« | »

Noely Ambanivohitra [sary sy lahatsary]

2011-12-25 @ 19:38 in Finoana

Raha ny fahatsiarovako dia sambany aho vao nankalaza noely ambanivohitra, nefa tsy tena hoe ambanivohitra raha ny endriny anatiny fa lavi-dalana tsara fotsiny. Lalan-tany manko no mankany. Ny anaran'ny tanàna dia Isahafa, izay mandalo an'i Lazaina, anatin'ny kaominina Sabotsy Namehana, Antananarivo Avaradrano.

Ankafizo ary ny sary sy ny lahatsary mba nalaiko tamin'ilay finday Tecno T82 kely mba takatry ny faripananana izay. Tsy mba ahafahana mandefa MMS manko izy io fa raha tsy izany nataoko saika mivantana tamin'ny alalan'ny twitter mihitsy.

Ny endrik'ilay Fiangonan'i Jesoa Kristy eto Madagasikara Isahafa hatrety ivelany tamin'ny firavana

Toy izao kosa ny tao anatiny, hay eo an-dalam-pananganana ny akany ry zareo

Endrika ankapobeny ny ao anaty trano fiangonana

Hira iray nandritra ny fotoam-pivavahana

Dia miarahaba antsika nahatratra ity noely 2011 ity ary mirary soa ho antsika rehetra!

Ry Ray ô! Misaotra Anao Izahay izao! Amen!

Hevitra

misaotra betsaka !

misaotra betsaka nampita vaovao fa tena nahatsiaro ny fiangonana any @ nay aho fa any akaikinay io ary hotrany zao ny fankalazana ny frismasy any ny hariva moa dia ny fanaovana ARBRE de NOEL sy fizanana kilalao hoany ankizy ny aliny 24 decembre dia alina masina misy fanaovana tantara ny naterahany JESOSY ka ny tanora rehetra sy ny mpandray fanasany TOMPO no manao izany dia mirava @ 12 alina dia mifampiarahaba tratrany NOEL eh! iny SAMBNAM sy lazaina ary sahafa sy Anosiarivo iny no mba Ambanivohitray eh ! niririavanay ka hatrany AMBOHIMANGA ....ary aiza ilay mihira ny avy ary mino hifaly sy hiolby sns...... misaotra betsaka fa natohina ny fo ny nahita ny fiangonana mifanolombodirindrina @ nay eh! any zay ny any @ nay!!!!!

Nampidirin'i volaniaina @ 20:57, 2011-12-25 [Valio]

Mba dadany tokoa raha sambany ianao vao mba nanao noely ambanivohitra. Ny anay koa any avarabaratra any, ilay atao hoe Manandriana Avaracrano.

Nampidirin'i Kdaombaramita @ 09:51, 2011-12-26 [Valio]

Any tanĂ na any...

Misaotra fa dia mamerina ny sary efa ela ireto sary ampitainao.

Miarahaba anao tratry ny krismasy sy ny taona vaovao indray e!

Nampidirin'i Lalasoa @ 01:08, 2011-12-27 [Valio]

Mahafinaritra ny Noely Ambanivohitra

Ny Noely Ambanivohitra no tena nahazatra ahy hatramin'izay, tany foana (Isahafa) no nanao sasak'alina, arbre de noel t@ mbola kely. Hafa ihany ny Noely Ambanivohitra, mampahatsiahy ny fiainana t@ mbola kely.

Nampidirin'i mammysou @ 05:59, 2011-12-27 [Valio]

Dia mamerina ny arahaba ho antsika rehetra ihany koa ary mirary soa!!!

Nampidirin'i jentilisa @ 14:56, 2011-12-27 [Valio]

Miarahaba antsika rehetra e!
Izay aho vao nahita ity blogy ity fa nilazain'i Pasteur Marka teo. Ny tanananay mihitsy io. Raha misy tianao ho fantatra na fifandraisana hafa jereo www.isahafa.blospot.com

Nampidirin'i Ndrina @ 18:39, 2013-01-15 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Jiona 2018 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox