« | »

Trondro sy haranjono

2013-02-27 @ 21:08 in Andavanandro

Noho ny fitiavana mamaky teny fahatanora dia tsaroana fa nisy fomba fiteny� shinoa iray izay mitovitovy amin'ny hoe raha noana ny namanao omeo trondro izy,� raha te-hihinana trondro isan'andro kosa izy omeo haranjono. Nifanahatahaka tamin'izany ihany koa ny an'Andrianampoinimerina fa raha nisy tantara novakiana hoe raha nisy olona nankao aminy ka mangataka aminy dia omeny angady. Fehin'ireo ohatra roa noraisiko ireo dia ny olona hendry manoro lalana ny namany amin'ny tokony hiasan'ilay namany ary manome fitaovana ahafahany manao izany asa izany ho fivelomana maharitra ka tsy hiantehitra amin'ny hafa intsony.

Fa raha mitodika ny amin'izao fotoana izao kosa, moa ve mba hita taratra amin'ny fanaon'ny olona, ary indrindra ireo Olobe eto amin'ny firenena,� izany fomba fisainana izany? Manontany satria toa zary fomba fanao ilay fampianteherana ny olona amin'ny zavatra kely tsy mahavita taona, tsy mahavita iray volana na herinandro akory aza. Dia rehefa lany iny dia ahoana indray ny tohiny ? Ho tonga indray amin'ny fanampiana vonjy tavan'andro ve ? Ataoko fa raha tahaka izany hatrany no atao dia ho sorena ihany ny iafaran'ny mpanome.

Etsy andaniny ny Malagasy ihany koa olon'ny fo ka midodododo rehefa misy ny tra-boina saingy mailo dia mailo amin'izay iafaran'ny fanomezana ataony. Efa tsy miresaka intsony aho eto hoe angaha tsy misy ny teti-bola manokana ho fanampiana izay tra-boina tahaka ireo nandalovan'ny rivo-doza tany amin'ny faritra atsimo andrefana sy ny manodidina azy. Sa moa efa akaiky ny fifidianana dia lazaina fa vola manokana indray izay tokony ho avy amin'ny volam-bahoaka ? Raha tena tiana tokoa ny handrosoan'ny faritra rehetra manerana an'i Madagasikara, tsy aleo ve omena fitaovana sy fahalalana hanorenana foto-drafitrasa mafy sy manara-penitra (indrisy lasa fomba fanesoan'ny sasany ity fomba fiteny malagasy nanana ny hajany ity) enti-manohitra sy misoroka ny karazan-doza voajanahary tsy maintsy handalo isan-taona ny olona sy ny vondrom-bahoaka itsinjara-pahefana na ny fikambanana tsy miankina amin'ny fanjakana.

Ny toe-tsain'ny maro mihitsy manko no efa simba ka ny mankany amin'ny fandrosoana indray no hala fa ilay tia kely no mahafinaritra. Tamin'ny fitondrana teo aloha,� raha nisy ny nanangana trano mahazaka ny fifofofofon'ny rivotra mahery dia toa tsy narisika ho amin'izany ny maro satria tsy hisy intsony ny fanampiana rehefa tsy rava trano. Lazaina fa mitetika ny tsy hanao fanampiana intsony. Niady hevitra mihitsy aho tamin'izany fa maro kokoa ny namaly nanao hoe : ' Tsy dia misy ilaina izany loatra sady tsy hohenoin'ny olona amin'izany ianao satria ny hahazo fanampiana ihany no tena mahamaika ny olona. Tsy maintsy hisy hatrany ny hidodododo hitondra fanampiana fa mba hafa ihany koa izany mahazo zava-baovao tsy nisasarana loatra izany'. Tsy niteny intsony aho na dia mihorakoraka mafy tsy mety manaiky izany fomba fisainana izany aza ny ao anatiko ao .

Hoy ilay eritreritro hoe dia tena izany tokoa ve no tena izy sa atao izay ampisainana ny olona ho amin'izany satria raha misy ny fanampiana dia tsy resy lahatra loatra aho fa ho tonga any amin'izay iantefany avokoa ireny. Manahy aza aho fa ny potipotiny sisa no tonga any,� raha ho tonga aza. Lasa any amin'ny tantara iray ao amin'ny baiboly ny saiko hoe lasa mivarotra ny fizokiana amin'ny zava-matsiro vetivety tahaka an'i Esao tokoa ve ny Malagasy? Firenena voasafotry ny reniranon'i Neily hatrany i Ejipta fahagola fa ny fitadiavany tsy mitsahatra ny vahaolana tsy hahapotika ny voliny sy ny fonenany no naha-firenena goavana azy fahagola . Tsy ny fahiny ihany fa na ny ankehitriny aza . Firenena anjakazakan'ny fihovitrovitry ny tany i Japana fa tsy nanakana azy tsy ho firenena mandroso izany satria ampiasainy ny sainy hikaroka ny vahaolana amin'ny voina tsy maintsy mandalo amin'ny taniny . Fa isika kosa ary mba aiza ho aiza amin'izany?

Jentilisa, 27� febroary 2013

Tarehintsoratra 3896
Voambolana 605

 

Hevitra

Fanamarihana kely : ny maritranon'ny sekoly amboarin'ny fanjakana miaraka amin'ny mpamatsy vola avy any ivelany rehetra dia efa manaraka ny tovitao mahatohitra rivodoza, hatramin'ny fitondrana teo aloha.

Nampidirin'i eprom @ 06:44, 2013-02-28 [Valio]

Izaho amin'ilay resaka fanampiana dia tena efa niova fo.
http://dotmg.net/what-if/2013/02/28/trondro-sy-haranjono-1/

Nampidirin'i DotMG @ 08:38, 2013-02-28 [Valio]

ny tena fanampiana an'i Afrika dia ny tsy manampy azy

Vakio eto : http://jentilisa.blaogy.com/post/122/5618

Nampidirin'i DotMG @ 08:43, 2013-02-28 [Valio]

Izaho dia tsy mba nanan'eritreritra hoe tsy manaiky vahaolana maharitra ny olona ka talanjona aho amin'ity lazainao hoe "Tamin'ny fitondrana teo aloha,� raha nisy ny nanangana trano mahazaka ny fifofofofon'ny rivotra mahery dia toa tsy narisika ho amin'izany ny maro satria tsy hisy intsony ny fanampiana rehefa tsy rava trano." Mampalahelo ny toe-tsaina toy izany ary mahatezitra sy mampamoifo izay te-hanampy. Enga anie ka mba hisy fivoarana ny fisainana toy izany.

Nampidirin'i Su @ 02:42, 2013-03-01 [Valio]

Izaho dia mahatsapa tokoa fa sarotra ny hanova ny toe-tsain'ny malagasy tia io kitolotolotra isaka izay misy voina io; tsy ilay fanampiana no ratsy fa ilay fahazarana aterany ka lasa miteraka toe-tsaina tsy te hivoatra izany.
Mba jereo @ ireny faritra iva eto amintsika ireny fotsiny; na efa ritra aza ny rano any @ misy azy dia mbola mijanona @ toerana natokana ho an'ny tra-boina ny sasantsasany fa mbola miandry izay mety mbola ho avy hanampy hono.

Ny sasany moa dia efa tena kinga ery @ ireny fanampiana omena azy ireny ka lasa mivarotra izany avadika ho vola ary hilokana na hisotroana toaka.Zava-misy ireo fa tsy sanatria fanenjehana azy.

Fehiny ilay toe-tsaina efa zatra ampiana no tena olana fa tsy misy maharatsy ilay mifanampy raha tena mila izany tokoa ilay namana.

Nampidirin'i loketo @ 14:47, 2013-03-02 [Valio]

iyedbukesa iflutujuhew http://ozicyusdet.com/

Nampidirin'i oahkuzkoxolu @ 02:45, 2013-05-24 [Valio]

ureraciwo equloci http://ewonieseicunat.com/

Nampidirin'i urukepelitu @ 02:45, 2013-05-24 [Valio]

odidyokoyokua uqeevihip http://idavoqvart.com/

Nampidirin'i usulijunave @ 16:36, 2013-05-26 [Valio]

izivutiv oxeyipegom http://ekebulupuzt.com/

Nampidirin'i osajapuz @ 16:36, 2013-05-26 [Valio]

ubeibuve rejobcox http://onfogiromut.com/

Nampidirin'i ewokoxuv @ 14:25, 2013-06-06 [Valio]

yodukemo epejahu http://anahinemoyafet.com/

Nampidirin'i ehjezchivep @ 19:56, 2013-06-06 [Valio]

usogobekaga adieoojigeye http://uuuhotouyt.com/

Nampidirin'i ihoralzviwa @ 01:09, 2013-06-07 [Valio]
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Jolay 2019 »
Ah At Ta Ar Ak Zo As
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
Tahiry
Credits
LifeType IE7 XHTML CSS Firefox