« | »

FLM: Lalampanorenana vaovao hanakanana olona iray?

2008-08-10 @ 08:39 in Finoana

Toy ny kinendriko mihitsy angaha ny mamoaka lahatsoratra rehefa alahady ary vaovao momba ny finoana sy ny fivavahana no avoaka araka izay azo atao amin'izany. Eto indray aho dia mitodika amin'ny Fiangonana Loterana Malagasy. Fantatra moa amin'izao fotoana izao fa mety hisy ny "fanovana" madinidinika amin'ny litorojia sy ny lalampanorenan'ny Fiangonana Loterana Malagasy. Fanovana Tekinika hoy ny iray amin'ny tompon'andraikitra lahika iray izay. Tafiditra amin'izany ny hampidirana anaty Litorojia ny fanekena mpiandraikitra sokoto (scout) sy ny an'ny Fifohazana. Tsy sahy miraparapa amin'ity farany ity aho. Fampidirana ny inona tokoa moa izany? Ampidirina anaty litorojia amin'izay ve ny asa sy fampaherezana sa ny fanokanana mpiandry any am-piangonana fa tsy voatery any amin'ny tobim-pifohazana ihany no tena lazaina?

Tafiditra anaty "fanovana" madinidinika ihany koa ny famerana ny fotoam-piasan'ny mpiasam-piangonana rehetra tsy ho 65 taona intsony fa ho 60 taona indray. Raha ny fahitako hatramin'izay any amin'ny sehatry ny fiangonana dia misy ihany ny mpitondra fivavahana mihoatra ireny fotoam-piasana ireny ny tena iasany any amin'ny sahan'ny fiangonana... fa amin'iny fotoana iny dia miandry ny anaovana jobily azy izy sisa (anokanan'ny fiangonana rakitra) fa tsy homena andraikitra vaovao intsony. Izany hoe tsy tokony hofidiana ho filohan'ny sinaodam-paritany (eveka) na ho filohan'ny anaram-pangonana FLM (arisheveka) intsony na hotendrena amina andraikitra anivon'ny sahan'ny fiangonana.

Eo indrindra isika. Misy ary ny miahiahy amin'io fampihenana ny taona handefasana retirety ny mpiasam-piangonana io ho fikendrena hanakanana pasitora iray heverina ho mifaninana amin'ny filohan'ny FLM amin'izao fotoana izao, Pst Dr,Rakoto Endor Modeste. Ahiahy satria mety ho resin'ny mpifaninana aminy izy, izay tsy iza fa ny Pst Dr Péri Rasolondraibe izany, na dia noho ny lazan'ilay pasitora fotsiny ihany aza. Heverina manko fa efa mihoatra ny 60 taona ny Pst Péri Rasolondraibe, efa nitondra ny fitandremana FLM toby fanantenana 67ha, nandalo kely tao amin'ny FLM Ambatovinaky mialoha ny nanilihana azy hitana andraikitra any Geneve (Suisse) ho talen'ny fampandrosoana anivon'ny FLET (Fiangonana Loterana Eran-Tany),mba hamerenana ny filohan'ny sinaodam-parintany teo ho amin'ny toerany teo aloha, araka ny fijeriko ihany izany.

Zavatra mba fantatro amin'ny Pasitora Péri Rasolondraibe ihany koa ny tolona ataony mba hahapasitora amin'izay ny vehivavy teolojiana...izany hoe ahafahan'ny vehivavy ho mpitondra fiangonana amin'izay. Izy manko no manao fampielezankevitra eken'ny fiangonana amin'izany raha ny filohan'ny sinaodam-paritany Antananarivo Pst Randrianarivelo Joseph kosa no manao fampielezankevitra eken'ny fiangonana hanemorana izany fanaovana ôridinasiona ny vehivavy izany. Ny amin'ny homosexuel indray moa dia tsy mila adihevitra mihitsy fa lavina avy hatrany. Iraisan'ny fiangonana aty amin'ny ila-bolantany atsimo io amin'ny ankapobeny. Lavina tsy ilàna adihevitra mihitsy.Ankoatra izany, ny Pst Péri ihany koa no fantatro anivon'ny FLM nitolona mandrakariva ho amin'ny fampitambarana ho iray ny FLM sy ny FJKM. Efa tsy reko intsony kosa aloha izay tolon'ny raharaha amin'ity fampitambarana ity.

Fahatsapako, izaho jentilisa, mahita ny zotram-piainan'ity pasitora nolazaiko ity dia ny sedra nahazo azy nandritra ny fotoana nitandremany hatramin'izay. Tsy tadidiko ho nahazo andraikitra ambonimbony anivon'ny sahan'ny FLM mihitsy izy fa raha any ivelany kosa dia efa nisy voasoratra ihany ery ambony ery. Miala tsiny aho amin'ny fitenenana somary masiaka fa toa atahoran'ny mpitondra fivavahana hafa izy noho ny herimpanahy (charisme) ananany ve? Koa raha ho voasakana tsy hahazo hirotsaka indray izy raha voaova ny lalampanorenana dia izay no fanakatsakanana faratampony heveriko fa faratampony indrindra nihatra taminy. Toy ny  nosakanana tsy hampisy fivoarana ny fiainam-piangonana mihitsy izy nandritra ny androm-piainany. Fahatsapako ihany anefa izany fa tsy voatery hitombina.Izy tenany sy Andriamanitra ihany no tena mahalala.

Raha mitombina ary ny ahiahy dia fanehoana ihany koa fa mbola ety an-tany ny fiangonana ary misy olona mitantana azy. Olona ihany ny mpitondra fivavahana. Mety mampihemotra olona ny mitranga fa efa nampianarina tsy hijery olona ny tena rehefa fivavahana no resahina, satria mpandiso fanantenana ny olona amin'ny ankapobeny, fa Andriamanitra ihany no banjinina.

Hevitra

tebokaefatra

Ra jentilisa a! Tsy efa nahavita be tokoa ve zany ny Pastora Peri Rasolondraibe raha ireo fintantaranao ireo no jerena ?! ka mendrika azy ny fisotroan-dronono "mamiratra" any Suisse ?! Tsy manaraby anao za fa mamehy ny zava-boalazanao. Disoy aho raha diso fa hevitra ihany koa ny ahy.

Nampidirin'i tebokaefatra @ 13:17, 2008-08-10 [Valio]

eto Madagasikara izy amin'izao fotoana izao ka tsy mieritreritra ny ho any Suisse. Asa anefa izay ho tohin'ny raharaha

Nampidirin'i jentilisa @ 17:02, 2008-08-10 [Valio]

fa ny tena tsara anie dia ny tafiditra soa amantsara any andanitra na hoe voasoratra any andanitra ny anarana e

Nampidirin'i jentilisa @ 12:38, 2008-08-11 [Valio]

FLM

mba liana aho ahafantatra ny valin'ny fifidianana synoda tany frantsa (strasbourg)izay natao le 09 et 10/08/2008,araka ny feo reko dia toa tena nafana mintsy sy feno contradictions!!!misaotra mamaly e!

Nampidirin'i maranata @ 17:38, 2008-08-14 [Valio]

mba valio ry "jentilisa" raha mba misy vao² momba an'io fifidianana synoda flm tany frantsa io e!

Nampidirin'i maranata @ 18:41, 2008-08-15 [Valio]

tsy mahraka ny amin'iomihitsy aho fa milaza hatrany raha manana o

Nampidirin'i jentilisa @ 20:02, 2008-08-15 [Valio]

Hay ve nisy an izany ra Jentilisa. Olon'ny fiombonana tokoa raha i Peri, ary anisan'ny nanagana ny FPMA any frantsa ary izy.Misy zava-baovao hiova betsaka raha toa ka Peri no mitondra ny FLM, nefa ty fanakanana ty ndray no hafa.

Nampidirin'i Mandefitra @ 08:40, 2008-08-19 [Valio]

dia io nahariharin ny tribune androany io fa tsy lany tao @ synida morondava ilay tetika hanakanana an i Dr Peri @ fifidianana ho filoha. Afaka mirotsaka malalaka izy zany hofidiana. Asa zay ho vokatry ny latsa-bato. Ramose efa nanohana ampahibemaso ny filoha flm teo aloha Dr Endor

Nampidirin'i mandefitra @ 13:59, 2008-09-11 [Valio]

tohin'ny resak'i Ranjetilisa

Raha manaraka ny resakao aho ranjentilisa dia sahala ny mahita propagandy kely ihany ny resakao , ny tokony ataontsika dia ny mivavaka fa Jesosy Lohan'ny Fiangonana ihany no Mpadamina izany ,ka na toa ahoana ny fijerintsika dia Izy ihany no mahalala,
*Ny Fihevitro tsy fihevitrareo*
mazava angmba io teny io , ary tsy io Ptr resahinao io ihany ange no be taona ao koa nahoana ni izy irery ihany no lazainao eo ,mazava ny tianao atao ,
Samia mivavaka ho an'ny Fiangonanana mba ny tena sitrampon'Atra no anjaka ao

Nampidirin'i lala ( Montréal ) @ 16:19, 2012-04-09 [Valio]

mbola tsy dia mahafantatra an' Dr Péri marina ianao farany io! matoa ianao miteny ity "ary tsy io Ptr resahinao io ihany ange no be taona ao koa nahoana ni izy irery ihany no lazainao eo ,mazava ny tianao atao" fa faly hiady hevitra fotsiny! mba manome vao2 izy fa tsy propagandy tsy akory! ary raha propagandy ary betsaka ny hanoana azy satria olona tena tsara izy raha ny fijeriko manokana.

Nampidirin'i Fy @ 12:17, 2014-06-17 [Valio]
Hampiditra hevitra

E-mail me when comments occur on this article
Momba ahy
jentilisa

Vasoky ny tambajotra sosialy tahaka ny Facebook,Twitter sy ny karazany ny blaogy amin'izao fotoana. Mora miely vetivety ny hevitra sy izay voasoratra amin'ireo sehatra ireo.

Misy lafiny iray anefa tsy ahavoazan'izy ireo mihitsy ny blaogy dia ny fitehirizana.Rehefa karohina ny vontoaty iray dia sarotra hita kokoa ny vokatry ny fitadiavana avy amin'ireo tambajotra sosialy ireo.Izay lafiny izay no tsy maharesy tondromaso ny blaogy satria mora hita kokoa ny vontoatiny rehefa karohina amin'ny alalan'ny mili-pitadiavana.

Momba ny eto manokana indray, tsy hianona intsony amin'ny vaovao eto an-toerana aho fa hisokatra kokoa amin'ny manerantany, na amin'ny sehatra ankapobeny. Hosoratana avokoa na eritreritra sendra nandalo na revin-gadra, na fanehoan-kevitra mety hanafintohina ny mpamaky. Mety ho tezitra ianao amin'izay voasoratra nefa ny hisokafan'ny saina handinika sy hamakafaka ary handanjalanja no tena kinasa ambadiky ny lahatsoratra. Ka mazotoa daholo ary ny hevitra anie no hiady fa tsy isika no hifandramatra!

calendar
« Novambra 2019 »
Ah At Ta Ar Ak Zo As
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Tahiry
Credits
LifeType IE7 XHTML CSS Firefox