa izao ataonareo izao? tandremo fa efa akaiky ny fiafaran'ny PHAT.

Nampidirin'i Rojo Mampionona @ 13:01, 2012-04-24 [Valio]

aty amin'ny faritra mitsinjo aty tena mijaly mihintsy amin'ny fandehanana mankany mahajanga satria miampita bac sy hors bord nefa feno be ary mijaly manomboka aty miainga amin'ny 10 ora alina na 12 alina aty mitinjo bac tsy ampy
ts maharaka hors bord feno be teo vao vetivety nisy nivadika fa soa tsy nisy naty

Nampidirin'i jeremie @ 15:46, 2012-11-14 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Mey 2019 »
Ah At Ta Ar Ak Zo As
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Tahiry
Credits
LifeType IE7 XHTML CSS Firefox