Gaddafi: lesona ho any hafa ve?

2011-03-13 @ 20:13 in Politika

Mbola ratsy dia ratsy ny seraseranay mampiasa ny moov adsl amin'ny fotoana anoratana fa sambasamba raha toa mahatafavoaka ity lahatsoratra ity. Mba mijery ny vaovao iraisampirenena ihany ny tena indrindra moa fa misy ny lahatsoratra avadika ho teny malagasy ho azon'olona maromaro kokoa. Mitodika any Libya ny tena ka variana. Nidaraboka ny tany Tonizia sy ny tany Ejipta. Noheverina hahatontosa ny tolony ihany koa ny mpanohitra tany Libya saingy toa nahazo vahana tampoka ny mpitondra rehefa niditra tamin'ny "hadalana" bebe kokoa. Tsy niraharaha izay mpanohitra any izy fa tonga dia norarafany tsy nananany antra mihitsy. Nodarohany baomba, ary notifiriny avy tey an-habakabaka izay nanohitra azy.

 


Etsy ankilany, nanao fahadisoana ihany koa ny mpanohitra tao Libya na dia nampihatra ny habibiana aza ny mpitondra tao. Fahadisoana fantatra, nanagadra diplomaty anglisy ny SAS niaraka taminy ny mpanohitra manana karazana foibe ao Benghazi (24ora) ho "famaizana" sy ho "fampitandremana" ho an'ny Tandrefana fa tsy azon'ny Tandrefana idirana ny raharaha tokatranon'ny Arabo. Tonga dia nampihemotra ny Tandrefana tanteraka ny nisian'ity trangan-javatra ity na dia tsy nabaribary loatra aza. Tonga amin'ilay karazana fiteny hoe ataovy ao ary ny anareo. (namana no nampita io raharaha diplomaty nogadraina io). Fahadisoana faharoa etsy ankilany nisy indray ny nihazakazaka ho any amin'ny Filoha Frantsay Sarkozy ireo avy amin'ny mpanohitra ireo ihany. Ireo naman'ny Frantsay rehetra anefa tamin'ity raharahan'ny lohataona Arabo ity dia resy avokoa dia i Ben Ali sy Mubarak izany. 

 


Fahadisoana hafa ihany koa, maika loatra niditra tamin'ny resaka an-kitifitifitra amin'ny fitaovam-piadiana ny mpanohitra ka lasa mpioko indray. Sahirana tanteraka anefa ny firenenkafa raha vao niditra amin'izay fifanandrinana amin'ny fitaovam-piadiana izay ny roa tonta. Karazana fanafana farany ny nataon'i Gaddafi raha nizara ny fitaovam-piadiana tamin'ny mpanohana azy izy ary hita mihitsy tamin'ny fahitalavitra vahiny moa izany toe-javatra izany. Tsy noraharahiany mihitsy ny aorian'ity krizy ao amin'ny firenena misy azy ity rehefa mbola tafapetraka teo amin'ny toerana misy azy ihany izy ary mirona mankany moa ny toe-draharaha amin'izao fotoana izao.

 


Dia lasa ny saina, raha manao zavatra tsimifaditrovana kokoa indray izany ny mpitondra vao mety ho tafajanona amin'ny toerany raha nahomby ity paika nataon'i Gaddafi ity ka mety ho lesona ho an'ny mpitondra Afrikana hafa rehetra ve? Tena tsy nitsitsy mihitsy ranamana ka na miaramila tsy mety manoa baiko aza dia notaperiny fotsiny izao ny ainy. Hanao ahoana ny ho avin'ny resaka tolona politika hafa rehetra aorian'ireo toe-draharaha rehetra mitranga any amin'ny faritra Arabo ireo? Isika eto Madagasikara dia mahita fa tsy ampinga sy kibay no entin'ny "mpitandro ny filaminana" hamoretana ny "mpanao fihetsiketsehana" fa basy avy hatrany mihitsy no arangaranga izay tokony ho fady tena FADY raha hifanehatra amin'ny sivily. Moa ve tsy hirona mankany ny ataon'ny mpifehy ny fahefana eto Madagasikara raha maherihery vaika ny tolona hanoherana azy? efa hitantsika rahateo ny paika fisamborany ny mpanohitra amin'ireo karazana "sarimihetsika" atao etsy sy eroa.

 

 


Jentilisa 13 mars 2011 amin'ny 22:10


Rango-pohy teny Ivato inona no tena marina?

2011-03-10 @ 01:47 in Politika

Somary nahavaka ny sain'ny besinimaro ny nandre fa tonga teny amin'ny Foibem-pivoriana Iraisam-pirenena na Centre de Conférence International ny Ankolafy Ravalomanana. Nitehaka sy nihoby ireo tao amin'ity foibe ity. Inona ny zava-misy marina? Ango-baovao ihany no atolotro eto fa mahazo manohy koa ianareo,

 

http://storify.com/jentilisa/soniaasimaoaivato

Jereo amin'io rohy farany io ny angom-baovao rehetra azoko

Fikasana hamono hoe?

2011-03-03 @ 23:37 in Politika

Araka ny fitadidiako dia fanindroany izay no nandrenesako fa nisy nikasa hamono ny FAT Andry Rajoelina. Ny itovizan'ny fikasana dia samy amin'ny andro maizina avokoa. Dia manandrana aho raha mety eto ity rohy nataoko ity.

  • #Madagascar:today.30pm swamp, a bomb attack targeted the presidential car.The tire was ripped but Andry Rajoelina is safe.
  • alt
    alt
    madagate.com
    Madagascar information presse en ligne
  • Haingana dia haingana ny vohikalan'ny mpanohana ny fitondrana avon'ny tetezamita FAT namoaka ny vaovao izay mahavariana ihany satria atsasak'adiny nialoha ny famoaham-baovaon'ny ankamaroan'ny haino aman-jery eto Antananarivo no nisian'ity lazaina ho fikasana hamono ity.
  • alt
    alt
    madagate.com
  • Tsy ela ihany koa anefa ny valin-kafatra avy amin'ny vohikalan'ny mpanohitra ny fahefana avon'ny tetezamita fa nametraka ity toe-javatra ity ho sarimihetsika avy hatrany.
  • Nahoana tokoa moa no tsy hieritreritra azy ity ho fihetsiketsehana ivelany raha fantatra fa baomba nataon-tanana tsotra, hono, no namelezana azy? tariby lava no napetraka tamin'ny lalany? tsy nisy ny naratra ary tsy nisy ny maty? ary moa va mba nisy fahasimbana ihany koa ny arabe nipoahan'izany "baomba artizanaly" izany?
  • alt
    alt
    google.com
    Madagascar: bombe artisanale sur le trajet de Rajoelina, pas de victime ANTANANARIVO — Une bombe artisanale a explosé jeudi soir à Antananarivo, sur le trajet du cortège d?Andry Rajoelina, président de la transition à Madagascar, sans faire ni victime ni dégât, selon des responsables de la sécurité."Des gens malintentionnés ont utilisé, paraît-il, une bombe artisanale télécommandée à partir d?un fil (long) de 200 m", a déclaré à l?AFP Lucien André Rakotoarimasy, ministre de Forces Armées, présent sur les lieux.L?explosion s?est produite vers 19h30 (16h30 GMT) sur une voie rapide à Antananarivo, au passage du cortège présidentiel, comprenant plusieurs véhicules, ne...
  • #Madagascar:till now, security forces forbid any traffic on Masay swamp.Specialists from secret services and Army are investigating the area
  • Nakatona nandritra ny fotoana maharitra mihitsy moa ny lalana nandritra izany fotoana izany!
  • alt
  • Dia ahoana ihany koa hoy ny eritreritro ao anatin'izany toe-javatra rehetra izany? Mazava loatra fa manao azy ity ho kisangisangy fotsiny ihany aho
  • Inona indray ary ity malok'ila kononkonon'ny sasany ity? Mivandravandra loatra ilay sarimihetsika hoe fikasana hamono "filoha"#madagascar
  • Fa atao inona fotsiny ireo miaramila efa miatrana manerana ny lalana ora efatra na dimy mialoha ny fandalovan'i Andry #Rajoelina ireny?
  • Rehefa te-hisambotra ny mpitarika mpanohitra dia mody mamorona izao atsanga tsy aman'orana izao!
  • #opinion It's just a fake attack to catch into jail some political figures of #madagascar . #HAT please stop the cinema.
  • Rehefa maromaro ny maratra sy ny maty vao tsy malok'ila intsony fa izao aloha dia fikendrena hisakanana ny hetsiky ny mpanohitra #madagascar
  • Nanoratra tokoa ny namana iray fa tahaka ny kisendrasendra fotsiny ihany ve ny nahatongavan'ity toe-javatra ity?
  • #Madagascar:today's attack occured after that former president Zafy Albert did announce his intention to set up a parallel governement
  • Nilaza ny hanangana governemanta vaovao tokoa manko ny Pr Zafy Albert sy ny mpiara-dia aminy ary notronin'ny solontenan'ny ankolafy telo raha ikabary teny Ivandry "Villa Elisabeth" ny tenany ny alarobia 2 marsa teo.
  • RT : qui veut parier le temps qu'il découvre le coupable #Rajoelina #madagascar
  • Efa ora sahady sisa angamba dia ho maromaro ny voasambotra
  • Fanafihana sady tsy nisy maty no tsy nisy naratra . izay olona voasambotra rehefa avy eo no tena kendrena #madagascar
  • Dia samy miandry ny tohiny isika izany!

 

Mety tokoa ka

Raha tsy tafa ilay izy dia tsindrio ny rohy azafady. Jereo kely ry Hery fa misy tsy mety ilay embed code ato azafady a!

Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Martsa 2011 »
Ah At Ta Ar Ak Zo As
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Tahiry
Credits
LifeType IE7 XHTML CSS Firefox