Sarin'ny Androm-pitokonan'ny UCTU teto Antananarivo
Tsy nahafantatra aho noho ny tsy fanarahako vaovao amin'ny fahitalavitra sy fandefasam-peo loatra hoe nisy fitokonan'ny fitaterana eto Antananarivo anie androany. Indreto sombin-tsary tamin'izay niainan'ny mponina teto Antananarivo.
Teo amin'ny fiandrasana taxibe Masikara.
Somary nikisaka eto moa ny fiandrasana ireo fiara mpitatitra,
Tsena ilay toerana ka somary malotoloto ny faritra e!
Fihodinana eo Andravoahangy, ahitana fiara fitateran'ny UCTS (fitaterana Suburbaine), mijanona ery lavidavitra, tsy misy miantsoantso ary tsy mijanona ela amin'ny toera-piatoana iray. Mifamoivoy ny fiarakaretsaka izay inoana fa nahazo betsaka androany.
Ankoatra izay somary malaladalaka ny lalana satria ny fiantsonan'ny fitaterana ny antony iray mampitohana azy isan'andro.
Ambatomitsangana
mmiova toerana kely
Andravoahangy mbony
Mitodika ho any Antaninandro, tsy ahitana na dia fiara fitaterana iray aza!
Eo amin'ny fihodinan'Antaninandro, tsy ahatarafana fiara fitaterana ihany koa,
Tsy fandalovan'ny fiara fitateram-bahoaka loatra ny mankany, fa nalaladalaka ihany tamin'ny fandalovana teo...
Fa indro misy taxibe UCTS iray koa izay tsy nametraka ny laharana sy ny toerana izorany sady tsy misy miantsoantso ihany koa.
Jery hatreny amin'ny tetezan'i Behoririka
Fiara iray ifandrombahana [UCTS] vao maraina
Ireo karazam-piara miasa, izay zatra ny eto Antananarivo mahafantatra fa tahaka izao ny zotra Suburbaine
Ireo manantena fa mbola hisy fiara handray azy ireo!
Eny Soarano-Antanimena
Be olona sy fiara mifamoivoy
Soarano akaikin'ny Building Ramaroson
Tsy tambo isaina ny olona mivezivezy hatrany
Lalana fandehanan'ny zotra fitaterana etsy Ambodifilao
Malalaka
Olona mandeha an-tongotra sy ahitana ireo manantena ny handray fiara hatrany
Toera-pitohanan'ny Fiara fitateram-bahoaka ihany koa eto fa androany kosa...
Miha-atoandro ny andro dia mihamaro kokoa ireo fiara UCTS miasa...
Na hoe miasa toy ny mahazatra azy ireo ry zareo!
Mandritra izany fotoana izany, miasa tsimoramora manala ireo mpivarotra amorony na anaty lalana ihany koa ireo mpiasan'ny kaominina. Olana andavanandro fahita eto Antananarivo. Ny faritra Masikara nakana ny sary voalohany androany ihany no hamaranana azy sady fotoana samihafa ireo!
Na izany na tsy izany, heveriko fa tsy hahavita izany fitokonana lavareny tsy mana-pahataperana izany ireo mpitokona ireo satria tsy maintsy mitady vola ho an'ny ankohonana ny tsirairay! samy mahazaka andro iray na ny mpandeha an-tongotra na ny mpitatitra fa samy tsy hahazaka andro faharoa na fahatelo izany fa hitsaitsaika hiditra hiasa ihany ny mpitokona, raha ny fihevitro manokana!
Jentilisa 20 novambra 2012
